ជំងឺពោះវៀនដុះខ្នែង ជាពាក្យដែលយើងនិយមហៅ តែមិនត្រឹមត្រូវទេ។ ពាក្យបច្ចេកទេសរបស់ជំងឺនេះត្រឹមត្រូវនោះហៅថា ជំងឺរលាកខ្នែងពោះវៀន។ នេះបើតាមការឲ្យដឹងពីលោកវេជ្ជបណ្ឌិត ច័ន្ទ រស្មី។
មាតិកា
ចាប់អារម្មណ៍ផង! រោគសញ្ញា ៥ ជាសញ្ញាជំងឺពោះវៀនដុះខ្នែង
លោកបន្តថា ការបណ្ដោយឲ្យជំងឺរលាកខ្នែងពោះវៀនបន្តកាន់តែយូរនោះ វាអាចប៉ះពាល់ដល់ជីវិតរបស់អ្នកជំងឺបាន។ ដូចនេះ បើសង្កេតឃើញថា ខ្លួនមានអាការៈដូចខាងក្រោមនេះ អាចជាសញ្ញាបញ្ជាក់ថា កំពុងប្រឈមនឹងជំងឺរលាកខ្នែងពោះវៀនហើយ ដែលទាមទារឲ្យមានការពិនិត្យ និងព្យាបាលត្រឹមត្រូវ។
១. ឈឺចុកចាប់ក្នុងពោះខ្លាំងខុសធម្មតា
ជំងឺរលាកខ្នែងពោះវៀន ជាធម្មតាមានអាការៈឈឺចុកចាប់នៅក្នុងពោះខ្លាំង ហើយលាតសន្ធឹងរាលដាលនៅក្រោមពោះផ្នែកខាងស្តាំ។ អាការៈឈឺចុកចាប់នឹងកាន់តែខ្លាំងឡើងៗ រាល់ពេលដែលធ្វើសកម្មភាពដូចជា ដើរ ក្អក បើកបរ ឬឈឺចុកចាប់ខ្លាំងពេញផ្ទៃពោះទាំងមូលតែម្តងជាដើម។
២. ក្អួតចង្អោរ
យើងអាចមានអារម្មណ៍ចង់ក្អួតចង្អោរ ឬក្អួតតែម្តង ថែមទាំងមិនចង់ញ៉ាំអាហារអ្វីទាំងអស់ ដោយសារតែការរលាកនេះបានធ្វើឲ្យប៉ះពាល់ដល់បំពង់រំលាយអាហារ និងប្រព័ន្ធប្រសាទដែលធ្វើឲ្យយើងមានអាការៈក្អួតចង្អោរបែបនេះ។ តែអាការៈនេះ អាចច្រឡំជាមួយបញ្ហាក្រពះពោះវៀនផ្សេងដែរ ហើយម្យ៉ាងវិញទៀតអ្នកជំងឺរលាកខ្នែងពោះវៀនមួយចំនួន ក៏មិនមានចេញសញ្ញា ឬអាការៈអស់ទាំងនេះដែរ។
៣. ឈឺនោមញឹកញាប់
មានមនុស្សមួយចំនួនមានខ្នែងពោះវៀនជិតអាងត្រគាកសដែលនៅជិតផ្លោកនោមបំផុត ដូច្នេះនៅពេលដែលខ្នែងពោះវៀនរងនូវការរលាក វាក៏ប៉ះពាល់ដល់ផ្លោកនោម ដែលអាចធ្វើឲ្យយើងអារម្មណ៍ចង់តែទៅបន្ទប់ទឹកគ្រប់ពេល ហើយថែមទាំងមានអាការៈឈឺចុកចាប់ពេលនោមម្តងៗទៀតផង។
៤. គ្រុនក្តៅ
អាការៈគ្រុនក្តៅ និងញាក់ ជាសញ្ញាបញ្ជាក់បានថា ផ្នែកណាមួយនៃរាងកាយយើងកំពុងតែរងការរលាកហើយ។ វាក៏ជាសញ្ញាមួយដែលជាតិគីមីក្នុងខ្លួន កំពុងប្រយុទ្ធប្រឆាំងនឹងជំងឺរលាកខ្នែងពោះវៀនផងដែរ ធ្វើឲ្យយើងមានអាការៈក្តៅ និងគ្រុនញាក់បែបនេះ។
៥. វង្វេងស្មារតី
ក្រៅពី រោគសញ្ញាខាងលើ ប្រសិនជាយើងស្រាប់តែមានអាការៈវង្វេងវង្វាន់ នោះបានន័យថាជំងឺរលាកខ្នែងពោះវៀនកាន់តែមានសភាពធ្ងន់ធ្ងរឡើងហើយ ដែលវាបានបង្កឲ្យខួរក្បាលខ្វះខាតអុកស៊ីហ្សែន ដើម្បីដំណើរការខួរក្បាល ហើយធ្វើឲ្យអ្នកមានសកម្មភាពខុសប្រក្រតី ថែមទាំងផ្លាស់ប្តូរអត្តចរិតខ្លួនឯង។
បន្ថែមពីលើនេះ វេជ្ជបណ្ឌិតរូបនេះ ជំងឺរលាកខ្នែងពោះវៀនអាចលេចនូវសញ្ញាមួយចំនួនទៀតដូចជា ហើមក្នុងពោះ ឈឺចង្កេះ និងមានអាការទល់លាមក ឬក៏រាករូស។ល។
គណនា BMR
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Appendicitis (for Parents) – https://kidshealth.org/en/parents/appendicitis.html
Appendicitis – https://www.hopkinsmedicine.org/health/conditions-and-diseases/appendicitis
Appendicitis – Symptoms – https://www.nhs.uk/conditions/appendicitis/symptoms/
Acute Appendicitis: Efficient Diagnosis and Management – https://www.aafp.org/pubs/afp/issues/2018/0701/p25.html
Appendicitis – symptoms, treatments and causes – https://www.healthdirect.gov.au/appendicitis
កំណែប្រែបច្ចុប្បន្ន
19/10/2022
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម