ការចាក់វ៉ាក់សាំងអំឡុងពពោះ ដើម្បីបង្ការការឆ្លងមេរោគ ឬជំងឺផ្សេងៗ ប៉ះពាល់ដល់សុខភាពម្តាយ និងកូនក្នុងផ្ទៃ។ ពេលពពោះ ស្រីៗត្រូវចាក់វ៉ាក់សាំងអីខ្លះ? តើវ៉ាក់សាំងនីមួយៗចាំបាច់យ៉ាងណាខ្លះចំពោះម្តាយ និងកូន?
មានតែវ៉ាក់សាំង ២ មុខប៉ុណ្ណោះដែលតម្រូវឲ្យស្រីៗចាក់ពេលកំពុងពពោះ វ៉ាក់សាំងទាំងនោះមាន វ៉ាក់សាំងការពារជំងឺតេតាណុស និងវ៉ាក់សាំងផ្តាសាយ។ នេះបើតាមការបញ្ជាក់របស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
១- វ៉ាក់សាំងតេតាណុស
ជំងឺតេតាណូសបង្កដោយបាក់តេរីឈ្មោះ Clostrium Tetani ធ្វើឲ្យប៉ះពាល់ដល់ប្រព័ន្ធសរសៃប្រសាទ នាំឱ្យសាច់ដុំកន្ត្រាក់ មានការឈឺចាប់សាច់ដុំថ្គាម និងក ។ ជំងឺនេះក៏អាចបណ្តាលមកពីសត្វឆ្កែ ឆ្មា ស្វា ឬជ្រូកខាំ និងរបួសដោយសារការមុតអំបែង វត្ថុមិនស្អាត ឬដែកច្រែះជាដើម។ ចំពោះទារកវិញមេរោគតេតាណូសចូលតាមផ្ទិតដោយសារតែការខ្វះអនាម័យ ឬយករបស់មិនស្អាតកាត់ ឬបិទរុំផ្ចិតកូន។
ស្រីៗពពោះ គ្រូពេទ្យនឹងណែនាំឲ្យចាក់វ៉ាក់សាំងការពារជំងឺតេតាណុស នៅត្រីមាសដំបូង ដើម្បីការពារការកើតជំងឺនេះទាំងម្តាយទាំងកូន។
អត្ថបទពាក់ព័ន្ធ៖
- មានដឹងទេ បច្ចុប្បន្នមានវ៉ាក់សាំងការពារជំងឺអីខ្លះ?
- រឿងចាំបាច់ស្រីៗត្រូវធ្វើ និងមិនគួរធ្វើ អំឡុងពពោះ
២- វ៉ាក់សាំងផ្តាសាយ
អង្គការសុខភាពពិភពលោក (WHO) បានណែនាំឲ្យស្រីៗមានផ្ទៃពោះចាក់វ៉ាក់សាំងផ្តាសាយទោះក្នុងត្រីមាសណាដោយ។ ម្តាយដែលចាក់វ៉ាក់សាំងការពារជំងឺផ្តាសាយ អាចបង្ការកូនពីជំងឺគ្រុនផ្តាសាយនៅ ២-៣ ខែប៉ុន្មានខែដំបូងនៃជីវិតរបស់ពួកគេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-due-date]
