កូនស្លាប់ក្នុងផ្ទៃ ជាធម្មតាត្រូវបានកំណត់ថា ជាការស្លាប់របស់ទារកនៅ ឬបន្ទាប់ពី២៤ សប្ដាហ៍នៃការមានផ្ទៃពោះ។ នេះបើតាមការពន្យល់ឲ្យដឹងពីលោកវេជ្ជបណ្ឌិត ច័ន្ទ រស្មី ឯកទេសផ្នែកសម្ភព និងរោគស្ត្រី។
មាតិកា
ម៉ាក់ៗប្រយ័ត្នផង! ផលវិបាកប៉ុន្មាននេះ បណ្ដាលឲ្យកូនស្លាប់ក្នុងផ្ទៃ
មូលហេតុអ្វីបណ្ដាលឲ្យមានបញ្ហាកូនស្លាប់ក្នុងផ្ទៃ?
វេជ្ជបណ្ឌិតរូបនេះបន្តថា ជារឿយៗ ខាងក្រុមគ្រូពេទ្យមិនដឹងពីមូលហេតុច្បាស់ទេ ប៉ុន្តែពេលខ្លះ បញ្ហានេះអាចបណ្ដាលពីផលវិបាកផ្សេងៗកើតមានអំឡុងពេលពពោះដូចជា៖
១. ជំងឺបម្រុងក្រឡាភ្លើង ឬជំងឺក្រឡាភ្លើង
២. បញ្ហាទាក់ទងនឹងសុក ឬទងសុក កំណើតមិនធម្មតា
៣. ការបង្ករោគដូចជាជំងឺគ្រុនចាញ់ និងជំងឺកាមរោគ
៤. សុខភាពមិនសូវល្អរបស់ម្ដាយ។
ស្ត្រីណាខ្លះប្រឈមនឹងហានិភ័យបញ្ហាកូនស្លាប់ក្នុងផ្ទៃ?
ការស្លាប់របស់ទារកក្នុងផ្ទៃអាចកើតឡើងលើស្ត្រីពពោះគ្រប់វ័យ ហើយវាអាចកើតឡើងដោយមិនអាចទាយទុកមុនបាន ពិសេសបើស្ត្រីមានកត្តាប៉ុន្មានខាងក្រោមនេះ ហានិភ័យកូនស្លាប់ក្នុងផ្ទៃខ្ពស់ដូចជា៖
- ម៉ាក់ពពោះអាយុលើស ៣៥ឆ្នាំឡើង
- ជក់បារី ផឹកគ្រឿងស្រវឹង ឬប្រើគ្រឿងញៀន
- ថែទាំសុខភាពមុនសម្រាលមិនបានល្អ
- ខ្វះអាហារូបត្ថម្ភ
- ពពោះកូនភ្លោះ (២ឬច្រើន)
- ធាត់លើសទម្ងន់
- ប្រើប្រាស់បច្ចេកវិទ្យាជំនួយការបន្តពូជ
- ការមានផ្ទៃពោះដំបូង។
វេជ្ជបណ្ឌិតផ្នែកសម្ភពដដែលបន្ថែមឲ្យដឹងទៀតថា ការបញ្ជាក់ពីការស្លាប់ទារកធ្វើឡើងតាមរយៈការមើលអេកូសាស្ត្រ។ ការពិនិត្យអេកូសាស្ត្រជាប្រចាំតាមការណាត់ជួបរបស់វេជ្ជបណ្ឌិត ក៏អាចផ្ដល់ផលល្អក្នុងការរកឃើញបញ្ហាមួយចំនួនក្នុងការមានផ្ទៃពោះដែលអាចព្យាបាល ដើម្បីចៀសវាងការស្លាប់របស់ទារក។ ម៉ាក់ៗដែលមានប្រវត្តិធ្លាប់មានកូនស្លាប់ក្នុងផ្ទៃ គួរតាមដានបន្ថែមមុនពេលសម្រាលកូននៅពេលពពោះក្រោយៗទៀត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
កំណែប្រែបច្ចុប្បន្ន
07/06/2021
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម