ពេលពពោះ ស្រីៗយើងអាចឡើងគីឡូស្រឺតៗតែម្ដង។ អ៊ីចឹង យើងត្រូវប្រយ័ត្ន ព្រោះអំឡុងពពោះ ឡើងគីឡូខ្លាំងពេក មិនល្អទេ មានគ្រោះថ្នាក់ខ្លាំង អាចបង្កឲ្យកើតជំងឺរ៉ាំរ៉ៃជាច្រើន គ្រោះថ្នាក់ទាំងម្ដាយ ទាំងគភ៌។ “Hello គ្រូពេទ្យ’ នឹងប្រាប់ស្រីៗយើងពីជំងឺងាយកើតបំផុត បើមិនគ្រប់គ្រងគីឡូបានល្អ ពេលពពោះ។
ស្រីៗពពោះ កុំឲ្យឡើងគីឡូខ្លាំងពេក អាចជួបបញ្ហា ២យ៉ាងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ជំងឺទឹកនោមផ្អែម
ស្រីៗមានផ្ទៃពោះ ហើយកើតជំងឺទឹកនោមផ្អែម ងាយកើនឡើងជាតិស្ករក្នុងឈាមបំផុតអំឡុងពេលពពោះ។ បន្ទាប់ពីសម្រាល ក្មេងអាចនឹងកើនលើសទម្ងន់ខ្លាំងនៅអាយុ ៣ ឆ្នាំ និងអាចមានបញ្ហាផ្សេងៗទៀត ដូចជា ស្បែកឡើងលឿង បញ្ហាដង្ហើម និងជាតិស្ករក្នុងឈាមទាប។ ដើម្បីបញ្ចៀសជំងឺនេះបាន ពេទ្យនឹងណែនាំវិធីមួយចំនួនដូចខាងក្រោម។
– តមអាហារ៖ គ្រូពេទ្យ អាចនឹងជួយបង្រៀនយើងពីវិធីធ្វើឲ្យជាតិស្ករក្នុងឈាមស្ថិតក្នុងកម្រិតមួយល្អសម្រាប់សុខភាព។ ពេទ្យក៏នឹងណែនាំពីរបៀបចែក កម្រិតអាហារ និងពេលញ៉ាំអាហារដែលត្រឹមត្រូវ។
នរណាក៏ដឹងថាបន្លែ ផ្លែឈើ នំប៉័ងអង្ករសម្រូប នំស្រួយធ្វើពីអង្ករសម្រូប និង Cereals (គ្រាប់ធញ្ញជាតិ) គឺសុទ្ធតែជាប្រភពជាតិសរសៃធម្មជាតិ មានជីវជាតិល្អសម្រាប់រាងកាយ។ បង្កើនញ៉ាំជាតិសរសៃ ១០ ក្រាមរៀងរាល់ គ្រប់ពេលញ៉ាំអាហារ អាចបន្ថយហានិភ័យជំងឺទឹកនោមផ្អែម ដល់ទៅ ២៦ ភាគរយ។
– បញ្ចេញសកម្មភាពរាងកាយ៖ ហាត់ប្រាណជារៀងរាល់ថ្ងៃ អាចធ្វើឲ្យកម្រិតជាតិស្ករ ស្ថិតក្នុងកម្រិតធម្មតាបាន។ ហាត់ប្រាណសាមញ្ញៗ ដូចជា ដើរ និងហែលទឹក សុទ្ធតែល្អអំឡុងពេលពពោះ។ ទោះយ៉ាងនេះក្ដី មិនអាចហាត់ប្រាណខ្លាំងពេកទេ ត្រូវគិតពីដំបូន្មានគ្រូពេទ្យ ពីកម្រិតហាត់ និងពេលវេលាត្រូវហាត់ ហើយក៏អាស្រ័យលើស្ថានភាពសុខភាពយើងផងដែរ។
– ប្រើប្រាស់ថ្នាំ៖ បើជាតិស្ករក្នុងឈាមនៅតែខ្ពស់ ពេទ្យនឹងចេញវេជ្ជបញ្ជាឲ្យយើងប្រើថ្នាំដើម្បីជួយឲ្យជាតិស្ករ វិលមករកកម្រិតធម្មតា ក៏មិនប៉ះពាល់ដល់គភ៌ក្នុងផ្ទៃ។
អត្ថបទពាក់ព័ន្ធ៖
- មានផ្ទៃពោះមិនបានព្រៀងទុក ដឹងថាប៉ះពាល់អីខ្លះអត់?
- បម្រាមចំពោះស្រីៗមានផ្ទៃពោះ ម៉ាក់ៗត្រូវធ្វើឲ្យបាន
២- ជំងឺលើសឈាម
ជំងឺលើសឈាម បង្កើនហានិភ័យទ្វេដង នាំឲ្យមានជំងឺដាច់សរសៃឈាមខួរក្បាល (Strokes)ជំងឺថប់បារម្ភ ខ្សោយបេះដូង និងជំងឺតម្រងនោម។ លើសឈាម បណ្ដាលមកពីធាត់លើសទម្ងន់ ផឹកស្រាច្រើន ជក់បារី និងគ្រួសារធ្លាប់មានជំងឺនេះពីមុន។ ដើម្បីបង្ក ឬព្យាបាលជំងឺនេះ ទម្លាប់រស់នៅមិនមានសុខភាពប្រចាំថ្ងៃ ត្រូវតែផ្លាស់ប្តូរ និងព្យាបាលដោយថ្នាំ។
– ផ្លាស់ប្ដូរទម្លាប់រស់នៅប្រចាំថ្ងៃ៖
ត្រូវមានរបបអាហារសុខភាព សំដៅលើការញ៉ាំបន្លែ ផ្លែឈើ និងផលិតផលមានជាតិខ្លាញ់តិចឲ្យបានច្រើន និងញ៉ាំខ្លាញ់ឆ្អែត ខ្លាញ់សុទ្ធ ក៏ដូចជាអំបិលក្នុងកម្រិតតិចតួចបានហើយ។
– ព្យាបាលដោយប្រើថ្នាំ៖ មានប្រភេទថ្នាំមួយចំនួន អាចប្រើព្យាបាលជំងឺលើសឈាម ក្នុងករណីធ្ងន់ធ្ងរដូចជា៖
- ពពួកថ្នាំ Beta-blockers
- ពពួកថ្នាំ Calcium channel blockers
- ពពួកថ្នាំ Alpha-blockers
- ពពួកថ្នាំ Alpha-agonists
- ពពួកថ្នាំ Renin inhibitors
- ពពួកថ្នាំផ្សំផ្សេងទៀត។
ការកើនទម្ងន់ខ្លាំងពេកពេលមានផ្ទៃពោះ អាចមានគ្រោះថ្នាក់ទាំងម៉ាក់ៗ និងគភ៌ក្នុងផ្ទៃ។ លើសពីនេះ នឹងធ្វើឲ្យរូបរាងមិនអាចវិលមកធម្មតាវិញក្រោយសម្រាល។ ត្រូវពិគ្រោះជាមួយគ្រូពេទ្យពីការឡើងទម្ងន់ ដើម្បីប្រាកដថា ទម្ងន់យើងស្ថិតនៅក្នុងកម្រិតមានសុខភាពល្អ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម