បើនិយាយពីរឿងពិនិត្យសុខភាព វាជារឿងចាំបាច់មួយដែលម៉ាក់ៗពពោះត្រូវធ្វើឲ្យបានខ្ជាប់ខ្ជួន ព្រោះវាអាចបញ្ជាក់ឲ្យដឹងពីសុខភាពកូននៅក្នុងផ្ទៃដែលយើងពិបាកដឹងពីសុខភាពកូនដោយភ្នែកទទេ។ ប៉ុន្តែ មានម៉ាក់ៗខ្លះ ទៅពិនិត្យសុខភាពដែរ តែបែរជាធ្វើឲ្យមានកំហុសដោយមិនដឹងខ្លួនទៅវិញ។ នេះបើតាមការឲ្យដឹងពីលោកវេជ្ជបណ្ឌិត សឿ ច័ន្ទវិសាល ឯកទេសផ្នែកសម្ភព និងរោគស្ត្រី។