រាករូសជាអាការៈមួយដែលគួរឲ្យធុញទ្រាន់ ហើយអាចកើតឡើងដោយមូលហេតុជាច្រើនដូចជាផឹកថ្នាំមួយចំនួន បណ្តុំរោគសញ្ញានៃជំងឺរលាកពោះវៀន (irritable bowel syndrome) ឬមកពីការផឹកជាតិកាហ្វេអ៊ីន ឬគ្រឿងស្រវឹងច្រើនពេក។ ការរាករូសរាល់ថ្ងៃមិនមែនជារឿងធម្មតាទេ និងត្រូវតាមដានពីមូលហេតុឲ្យបានច្បាស់លាស់។
១. កាត់បន្ថយទឹកដោះគោ
មូលហេតុទូទៅនៃការរាករូសគឺការធន់មិនបានជាមួយនឹងជាតិស្ករ lactose នៅក្នុងងទឹកគោ។ ជាទូទៅអ្នកមានបញ្ហានឹង lactose មានរោគសញ្ញាដូច ជាហើមពោះ ឈឺពោះ និងរាករូសចន្លោះពី៣០នាទីទៅ២ម៉ោងក្រោយពីផឹក ឬញ៉ាំផលិតផលមានជាតិ Lactose។ យើងសាកកាត់បន្ថយទឹកដោះគោ និងផលិតផលធ្វើពីទឹកដោះគោរយៈពេលមួយសប្ដាហ៍ដើម្បីដឹងថាតើនៅមានអាការៈរាករូសឬទេ។ គ្នាយើងមួយចំនួនអាចធន់នឹង Lactose បានល្អជាងអ្នកមួយចំនួនទៀត ដែលនេះការញ៉ាំអាហារមានជាតិ Lactose មិនសូវជាបញ្ហាប៉ុន្មានទេ។ ដូចនេះយើងគួរពិនិត្យគ្រឿងផ្សំជាមុនព្រោះគេច្រើនប្រើ Lactose ក្នុងអាហារកញ្ចប់មានដូចជានំប៉័ង នំដំឡូងកញ្ចប់ អាហារសម្រន់កញ្ចប់ ទឹកស្រោបសាលាដ ស្ករគ្រាប់ cereal និងសាច់កែច្នៃ។
២. កាត់បន្ថយជាតិកាហ្វេអ៊ីន
ជាតិកាហ្វេអ៊ីនអាចដើរតួជាថ្នាំបញ្ចុះ មានន័យថាបើយើងមានអាការៈរាករូសរ៉ាំរ៉ៃ ជាតិកាហ្វេអ៊ីនគួរជាជម្រើសទី១ដែលយើងត្រូវកាត់បន្ថយក្នុងរបបអាហារយើង។ ដូចនេះយើងគួរផ្លាស់ប្តូរសារធាតុកាហ្វេអ៊ីនមកផឹកទឹក ឬភេសជ្ជៈគ្មានជាតិកាហ្វេអ៊ីនជំនួសវិញ។
៣. គ្រឿងស្រវឹង
ការផឹកគ្រឿងស្រវឹងច្រើនអាចបណ្ដាលឲ្យមានជំងឺរលាកក្រពះដែលនេះបង្កឲ្យមានអាការៈ រាករូស។ បន្ថែមពីនេះទៀតការផឹកគ្រឿងស្រវឹងច្រើនអាចមានផលប៉ះពាល់ដល់លំពែង។ នៅពេលលំពែងរលាក ប្រព័ន្ធរំលាយអាហារនឹងចុះខ្សោយ និងឈឺក្រពះ។ គួរចងចាំដែរថាជំងឺរលាកលំពែងគឺមានគ្រោះថ្នាក់ណាស់ ដូចនេះយកល្អគួរកាត់បន្ថយការផឹកគ្រឿងស្រវឹងឲ្យនៅកម្រិតតិចតួចបំផុត។ គួរបញ្ជាក់ថាប្រសិនជាគ្នាយើងបន្តមានអាការៈរាករូស ឬស្ថានភាពកាន់តែធ្ងន់ធ្ងរទៅ គួរទៅពិនិត្យ និងពិគ្រោះគ្រូពេទ្យ។
អត្ថបទពាក់ព័ន្ធ៖
- ជួបបញ្ហារាករូស វិធីងាយៗទាំងនេះអាចជួយដោះស្រាយបាន
- តិចនិកងាយៗ បង្ការមិនឲ្យពុលចំណីអាហារ
- កូនតូចពុលចំណី ប្រើវិធីងាយៗនេះជួយសង្គ្រោះបាន
- វិធីងាយៗនេះអាចជួយអូនតូចៗបាន ពេលរាកតិចតួច
- មូលហេតុទាំងនេះ ធ្វើឲ្យកូនតូចរាករូសញឹកញាប់ ម៉ាក់ប៉ាមិនត្រូវមើលរំលង
- ៥ យ៉ាងជួយឲ្យចំណីអាហារមានសុវត្ថិភាព ញ៉ាំទៅមិនងាយរាករូស ឬពុល
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ។
[embed-health-tool-bmr]
