គេងមិនលក់ពេលពពោះ ឧស្សាហ៍កើតមាននៅដំណាក់កាលត្រីមាសដំបូង និងត្រីមាសទី ៣ នៃការពពោះ ព្រោះទំហំពោះរីកធំ ទំហំកូនក៏ធំ។ ទោះបញ្ហានេះ មិនបង្កផលប៉ះពាល់ដល់អាអូនក្នុងផ្ទៃ តែវារំខានដល់អារម្មណ៍របស់ស្ត្រីពពោះមែនទែន។
មាតិកា
ម៉ាក់ៗដោះស្រាយបញ្ហាពិបាកគេងពេលពពោះ តាមតិចនិកងាយប៉ុន្មាននេះ
មូលហេតុអ្វីខ្លះនាំឲ្យគេងមិនលក់ពេលពពោះ?
តាមលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រីនៃមន្ទីរពេទ្យមិត្តភាពកម្ពុជា ចិនសែនសុខបានឲ្យដឹងថា អំឡុងពេលពពោះ មានបញ្ហាជាច្រើនដែលបណ្ដាលស្ត្រីពិបាកគេងដូចជា៖
- ការនោមញឹកញាប់
- ក្អួត ឬចង្អោរ
- ឈឺខ្នង
- បញ្ហាសុដន់
- មិនស្រួលពោះ
- រមួលក្រពើ
- ដកដង្ហើមបានខ្លីៗ
- យល់សប្តិរវើរវាយ។
បញ្ហាផ្សេងទៀតនាំឲ្យគេងមិនលក់ពេលពពោះ ក៏អាចមានទំនាក់ទំនងជាមួយស្ត្រេស។ គ្នាយើងអាចនឹងព្រួយបារម្ភខ្លាំងពីការសម្រាល ឬបារម្ភពីតួនាទីក្លាយជាម៉ាក់ៗគេ ដែលក្តីបារម្ភទាំងនេះសុទ្ធតែអាចធ្វើឲ្យយើងបញ្ឈរភ្នែកអំឡុងពេលយើងដាក់ខ្លួនគេង។
តិចនិកជួយដោះស្រាយបញ្ហាគេងមិនលក់ពេលពពោះ
១. គួរគេងលើខ្នើយរាងខ្ពស់បន្តិច ដើម្បីសម្រួលដល់ការដកដង្ហើម
២. ចៀសវាងភេសជ្ជៈមានជាតិកាហ្វេអ៊ីន តែ ឬទឹកផ្លែឈើមានជាតិជូរ
៣. គេងផ្ងារបាន តែបើងងឹតមុខ ប្ដូរមកគេងផ្អៀងវិញ
៤. កល់ខ្នើយជើង
៥. ចៀសវាងអាហារដែលពិបាករំលាយ
៦. ហាត់ប្រាណ (ដើរ ឬហាត់យូហ្គា)
៧. ចៀសវាងញ៉ាំទឹកច្រើន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Insomnia During Pregnancy https://www.whattoexpect.com/pregnancy/symptoms-and-solutions/insomnia.aspx
Pregnancy Insomnia: Snooze Or Lose! https://americanpregnancy.org/healthy-pregnancy/pregnancy-health-wellness/insomnia-during-pregnancy/
Tiredness and sleep problems https://www.nhs.uk/pregnancy/related-conditions/common-symptoms/tiredness/
កំណែប្រែបច្ចុប្បន្ន
19/07/2021
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម