ពេលមានពោះពុង ចាស់ៗតែងប្រាប់ឲ្យចេះប្រយ័ត្នខ្លួន ហាមប្រាណមិនឲ្យធ្វើដំណើរផ្លូវឆ្ងាយ ខ្លាចមានគ្រោះថ្នាក់ ពិសេសប៉ះពាល់ដល់កូនក្នុងពោះ។ ដូចគ្នានេះដែរ គ្រូពេទ្យក៏តែងប្រាប់ឲ្យថ្នមខ្លួននៅពេលមានផ្ទៃពោះនៅត្រីមាសដំបូង ពិសេសហាមដាច់ខាតការធ្វើដំណើរផ្លូវឆ្ងាយចំពោះស្ត្រីមានផ្ទៃពោះ ដែលមានលក្ខខណ្ឌមួយចំនួនខាងក្រោមនេះ៖

– ពពោះកូនភ្លោះ

– មានប្រវត្តិរលូតកូន

– មានសញ្ញាគម្រាម កូនកើតមិនគ្រប់ខែ

– មានជំងឺលើសឈាម

– មានជំងឺទឹកនោមផ្អែម។

អត្ថបទពាក់ព័ន្ធ៖ ពពោះត្រូវប្រយ័ត្នរឿងទាំងនេះ អាចរបើកសុក ធ្វើឲ្យកូនខ្វះសារធាតុចិញ្ចឹម ស្លាប់ក្នុងពោះ

បើតាមការពន្យល់នៅលើផេកផ្លូវការរបស់មន្ទីរពេទ្យកាល់ម៉ែត អំឡុងមានផ្ទៃពោះ មិនមែនជាពេលវេលាដ៏ល្អសម្រាប់ស្ត្រីធ្វើដំណើរឆ្ងាយឡើយ។ ការធ្វើដំណើរផ្លូវឆ្ងាយអាចបង្កគ្រោះថ្នាក់ផ្សេងៗដល់ម្តាយ និងកូនក្នុងពោះ ជាពិសេសទៅតំបន់ដែលពិបាកធ្វើដំណើរ នៅឆ្ងាយពីមន្ទីរពេទ្យ ឬតំបន់ដែលមានជំងឺគ្រុនចាញ់ គ្រុនឈាម និងជំងឺឆ្លងផ្សេងៗ។

អត្ថបទពាក់ព័ន្ធ៖ ងូត ឬដេកត្រាំទឹកក្តៅពេលពពោះ ប៉ះពាល់កូនក្នុងផ្ទៃ?

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ស្រីៗកំពុងពពោះ ហើយមានបញ្ហាប៉ុន្មាននេះ ដាច់ខាតកុំធ្វើដំណើរផ្លូវឆ្ងាយ