បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

សប្ដាហ៍ទី១

សប្ដាហ៍ទី២

សប្ដាហ៍ទី៣

សប្ដាហ៍ទី៤

សប្ដាហ៍ទី៥

សប្ដាហ៍ទី៦

សប្ដាហ៍ទី៧

សប្ដាហ៍ទី៨

សប្ដាហ៍ទី៩

សប្ដាហ៍ទី១០

សប្ដាហ៍ទី១១

សប្ដាហ៍ទី១២

សប្ដាហ៍ទី១៣

សប្ដាហ៍ទី១៤

សប្ដាហ៍ទី១៥

សប្ដាហ៍ទី១៦

សប្ដាហ៍ទី១៧

សប្ដាហ៍ទី១៨

សប្ដាហ៍ទី១៩

សប្ដាហ៍ទី២០

សប្ដាហ៍ទី២១

សប្ដាហ៍ទី២២

សប្ដាហ៍ទី២៣

សប្ដាហ៍ទី២៤

សប្ដាហ៍ទី២៥

សប្ដាហ៍ទី២៦

សប្ដាហ៍ទី២៧

សប្ដាហ៍ទី២៨

សប្ដាហ៍ទី២៩

សប្ដាហ៍ទី៣០

សប្ដាហ៍ទី៣១

សប្ដាហ៍ទី៣២

សប្ដាហ៍ទី៣៣

សប្ដាហ៍ទី៣៤

សប្ដាហ៍ទី៣៥

សប្ដាហ៍ទី៣៦

សប្ដាហ៍ទី៣៧

សប្ដាហ៍ទី៣៨

សប្ដាហ៍ទី៣៩

សប្ដាហ៍ទី៤០

សប្ដាហ៍ទី២

ការបញ្ចេញអូវុល

ក្នុងរយៈពេល ២អាទិត្យបន្ទាប់ពីថ្ងៃហូរឈាមរដូវដំបូង រាងកាយស្រីៗយើងត្រៀមខ្លួនរួចជាស្រេចក្នុងការទទួលយកមេជីវិតឈ្មោលដើម្បីបង្កកំណើត។

ចែករំលែក

សប្ដាហ៍ទី ២៖ បេប៊ីស្រី ឬប្រុស មានក្រូម៉ូសូមកំណត់ភេទបែបណា?

ការលូតលាស់គភ៌

ក្នុងរយៈពេល ២អាទិត្យបន្ទាប់ពីថ្ងៃហូរឈាមរដូវដំបូង រាងកាយស្រីៗយើងត្រៀមខ្លួនរួចជាស្រេចក្នុងការទទួលយកមេជីវិតឈ្មោលដើម្បីបង្កកំណើត។ តើស្រីៗយើងមានដឹងទេថាក្នុងពេលបង្កកំណើតដំបូងរបស់គភ៌ គឺវាបានកំណត់នូវភេទប្រុស ឬស្រីរួចស្រេចទៅហើយ ប៉ុន្តែទម្រាំយើងអាចមើលឃើញតាមអេកូត្រូវចាំរហូតដល់ជាង ៤ខែឯណោះ។

តាមជីវវិទ្យា មនុស្សម្នាក់ៗមានក្រូម៉ូសូមចំនួន ៤៦ ដែលមានតួនាទីផ្ទុកនូវព័ត៌មានតំណពូជ ហើយក្នុងនោះមានក្រូម៉ូសូម ២ជាអ្នកកំណត់ភេទ។ យើងបានដឹងត្រួសៗរួចមកហើយថាយើងម្នាក់ៗគឺទទួលព័ត៌មានសេណេទិកម្នាក់ពាក់កណ្ដាលពីម៉ាក់ប៉ារបស់យើង លក្ខណៈពិសេសនោះត្រង់ថាម្តាយមានក្រូម៉ូសូមកំណត់ភេទតែមួយប្រភេទប៉ុណ្ណោះ គឺ X ផ្ទុយពីឪពុកដែលមានក្រូម៉ូសូមកំណត់ភេទ ២ប្រភេទផ្សេងគ្នាគឺ X និង Y ចឹងហើយការកំណត់ភេទអាស្រ័យលើមេជីវិតប៉ាប្រភេទមួយណាដែលទៅបង្កកំណើតជាមួយនឹងមេជីវិតរបស់ម៉ាក់ ប្រសិនបើ XX គឺបានបេប៊ីស្រី ហើយ XY គឺបានអាអូនប្រុស។

សប្ដាហ៍ទី ២៖ បេប៊ីស្រី ឬប្រុស មានក្រូម៉ូសូមកំណត់ភេទបែបណា?

បម្រែបម្រួលរាងកាយ

១- រាងកាយប្រែប្រួលអីខ្លះ?

នៅពេលមានការបញ្ចេញអូវុល ស្បូនរបស់ស្រីៗយើងក៏ត្រៀមខ្លួនរួចជាស្រេចដើម្បីចាំទទួលយកស៊ុតដែលបង្កកំណើតហើយមកកាច់សំបុកលើភ្នាសរបស់វា។ ក្នុងពេលនេះភ្នាសស្បូននឹងឡើងក្រាស់ពោរពេញដោយសរសៃឈាមជាច្រើនសម្រាប់បម្រុងការចាប់កំណើតរបស់គភ៌ ប៉ុន្តែក្នុងពេលភ្លាមៗនេះស្រីៗយើងមិនអាចដឹងខ្លួនថាមានការបង្កកំណើតនោះទេ ត្រូវចាំយ៉ាងតិចក៏ប៉ុន្មានអាទិត្យដែររហូតដល់បាត់រដូវទើបដឹង។

ត្រូវធ្វើម៉េច?

ចង់ដឹងថាថ្ងៃណាដែលអូវុលស្រីៗបញ្ចេញអាចនឹងពិបាកកំណត់ព្រោះវដ្ដរដូវមិនដូចគ្នានោះទេ ស្រីៗយើងខ្លះមានរដូវទៀង ឬខ្លះទៀតមិនទៀង តែទោះយ៉ាងណាក៏នៅមានវីធីអាចកំណត់បានដែរ ដូចជាការឡើងកម្តៅរាងកាយ មានធ្លាក់ទឹករំអិលពីមាត់ស្បូន ដែលទាំងនេះបង្ហាញថាយើងកំពុងមានការបញ្ចេញអូវុលហើយ។ មួយវិញទៀតដើម្បីប្រាកដប្រជានោះគួរគេងជាមួយគ្នា ២ ឬ ៣ថ្ងៃមុន និងក្រោយពេលដែលមានសញ្ញាទាំងនេះ។

ការជួបជាមួយគ្រូពេទ្យ

២- ប្រាប់អីខ្លះទៅពេទ្យ

បើយើងកំពុងតែព្យាយាមយកកូនក្នុងពេលនេះគួរប្រាប់គ្រូពេទ្យ ព្រោះថាអាចមានការពិនិត្យខ្លះដែលត្រូវធ្វើមុននឹងមានបេប៊ីបានបានដូចចិត្ត។ ម្យ៉ាងទៀតបើយើងកំពុងប្រើថ្នាំផ្សេងៗដែលគ្មានវេជ្ជបញ្ជាក៏ត្រូវប្រាប់ដល់គ្រូពេទ្យដែរ ជៀសវាងផលប៉ះពាល់ផ្សេងៗដល់គភ៌។

តេស្តអ្វីខ្លះដែលចាំបាច់?

ដើម្បីត្រៀមខ្លួនឲ្យបានគ្រប់ជ្រុងជ្រោយស្រីៗយើងអាចធ្វើតេស្តដើម្បីដឹងថាមានការបញ្ចេញអូវុល ឬអត់ ហើយមានតេស្តមួយទៀតដើម្បីឲ្យច្បាស់ថាមានបេប៊ី ឬអត់នោះ។

សុខភាព និងសុវត្ថិភាព

៣- ត្រូវដឹងអីខ្លះ?

ពេលខ្លះស្រីៗយើងអាចមានអាការៈឈឺក្បាលតិចតួចហើយក៏នឹកឃើញដល់ថ្នាំប៉ារ៉ាសេតាមុលដែលគ្រប់គ្នាអាចរកទិញបានមិនចាំបាច់មានវេជ្ជបញ្ជានោះទេ។ តែត្រូវដឹងថាថ្នាំប៉ារ៉ាប្រភេទខ្លះមានជាតិកូដេអ៊ីនដែលអាចមានផលប៉ះពាល់ដល់គភ៌ ចឹងហើយគួរតែប្រុងប្រយ័ត្ន និងសួរយោបល់គ្រូពេទ្យ ឬឱសថការីមុននឹងប្រើ។

អ្វីខ្លះគួរជៀសវាង?

ស្រា បារី និងថ្នាំញៀន សារធាតុទាំង៣ នេះត្រូវជៀសឲ្យឆ្ងាយ ព្រោះវាមានផលអាក្រក់ណាស់ទៅលើសុខភាពរបស់យើង និងគភ៌។ មិនត្រឹមតែពេលពពោះនោះទេ ក្រោយសម្រាលហើយក៏នៅតែអាចទទួលរងផលប៉ះពាល់ដែរដូចជា បញ្ហាផ្លូវដង្ហើមទារក កើតមកមិនគ្រប់គីឡូជាដើម។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ យ៉ានណែត ដាញែល · កែ 09/07/2019