អាការៈស្ងួតមាត់អំឡុងពេលពពោះ កើតឡើងជាទូទៅ ហើយភាគច្រើនវាអាចបណ្ដាលមកពីការប្រែប្រួលអ័រម៉ូន និងជួនកាល ជំងឺទឹកនោមផ្អែមអំឡុងពេលមានផ្ទៃពោះ ក៏មូលហេតុដែលធ្វើឲ្យម៉ាក់ៗស្ងួតមាត់ផងដែរ។ ខាងក្រោមនេះ ជាមូលហេតុដែលនាំឲ្យកើតមានអាការៈស្ងួតមាត់ក្នុងអំឡុងពេលមានគភ៌ និងដំណោះស្រាយ។

១. កង្វះជាតិទឹក

ពិតណាស់ កង្វះជាតិទឹកធ្វើឲ្យយើងមិនអាចផលិតទឹកមាត់គ្រប់គ្រាន់ និងនាំឲ្យមាត់របស់យើងស្ងួត។ អំឡុងពេលមានគភ៌ ម៉ាក់ៗគប្បីញ៉ាំទឹកឲ្យបានច្រើន ដើម្បីបញ្ចៀសបញ្ហាកង្វះជាតិទឹក។ រោគសញ្ញាខាងក្រោម បញ្ជាក់ថាម៉ាក់ៗកំពុងតែខ្វះជាតិទឹក

ទឹកនោមពណ៌លឿងចាស់
អស់កម្លាំង
ឈឺក្បាល
វិលមុខ

២. ការប្រែប្រួលអ័រម៉ូន

ជាមួយគ្នានេះដែរ ការប្រែប្រួលកម្រិតអ័រម៉ូនក៏អាចកាត់បន្ថយលំហូរទឹកមាត់ និងបង្កជាអាការៈស្ងួតមាត់អំឡុងពេលមានគភ៌ដូចគ្នា។

៣. បរិមាណឈាមកើនឡើង

ការកើនឡើងនៃបរិមាណឈាម និងអត្រាច្រោះនៅក្នុងតម្រងនោម អាចបណ្ដាលឲ្យយើងនោមញឹកញាប់ ជាហេតុនាំឲ្យម៉ាក់ៗបាត់បង់ជាតិទឹកពីក្នុងរាងកាយ។

៤. ជំងឺស្លេកស្លាំង

ប្រសិនបើម៉ាក់ៗប្រឈមនឹងអាការៈស្ងួតមាត់ខ្លាំង អមជាមួយនឹងអារម្មណ៍ក្រហាយ វាអាចជាសញ្ញានៃជំងឺស្លេកស្លាំង។

៥. បែបបទនៃការរស់នៅ

ទន្ទឹមនឹងនេះដែរ ការញ៉ាំគ្រឿងស្រវឹង និងភេសជ្ជៈដែលមានជាតិកាហ្វេអ៊ីន ញ៉ាំអាហារប្រៃ ឬហឹរ និងការដកដង្ហើមតាមមាត់ក៏អាចធ្វើឲ្យយើងស្ងួតមាត់ផងដែរ។

៦. ការប្រើប្រាស់ថ្នាំ

ការប្រើប្រាស់ថ្នាំសម្រាប់ព្យាបាលបញ្ហាសម្ពាធឈាមខ្ពស់ អំឡុងពេលមានគភ៌ ក៏អាចបណ្ដាលឲ្យម៉ាក់ៗប្រឈមនឹងអាការៈស្ងួតមាត់។

៧. ជំងឺទឹកនោមផ្អែមពេលមានគភ៌

កម្រិតជាតិគ្លុយកូសខ្ពស់ខុសពីធម្មតា អំឡុងពេលមានគភ៌អាចនាំឲ្យយើងកើតមានអាការៈស្ងួតមាត់។ រោគសញ្ញាដទៃទៀតនៃជំងឺទឹកនោមផ្អែមអំឡុងពេលមានគភ៌ មានដូចជា៖

ស្រេកទឹកខ្លាំង និងនោមញឹកញាប់
អស់កម្លាំង
ព្រិលភ្នែក
ការឆ្លងមេរោគលើប្លោកនោម និងទ្វារមាស។

ស្ងួតមាត់ពេលពពោះ២

តិចនិកកាត់បន្ថយអាការៈស្ងួតមាត់អំឡុងពេលពពោះ

ដើម្បីកាត់បន្ថយអាការៈស្ងួតមាត់ ម៉ាក់ៗអាចសាកល្បងតិចនិកងាយៗខាងក្រោមនេះ។

ថែទាំអនាម័យមាត់ធ្មេញ ដោយដុសធ្មេញ ប្រើខ្សែអំបោះទាក់ធ្មេញ និងខ្ពុរមាត់ជាប្រចាំ
កាត់បន្ថយការញ៉ាំកាហ្វេ តែ និងភេសជ្ជៈដែលមានជាតិអាកុល
កាត់បន្ថយការញ៉ាំអាហារប្រៃ និងផ្អែមខ្លាំង
ជៀសវាងការជក់បារី
ទំពាស្ករកៅស៊ូដែលគ្មានជាតិស្ករ
ញ៉ាំទឹកឲ្យបានច្រើន។

១. កង្វះ​ជាតិ​ទឹក

២. ការ​ប្រែប្រួល​អ័រម៉ូន​

៣. បរិមាណ​​ឈាម​​កើន​ឡើង​

​​៤. ជំងឺ​ស្លេកស្លាំង​

៥. បែប​បទ​នៃ​ការ​រស់​នៅ​

៦. ការ​ប្រើប្រាស់​ថ្នាំ​

៧. ជំងឺ​ទឹក​នោម​ផ្អែម​ពេល​មាន​គភ៌​

តិចនិក​កាត់​បន្ថយ​អាការៈ​ស្ងួត​មាត់​អំឡុង​ពេល​ពពោះ​