មានមូលហេតុជាច្រើនដែលនាំឲ្យបាត់បង់គភ៌នៅក្នុងផ្ទៃ ហើយ ៨០ ភាគរយ គឺបណ្ដាលមកពីបញ្ហាមិនប្រក្រតីនៃក្រូម៉ូសូម ទើបនាំឲ្យការលូតលាស់របស់គភ៌មិនបានល្អដូចធម្មជាតិ។ នេះជាការលើកឡើងរបស់លោកវេជ្ជបណ្ឌិត ច័ន្ទ រស្មី ឯកទេសសម្ភព និងរោគស្ត្រី ហើយមានកត្តាមួយចំនួនទៀតក៏រួមផ្សំធ្វើឲ្យរលូត ឬត្រូវបង្ខំចិត្តយកចេញដូចជា៖

– កម្រិតអ័រម៉ូនមិនធម្មតារបស់ម្ដាយ (ទីរ៉ូអ៊ីត ប្រូហ្សេស្តេរ៉ូន..)

– ភាពខុសប្រក្រតីរបស់ស្បូន

– មាត់ស្បូនចាប់បើក ស្ដើងមុន និងក្រោយការមានគភ៌

– ម្ដាយមានមេរោគឆ្លងមួយចំនួន

– ម្ដាយមានជំងឺរ៉ាំរ៉ៃ (បេះដូង ទឹកនោមផ្អែម…)

– ការប្រើប្រាស់ថ្នាំពេទ្យ ឬថ្នាំបូរាណមួយចំនួន

– ការផឹកស្រា បារី ឬទទួលដោយប្រយោលពីគេ

– ការប៉ះពាល់កាំរស្មី ឬសារធាតុពុល

វេជ្ជបណ្ឌិតរូបនោះបន្តទៀតថា ដូចនេះគ្រប់ស្ត្រីក្នុងវ័យបន្តពូជទាំងអស់ ក្រោយពេលបាត់រដូវ ត្រូវតែមកមណ្ឌលសុខភាព ឬគ្រូពេទ្យផ្នែកសម្ភព ដើម្បីឲ្យច្បាស់ថាមានគភ៌ ឬអត់ ហើយធ្វើការចាក់ថ្នាំការពារតេតាណូស និងទទួលយកថ្នាំជីវជាតិដែក បន្ថែមដើម្បីរក្សាគភ៌ និងបង្ការជំងឺស្លេកស្លាំងរបស់ម្ដាយ។

រលូតកូន មកពីម៉ាក់ៗមានបញ្ហាទាំងនេះ