បញ្ហាក្ដៅខ្លួន ឬឡើងកម្ដៅ ជារឿងសាមញ្ញគ្នាយើងណាដែលថាមិនធ្លាប់ឈឺនោះ គ្រាន់តែសម្រាកបន្តិចវាអាចធូរស្បើយទៅវិញ តែករណីក្ដៅខ្លួនកើតលើស្ត្រីពពោះខុសគ្នាពីមនុស្សទូទៅ។ អាការៈក្ដៅខ្លួន អំឡុងពេលមានផ្ទៃពោះ គឺជាការកើនឡើងកម្ដៅខ្លួនធំជាង ឬស្មើ ៣៧.៨ អង្សារសេ។ នេះបើតាមការឲ្យដឹងពីមន្ទីរពេទ្យ កាល់ម៉ែត។
មូលហេតុធម្មតា ធ្ងន់ធ្ងរ និងត្រូវវះកាត់បន្ទាន់ បើម៉ាក់ៗក្ដៅខ្លួនពេលពពោះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចំពោះស្ត្រីពពោះ អាការៈក្ដៅខ្លួនជាបញ្ហាសុខភាពមួយ យើងត្រូវយកចិត្តទុកដាក់ ព្រោះវាអាចបង្កគ្រោះថ្នាក់ដល់សុខភាពម្ដាយ និងអាអូនក្នុងពោះបាន។ មូលហេតុបណ្ដាលឲ្យមានអាការៈក្ដៅខ្លួនក្នុងពេលមានផ្ទៃពោះនេះ មានករណីមិនធ្ងន់ធ្ងរ ធ្ងន់ធ្ងរ និងករណីធ្ងន់ធ្ងររហូតទាមទារឲ្យម៉ាក់ៗវះកាត់បន្ទាន់ទៀតផង ជាហេតុដែលម៉ាក់ៗមិនត្រូវធ្វេសប្រហែសទៅលើការថែទាំសុខភាពនោះទេ។
មូលហេតុបង្កឲ្យក្ដៅខ្លួនករណីមិនធ្ងន់ធ្ងរ
- រលាកត្រចៀក
- រលាកបំពង់ក
- រលាកទងសួត
- ផ្ដាសាយធំ
មូលហេតុបង្កឲ្យក្ដៅខ្លួនករណីធ្ងន់ធ្ងរ
- រលាកតម្រងនោម
- រលាកប្រដាប់បន្តពូជ
- រលាកស្រោមទឹកភ្លោះ
- កើតស្អូច
- រលាកសួត
- ស្រឡទែន
- របេង។ល។
មូលហេតុបង្កឲ្យក្ដៅខ្លួនករណីទាមទារវះកាត់បន្ទាន់
- រលាកខ្នែងពោះវៀន
- រលាកថង់ទឹកប្រមាត់
បើម៉ាក់ៗជួបបញ្ហាក្ដៅខ្លួនអំឡុងពេលពពោះ អាចប្រឈមនឹងផលពិបាកច្រើនដូច រលូតកូន កូនកើតមិនគ្រប់ខែ ទារកស្លាប់ក្នុងពោះ និងអាចកើតជំងឺលើទារកដែលបណ្ដាលមកពីការឆ្លងមេរោគពីម្ដាយទៅកូន។ល។ ដូចនេះហើយ ទើបម៉ាក់ៗពពោះត្រូវចេះ ឬដឹងពីវិធីការពារ និងព្យាបាលអាការៈក្ដៅខ្លួនមានដូចជា៖
– ត្រូវនៅឆ្ងាយពីសត្វឆ្មា ឬសត្វអាចបង្ករោគមួយចំនួនទៀត
– មិនត្រូវញ៉ាំសាច់ ឬបន្លែឆៅ ដែលលាងមិនបានស្អាតល្អ
– មិនត្រូវញ៉ាំអាហារ ផ្អាប់ ឬអាហាររក្សាក្នុងទូទឹកកករយៈពេលយូរ ព្រោះវាមានផ្ទុកនូវប៉ារ៉ាស៊ីតមួយចំនួន
– ត្រូវពិនិត្យផ្ទៃពោះ និងពិនិត្យឈាម ដើម្បីស្វែងរកមេរោគមួយចំនួនដែលអាចបង្កហានិភ័យដល់ទារក
– ត្រូវនៅឲ្យឆ្ងាយពីក្មេង ដែលកើតអុតស្វាយ ឬស្អូចព្រោះអាចឆ្លងពីក្មេង។ល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម