ប្រសិនបើគិតថាខ្លួនកំពុងមានប៊េបីនៅក្នុងពោះ ហើយមិនហ៊ានរួមភេទខ្លាចប៉ះពាល់ដល់ការលូតលាស់កូន គិតបែបនោះខុសហើយ ដោយគ្រូពេទ្យបានបញ្ជាក់ថា អំឡុងមានផ្ទៃពោះ គឺជាពេលដ៏ល្អបំផុត ក្នុងការប្រយុទ្ធនៅលើសមរភូមិមួយនេះ។

លោកវេជ្ជបណ្ឌិត ចាន់ ស៊ីណេត ឯកទេសទូទៅបានបញ្ជាក់ថា៖ “ការរួមភេទពេលម៉ាក់ៗមានផ្ទៃពោះ គឺមិនអីទេ ហើយយើងក៏មិនអាចបញ្ឈប់ចំណង់រួមភេទនេះពីមនុស្សបានឡើយ មិនថាស្រី ឬប្រុស និងអាចធ្វើបានគ្រប់ពេល។ ព្រោះពេលមានផ្ទៃពោះជាពេលមានក្ដីសុខស្រួល ដោយមានបញ្ចេញអ័រម៉ូនអុកស៊ីតូស៊ីនជាអ័រម៉ូននៃក្ដីស្រលាញ់ ដោយជួយឲ្យអារម្មណ៍នៃការរួមភេទកាន់តែល្អប្រសើរ។ “។ ប៉ុន្តែលោកគ្រូពេទ្យរូបនោះបានបន្ថែមថា អំឡុងពេលត្រីមាសទី១នៃការមានផ្ទៃពោះ ម៉ាក់ៗអាចនឹងមានធ្លាក់ឈាម ដូចនេះត្រូវប្រុងប្រយ័ត្នបន្តិច ព្រោះអាចរលូតកូនបាន ប៉ុន្តែក្រោយពីពេលនោះទៅ គ្មានបញ្ហាអ្វីទេ។

ចំណែកប៉ាៗវិញ បើដឹងថាប្រពន្ធកំពុងតែពពោះ មិនគួរប្រើក្បាច់មិនត្រឹមត្រូវ ឬឆ្គាំឆ្គង ការប្រើហិង្សា និងបង្ខិតបង្ខំឡើយ ព្រោះអាចធ្វើឲ្យម៉ាក់ៗប្រឈមមុខនឹងបញ្ហាផ្សេងៗ។ ទោះជាយ៉ាងណាក៏ដោយ ករណីខ្លះយើងមិនអាចរួមភេទបានទេដូចជា មានធ្លាក់ឈាម ឬម៉ាក់ៗមានជំងឺ ម៉ាក់ៗឆ្លងរោគ រលាកស្បូន ធ្លាក់ស ព្រោះវាអាចបង្ករោគដល់កូនបាន។

រួមភេទពេលមានផ្ទៃពោះHello_គ្រូពេទ្យ

ត្បិតអាចរួមភេទបានតាមចិត្តមែន តែពេលស្រីៗយើងមានកូនក្នុងត្រីមាសទី ១ អាចជាពេលចាញ់កូនខ្លាំង មិនសូវមានចំណង់ផ្លូវភេទឡើយ ហើយនៅត្រីមាសទី៣ ពោះមានទំហំធំពេកដែលធ្វើឲ្យពិបាកក្នុងការរួមភេទដែរ ដូចនេះត្រូវប្រុងប្រយ័ត្ន ជាពិសេសត្រូវមានអនាម័យទាំងមុន និងក្រោយពេលប្រតិបត្តិការរួច។

អត្ថបទពាក់ព័ន្ធ៖

មានបញ្ហាអីខ្លះ ពេទ្យហាមមិនឲ្យរួមភេទអំឡុងពពោះ?
ឈឺចាប់ពេលរួមភេទ ត្រូវដឹងមូលហេតុ ទើបអាចណោះស្រាយបាន

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនឡើយ៕

ពេលពពោះ ​ប្តីប្រពន្ធ​អាច​ធ្វើ​រឿង​ក្ដៅ​សាច់​បាន​កម្រិត​ណា?​

ពេលពពោះ ប្តីប្រពន្ធអាចធ្វើរឿងក្ដៅសាច់បានកម្រិតណា?