ការលូតលាស់គភ៌
ម៉ាក់បា៉ច្បាស់ជាចង់ដឹងថា សប្តាហ៍ទី ៣៦ នេះ បេប៊ីធំប៉ុនណា? អាអូនរាងមូលប៉ុនស្ពៃក្តោប មានប្រវែងប្រហែល ៤៧ សង់ទីម៉ែត្រ និងទម្ងន់ប្រហែល ២,៧ គីឡូក្រាម។ ឥឡូវនេះចង្កាកូនមានសាច់ ចឹងហើយបានមុខកាន់តែមូលគួរឲ្យស្រលាញ់។ ឆ្អឹងលលាដ៏ក្បាលអាអូនអាចរំកិលបានតិចតួច ហើយអាចនៅពីលើគ្នានេះគេហៅថារលាយចូលគ្នា ដែលជួយឲ្យបេប៊ីសម្រាលបានស្រួល។ កុំបារម្ភអីបើសិនជាអាអូនកើតចេញមកមានក្បាលស្រួច ឬស្តួច ព្រោះប៉ុន្មានថ្ងៃក្រោយមក ក្បាលអាអូននឹងត្រលប់មកមូលវិញមិនខាន។