ស្រោមអនាម័យ ថ្នាំលេប ថ្នាំចាក់ ការចងដៃស្បូន-បំពង់មេជីវិត កងដាក់ក្នុងស្បូន-ក្រោមស្បែក ជាមធ្យោបាយពន្យារកំណើតសម័យថ្មី។ ប្រភេទខ្លះសម្រាប់ស្រីៗ ឯខ្លះទៀតសម្រាប់ប្រុសៗ ចំណែកប្រសិទ្ធភាពក៏ខុសគ្នាដែរ។
ស្រោមអនាម័យ៖ អាចការពារការឆ្លងជំងឺកាមរោគ ជំងឺអេដស៍ និងការមានផ្ទៃពោះ។ ស្រោមអាម័យ ១ អាចការពារបានតែម្តងគត់។
ថ្នាំលេប៖ ស្រីៗលេបថ្នាំគ្រាប់ពន្យារកំណើត ១ បន្ទះ អាចការពារមិនឲ្យមានកូនបាន ១ ខែ។
ថ្នាំចាក់៖ ចាក់ថ្នាំពន្យារកំណើត ១ ម្ជុល ស្រីៗអាចបង្ការការផ្ទៃពោះបាន ៣ខែ។
ការចងដៃស្បូន៖ វិធីពន្យារកំណើតនេះប្រើសម្រាប់ស្រីៗដែលមានបំណងបញ្ឈប់កំណើត។ ការចងដៃស្បូនបង្ការការមានកូនបានរហូត។
ការចងបំពង់មេជីវិតឈ្មោល៖ ប្រសិទ្ធភាពដូចគ្នាទៅនឹងការចងដៃស្បូនដែរ គ្រាន់តែវិធីនេះប្រើទៅបុរស។
កងដាក់ក្នុងស្បូន៖ កងដាក់ក្នុងស្បូនគ្មានជាតិអ័រម៉ូន អាចប្រើបានពី ៥ ទៅ ១០ ឆ្នាំ។ មុនសម្រេចពន្យារកំណើត សូមប្រឹក្សាជាមួយគ្រូពេទ្យ ដើម្បីពិនិត្យសុខភាពដឹងពីផលល្អ ផលរំខាននៃវិធីពន្យារកំណើតមួយៗ និងរើសវិធីណាដែលសមស្របនឹងការរស់នៅប្រចាំរបស់ខ្លួន។
កងដាក់ក្រោមស្បែក៖ ការប្រើកងដាក់ក្នុងស្បូនអាចបង្ការកុំឲ្យមានផ្ទៃពោះពី ៣-៥ ឆ្នាំ។
មុននឹងសម្រេចចិត្តជ្រើសរើសមធ្យោបាយពន្យារកំណើតណាមួយ ប្តីប្រពន្ធត្រូវទៅពិភាក្សាជាមួយគ្រូពេទ្យ ដើម្បីបានដឹងពីចំណុចល្អ និងផលរំខានតិចតួច ដែលអាចកើតមានឡើង។
អត្ថបទពាក់ព័ន្ធ៖
- កំហុសបច្ចេកទេសកើតឡើងញឹកញាប់ ពេលប្រើស្រោមបើកឆាកប្រយុទ្ធ
- ថ្នាំពន្យារកំណើត អាចជួយរឿងម្យ៉ាងពេលមករដូវ
- ដឹងអត់ថា ថ្នាំពន្យារកំណើត អាចជួយព្យាបាលមុនដែរ
- ពន្យារកំណើតតាមវិធីទាំងនេះ ភ្លាត់ស្នៀតតែញឹក!
- ប្រើថ្នាំពន្យារកំណើតយូរ អាចអត់កូនរហូត?
[embed-health-tool-ovulation]
