ពេលយើងវិវត្តវ័យកាន់តែចាស់ទៅ គោលបំណងចាំបាច់មួយដែលអាចផ្ដល់សុភមង្គលដល់ជីវិតរបស់យើងគឺការបង្កើតគ្រួសារដ៏កក់ក្ដៅមួយ មានគ្រួសារ មានកូនតាមបំណង ប៉ុន្តែ មនុស្សស្រីមួយចំនួនមិនអាចបំពេញគោលបំណងនេះបានដោយសារតែមានបញ្ហាបង្កកំណើត ឬុមិនមានផ្ទៃពោះបាន រហូតមានម៉ាក់ខ្លះអស់សង្ឃឹម ដើររកពេទ្យព្យាបាលដើម្បីសមបំណង។ បើម៉ាក់កំពុងស្ថិតក្នុងស្ថានភាពពិបាកនេះ កុំទាន់អាលបាក់ទឹកចិត្ត បើច្បាស់ថារៀបការហើយមិនអាចមានកូនបាន មកពីសុខភាពម៉ាក់ពិតប្រាកដ ១០០% ខាងក្រោមនេះ អាចជាមូលហេតុរាំងស្ទះចម្បងៗចំពោះស្រីៗយើង។ ម៉ាក់ខ្លះគិតដំបូងបំផុតគឺ បញ្ហាស្បូន ឬយើងនិយមហៅភាសាអ្នកស្រុកថា អារអត់កូនជាដើម។ ក្រៅពីនេះ តើនៅមានបញ្ហាអ្វីខ្លះទៀត ទើបបណ្ដាលឲ្យស្រីៗអត់កូន ឬពិបាកបង្កកំណើត?
មាតិកា
ស្រីៗមានបញ្ហាបង្កកំណើតអាចមកពីបញ្ហាសំខាន់ៗទាំងនេះ
ការមិនអាចមានផ្ទៃពោះ ឬមានបញ្ហាបង្កកំណើតតាមបំណង គឺជាផលរំខានយ៉ាងធំមួយក្នុងចំណោមផលរំខានផ្សេងៗទៀត ដែលជះឥទ្ធិពលមិនល្អចំពោះសុភមង្គលគ្រួសារ។ នេះបើតាមការឲ្យដឹងពីលោកវេជ្ជបណ្ឌិត ច័ន្ទ រស្មី ឯកទេសផ្នែកសម្ភព និងរោគស្ត្រី។
មូលហេតុធម្មជាតិខ្លះៗ ធ្វើឲ្យមានបញ្ហាបង្កកំណើត ឬពិបាកពពោះ
១. វិបត្តិមិនអាចទម្លាក់ស៊ុតញី៖ កត្តាស្ត្រីមិនអាចទម្លាក់ពងបាន ឬមានរដូវមិនទៀងទាត់អាចបណ្ដាលមកពីមូលហេតុជាច្រើន ប៉ុន្តែក្នុងចំណោមមូលហេតុទាំងនោះ ការមិនមានតុល្យភាពអ័រម៉ូនគឺជា កត្តាចម្បងមួយក្នុងចំណោមកត្តាបញ្ហាបង្កកំណើតផ្សេងៗទៀត។
២. វិបត្តិកោសិកាបន្តពូជឈ្មោលមិនគ្រប់គ្រាន់៖ កត្តានេះបណ្ដាលឲ្យមិនអាចមានកូនប្រមាណជា ២៥% ក្នុងចំណោមមូលហេតុផ្សេងៗដែលប៉ះពាល់ទៅលើបុរស។
៣. វិបត្តិស្ទះដៃស្បូន៖ ដៃស្បូនដែលភ្ជាប់ទំនាក់ទំនងរវាងកន្សោមពងទៅនឹងតួស្បូនមានតួនាទីយ៉ាងសំខាន់ និងជាផ្លូវក្នុងការធ្វើដំណើររបស់ស៊ុតរបស់ស្ត្រីមកកាន់តួស្បូន ដើម្បីទទួលការបង្កកំណើត។
៤. កម្រាស់ភ្នាសខាងក្នុងស្រទាប់ស្បូន៖ គឺជាការកើនឡើងនៃកម្រាស់ខាងក្នុងស្រទាប់ស្បូនដែលដុះក្រាស់លើសធម្មតា ហើយរលាយធ្លាក់ចេញមកក្រៅជាឈាមរដូវ ប៉ុន្តែធ្លាក់មិនអស់។
៥. វិបត្តិដុំគីសលើកន្សោមពង៖ កត្តានេះជាញឹកញាប់គឺបង្កឲ្យមានអតុល្យភាពអ័រម៉ូន ដែលបណ្ដាលឲ្យមានបញ្ហារដូវមិនទៀងទាត់ ក្នុងនោះវាក៏បង្កឲ្យមានបញ្ហាមួយចំនួនទៀតដូចជា ជំងឺលើសទម្ងន់ ទឹកនោមផ្អែម ជំងឺសើស្បែក និងមានដុះរោមនៅលើរាងកាយជាដើម។
៦. ស៊ុតមិនមានសុខភាពល្អ៖ មានកត្តាជាច្រើនដែលបណ្ដាលឲ្យកោសិកាបន្តពូជស្ត្រី មានសុខភាពខ្សោយដូចជា បរិស្ថាន ចំណីអាហារ ស្ត្រេស ជីវភាពរស់នៅ និងកត្តាអាយុជាដើម។
៧. ជំងឺសរីរាង្គប្រឆាំងនឹងកោសិកាបន្តពូជ៖ ជំងឺនេះ បណ្ដាលមកពីសរីរាង្គរបស់យើងមានការយល់ច្រឡំ និងប្រឆាំងនឹងកោសិកាបន្តពូជរបស់ខ្លួនឯងតែម្ដង។
គួរអាន៖
- បើអ្នកមិនអាចមានកូនទី២ អាចមកពីហេតុផលទាំងនេះ!
- អាយុច្រើនមានបេប៊ី មិនល្អទេ ឯក្មេងពេករឹតតែជួបបញ្ហា
- ផឹកតែខ្ញីអាចបណ្ដាលឲ្យរលូតកូនពិតមែនអត់?
- អាហារគួរញ៉ាំ និងមិនគួរញ៉ាំ បន្ទាប់ពីរលូតកូន
- ផឹកស្រាថ្នាំពេលពពោះ ឬកូនខ្ចី អាចប៉ះពាល់សុខភាព
- ហានិភ័យ និងផលប៉ះពាល់គភ៌ក្នុងផ្ទៃ បើម៉ាក់ៗស្លេកស្លាំងពេលពពោះ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Why Am I Not Getting Pregnant?, https://www.verywellfamily.com/why-cant-i-get-pregnant-if-im-healthy-1959936
Why Can’t I Get Pregnant?, https://www.hopkinsmedicine.org/health/wellness-and-prevention/why-cant-i-get-pregnant
Infertility, https://www.womenshealth.gov/a-z-topics/infertility
https://www.parents.com/getting-pregnant/trying-to-conceive/get-pregnant-fertility-help/
https://www.nhs.uk/conditions/infertility/
កំណែប្រែបច្ចុប្បន្ន
10/02/2022
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម