ដំណាក់កាលសម្រាលកូនពិតជាឆ្លងកាត់ការលំបាក និងមានគ្រោះថ្នាក់ច្រើនចំពោះសុខភាពស្ត្រី ហើយពេលសម្រាលប្រសិនបើគ្រូពេទ្យមិនមានជំនាញច្បាស់លាស់ សម្អាតមិនបានល្អ ក៏បង្កជាហានិភ័យសុខភាពចំពោះម៉ាក់ៗ។
សញ្ញាបញ្ជាក់ថាម៉ាក់ៗសល់កម្ទេចសុកក្នុងស្បូន ក្រោយសម្រាលកូន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
សញ្ញាដែលបញ្ជាក់ថាគ្រូពេទ្យលូកបារសម្អាតមិនល្អនោះ ម៉ាក់ៗមានធ្លាក់ឈាមច្រើនលើសពី ៣ ថ្ងៃ ហើយមានអាការៈក្ដៅខ្លួន រងារ ហើមជើងម្ខាង ទឹករម្អិលចេញពីទ្វារមាសមានក្លិនស្អុយ ឬឈឺចាប់ នៅក្នុងពោះកាន់តែខ្លាំង អាចជាសញ្ញាសល់កម្ទេចសុកក្នុងស្បូន។ នេះជាការឲ្យដឹងពីលោកវេជ្ជបណ្ឌិត ចាន់ ស៊ីណេត។
ប្រធានផ្នែកសម្ភព និងរោគស្ត្រីនៃមន្ទីរពេទ្យមិត្តភាពកម្ពុជា-ចិន សែនសុខរូបនេះបន្ថែមទៀតថា ករណីធ្លាក់ឈាមធ្ងន់ធ្ងរ ឬហូរឈាមជាប់ជានិច្ច អាចបណ្ដាលមកពីការរហែកនៅក្នុងទ្វារមាស ឬស្បូន ប៉ុន្តែមូលហេតុញឹកញាប់បំផុតនៃការធ្លាក់ឈាមធ្ងន់ធ្ងរក្រោយសម្រាល គឺដោយសារសំណល់សុក។
លោកបន្តទៀតថា បើសុក ឬសូម្បីតែកម្ទេចតូចមួយនៃសុកនៅសេសសល់ក្នុងស្បូនហើយ តែងនាំគ្រោះថ្នាក់ជានិច្ច ហើយចាស់ៗតែងតែគិតថា ករណីនេះជាការទាស់ក្រោយសម្រាល។ សញ្ញានៃការបង្ករោគក្នុងស្បូន (គ្រុនក្ដៅ ញាក់ ក្លិនអាក្រក់ពីទ្វារមាស) ត្រូវតែប្រញាប់មកជួបគ្រូពេទ្យដើម្បីព្យាបាល និងសម្អាតម្ដងទៀតឲ្យទាន់ពេលវេលា ទើបមិនគ្រោះថ្នាក់ដល់ជីវិត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម