ស្ត្រីភាគច្រើនពេលចាប់ផ្ដើមមានផ្ទៃពោះ នឹងមានការប្រែប្រួលខ្លះៗ ដែលយើងហៅថា អាការៈចាញ់កូន។ ម៉ាក់ៗខ្លះមិនសូវមានអាការៈចាញ់ខ្លាំងទែ គឺអាចញ៉ាំអាហារបានធម្មតា តែសម្រាប់ម៉ាក់ៗមួយចំនួនទៀតវិញ ចាញ់មិនអាចញ៉ាំអ្វីបានច្រើនសោះ ហើយចង់ញ៉ាំនេះចង់ញ៉ាំនោះមិនឈប់ ថែមទាំងជារបស់ប្លែកខុសពីធម្មតាទៀតផង។ តើការឃ្លានខុសប្លែកបែបនោះ មកពីអ្វី?
ស្ត្រីចាញ់កូនឃ្លានប្លែកៗ ដូចជា ដី អំបែង ក្បឿង បណ្ដាលមកពីអី?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
វេជ្ជបណ្ឌិត ហ៊ាង រតនា ឯកទេសជំងឺទូទៅបានឲ្យដឹងថា កាលពីមុនអ្នកចាញ់កូនមួយចំនួនតូចឃ្លានបែបប្លែកៗដូចជា អំបែង ក្បឿង ឆ្នាំងដី ជាដើម។ មូលហេតុដែលនោះឲ្យស្ត្រីពពោះឃ្លានរបស់អស់ទាំងនោះ អាចមកពីអ័រម៉ូនឡើងខ្លាំង ហើយមានការសិក្សាខ្លះបញ្ជាក់ថា មកពីស្ត្រីខ្វះជាតិដែក ទើបបានជាបណ្ដាលឲ្យទៅជាបែបនោះ។
លោកបន្តទៀតថា ក្រៅពីខ្វះជាតិដែក ហើយស្ត្រីមួយចំនួនកាលពីជាង ១០-២០ ឆ្នាំមុនមានបញ្ហាកង្វះអាហារូបត្ថម្ភក៏នាំឲ្យកើតឡើងចំណង់អាហារខ្លាំងខុសធម្មតាដូចគ្នា។ ចំពោះបញ្ហានេះដែរ កើតឡើងលើស្ត្រីកំពុងពពោះ ព្រោះរាងកាយត្រូវបង្កើនតម្រូវការអាហារូបត្ថម្ភ សម្រាប់ផ្គត់ផ្គង់ដល់គភ៌ក្នុងផ្ទៃ។ ករណីនេះ នឹងធ្វើឲ្យស្រីៗពពោះកើនឡើងចំណង់អាហារខ្លាំងក្លារយៈពេលខ្លី និងញ៉ាំច្រើន ដើម្បីទទួលបានអាហារបំប៉នគ្រប់គ្រាន់ទៅដល់គភ៌កំពុងលូតលាស់។
ចំពោះអាការៈឃ្លានបែបប្លែកៗក៏អាចមកពីរាងកាយត្រូវការបង្កើនអាស៊ីដខ្លាញ់ វីតាមីនសំខាន់ៗដទៃ ដើម្បីបន្ថែមសារជាតិចិញ្ចឹមគ្រប់គ្រាន់។ ចំពោះការប្រែប្រួលអ័រម៉ូន ត្រូវលោកវេជ្ជបណ្ឌិតឯកទេសទូទៅរូបនោះ បញ្ជាក់ថាក៏ជាមូលហេតុនាំឲ្យមានការផ្លាស់ប្ដូរចំណង់ញ៉ាំដែរ។
ទោះជាយ៉ាងនេះក៏ដោយ បើបច្ចុប្បន្នលោកសង្កេតឃើញថា ម៉ាក់ៗសម័យនេះលែងមានបញ្ហាអស់ទាំងនោះទៀតហើយ គ្រាន់តែឃ្លាន និងញ៉ាំច្រើន ហើយឃ្លានគ្រប់មុខ និងខ្លះជាអាហារមិនចេះ ឬមិនធ្លាប់ញ៉ាំសោះ។ ហើយមិនតែប៉ុណ្ណោះរាល់ពេលម៉ាក់ៗទៅពិនិត្យផ្ទៃពោះគ្រូពេទ្យនិងបន្ថែមថ្នាំគ្រាប់ជាតិដែកចំនួន ៩០គ្រាប់ដល់ស្រ្តី ដូច្នេះហើយមិនសូវមានកង្វះជាតិដែកដូចពីមុនទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម