យើងធ្លាប់តែឮញឹកញាប់ សង្វារកើតមាននៅពេលពេលពពោះ តែតាមពិតទៅមានមូលហេតុជាច្រើននាំឲ្យស្បែកយើងលេចចេញសង្វារ មិនមែនមកពីការពពោះមួយមុខនោះទេ។ នេះបើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
មាតិកា
ចេញសង្វារមានមូលហេតុច្រើនយ៉ាង មិនមែនមកពីមានផ្ទៃពោះមួយមុខទេ
១. មានផ្ទៃពោះ
ស្នាមសង្វារ ជាការដាច់រហែកតូចៗនៅក្នុងស្រទាប់ជាលិកាក្រោមស្បែក ភាគច្រើនកើតឡើងចាប់ពីត្រីមាសទី២នៃការពពោះ ដែលជាពេលស្ត្រីឡើងទម្ងន់ខ្លាំង។ សង្វារអាចមានពណ៌ផ្កាឈូក ក្រហម ឬស្វាយ។
២. ធាត់
ពេលរាងកាយយើងរីកធំធាត់លឿនពេក ធ្វើឲ្យស្បែករីក ឯជាតិសរសៃស្វិតនៅក្រោមស្បែកក៏រហែក លេចចេញជាស្នាមសង្វារនេះឡើង។ ស្នាមសង្វារភាគច្រើនមាននៅលើក្បាលពោះ និងសុដន់ ព្រមទាំងនៅតំបន់ណារីកធំលឿន ដូចជា កំភួនជើង ឬភ្លៅជាដើម។
៣. លាបឡេ
ក្នុងគ្រឿងសម្អាង ពិសេសម្សៅ ឬឡេលាយ តែមានដាក់សារធាតុស្តេរ៉យ ដែលជួយឲ្យស្បែកសស្អាត ក្នុងពេលឆាប់រហ័ស។ ពេលដែលឈប់ប្រើ ឬប្រែយូរទៅ ស្បែកមុខ ឬដងខ្លួនក៏មានបញ្ហាដូចជាឡើងមុនច្រើន ជាំ មុខឡើងសរសៃក្រហម រលាកស្បែកនៅជុំវិញមាត់ជាដើម។ ចំពោះដងខ្លួន ដៃជើង ដែលមានផ្ទៃធំវិញ អាចទៅជាបែកសង្វារ។
៤. ប្រើថ្នាំ
ការព្យាបាលដោយថ្នាំបំបាត់ការឈឺចាប់ ឬរលាកពពួកស្តេរ៉យ រយៈពេលយូរ ក៏ជាមូលហេតុនាំឲ្យកើតសង្វារដែរ ដោយសារថ្នាំទាំងនោះធ្វើឲ្យស្បែកបាត់បង់សមត្ថភាពក្នុងការបន្តឹងស្បែក។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
កំណែប្រែបច្ចុប្បន្ន
19/06/2020
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម