ថ្មីៗនេះ ទើបតែផ្ទុះរឿងជំងឺឆ្កែឆ្កួត ធ្វើឲ្យយើងបារម្ភគ្រប់ៗគ្នា វិទ្យាស្ថានប៉ាស្ទ័រ សឹងរកវ៉ាក់សាំងចាក់មិនគ្រប់ ប៉ុន្តែបើទោះជាករណីនេះ ស្ងប់ស្ងាត់ហើយក្តី គ្នាយើងនៅតែមានមន្ទិលសង្ស័យ ពិសេសអ្នកមានសត្វចិញ្ចឹម និងកំពុងមានផ្ទៃពោះ នៅតែចង់ដឹងថា សត្វចិញ្ចឹមអាចបង្កផលប៉ះពាល់ដល់កូនក្នុងផ្ទៃ ឬអត់? “Hello គ្រូពេទ្យ’ បកស្រាយឲ្យដឹង។

១- អ្វីគួរបារម្ភពីផលប៉ះពាល់សត្វចិញ្ចឹមអំឡុងពេលពពោះ?

ករណីស្រីៗមានផ្ទៃពោះ សត្វចិញ្ចឹមផ្ទាល់ខ្លួន មិនមែនជាបញ្ហានោះទេ ប៉ុន្តែយើងត្រូវចេះថ្លឹងថ្លែងឲ្យបានច្បាស់ រវាងការស្រលាញ់សត្វ និងសុខភាពពេលមានផ្ទៃពោះ។ ឆ្កែឆ្មា និងសត្វដទៃទៀត សុទ្ធតែអាចមានផ្ទុកបាក់តេរីក្នុងលាមក ដែលពិតជាមានគ្រោះថ្នាក់ដល់កូនក្នុងផ្ទៃ (ពិសេសអំឡុងត្រីមាសទីមួយ)។ ត្រូវចាំថា ឆ្មាមានហានិភ័យខ្ពស់ជាងគេ យើងងាយនឹងឆ្លងមេរោគ ពិសេសបើឆ្មាយើងចិញ្ចឹម ចូលចិត្តចាប់សត្វផ្សេងៗជាចំណី។

ម្យ៉ាងទៀត ចិញ្ចឹមឆ្មា យើងប្រហែលគេចមិនផុតពីការឆ្លងជំងឺ Toxoplasmosis (ជំងឺឆ្លងពីលាមកឆ្មាលើរាងកាយមនុស្ស) ករណីខ្លះ គ្នាយើងមានចិញ្ចឹមឆ្មាប្រហែលជាឆ្លងជំងឺនេះដោយមិនដឹងខ្លួនបាត់ទៅហើយ។ អ្វីកាន់តែគួរឲ្យព្រួយបារម្ភ ជំងឺនេះ ងាយប៉ះពាល់កូនក្នុងផ្ទៃបំផុត។ សូមទៅជួបគ្រូពេទ្យដើម្បីពិនិត្យមើលច្បាស់ មុនសម្រេចចិត្តពពោះ។

អាចមានផលប៉ះពាល់ជាច្រើន ដូចជា ធ្វើឲ្យប្រព័ន្ធភាពស៊ាំរាងកាយរបស់ម្ដាយ និងសួតចុះខ្សោយ ភ្នែកស្រវាំង ឯចំពោះកូនវិញ កូនអាចរលូត កូនកើតស្លាប់ កូនមានបញ្ហារលាកភ្នែក លំពែង និងអណ្ដើករបស់កូនរីកធំ កូនឡើងលឿង (ថ្លើមប៉ះពាល់)។

មានផ្ទៃពោះ! ប្រយ័ត្នជាមួយសត្វចិញ្ចឹមបន្តិចទៅ

អត្ថបទពាក់ព័ន្ធ៖

២- អ្វីខ្លះជាផលវិបាកបង្កដោយសត្វចិញ្ចឹមពេលពពោះ?

ជំងឺមួយចំនួនសុទ្ធតែអាចបង្កហានិភ័យខ្ពស់ និងគ្រោះថ្នាក់ឆ្ងន់ធ្ងរ បើយើងបណ្តោយឲ្យសត្វចិញ្ចឹមរត់លេងនៅខាងក្រៅផ្ទះ។ សត្វចិញ្ចឹមរបស់យើង អាចនឹងឆ្លងបាក់តេរី នាំឲ្យប៉ះពាល់ និងបង្កផលវិបាកដល់កូនក្នុងផ្ទៃ។ ខណៈកត្តាឆ្លងរោគជាទូទៅពីសត្វចិញ្ចឹមទៅលើស្រីៗមានផ្ទៃពោះ អាចកើតឡើងតាមរយៈ៖

– ជំងឺបង្កដោយឆ្មាក្រញៅ ឬខ្វាច (Cat scratch disease)៖ អាចបង្កផលវិបាកជាច្រើនដល់ស្រីៗយើង ប៉ះពាល់ដល់ខួរក្បាល ភ្នែក បេះដូង ឬផ្នែកផ្សេងៗសរីរាង្គខាងក្នុង។ ផលវិបាកទាំងនេះ អាចទាមទារការព្យាបាលជាបន្ទាន់ ព្រោះវានឹងប៉ះពាល់ដល់ប្រព័ន្ធការពាររាងកាយកូនផ្សេងទៀតផងដែរ។

– ជំងឺឆ្កែឆ្កួត៖ គឺជាជំងឺឆ្លង បង្កតាមរយៈសត្វមានផ្ទុកមេរោគខាំ។ មេរោគឆ្កែឆ្កួត នឹងបង្កឲ្យមានផលប៉ះពាល់ដល់ប្រព័ន្ធការពាររាងកាយ និងខួរក្បាល។ រោគសញ្ញាជំងឺឆ្កែឆ្កួត ស្រដៀងគ្នាទៅនឹងជំងឺមួយចំនួនផ្សេងទៀត ដូចជា គ្រុនក្តៅ ឈឺក្បាល និងការធ្វើអស់កម្លាំង ឬមិនស្រួលខ្លួន។ កាន់តែគួរឲ្យព្រួយបារម្ភ ជំងឺឆ្កែឆ្កួតអាចសម្លាប់យើងត្រឹមរយៈពេល ២-៣ ថ្ងៃប៉ុណ្ណោះ ក្នុងករណីមេរោគធ្វើទុកខ្លាំង។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យឬព្យាបាលជូនទេ៕

ចិញ្ចឹមសត្វ ពិសេស​ឆ្មា ត្រូវ​ប្រយ័ត្ន​បំផុត ពេល​ពពោះ ព្រោះ​អាច​ប៉ះពាល់​​កូន​ក្នុង​ផ្ទៃ​ធ្ងន់

ចិញ្ចឹមសត្វ ពិសេសឆ្មា ត្រូវប្រយ័ត្នបំផុត ពេលពពោះ ព្រោះអាចប៉ះពាល់កូនក្នុងផ្ទៃធ្ងន់