គ្រប់សរីរាង្គទាំងអស់ក្នុងរាងកាយ ពិសេសបេះដូង សាច់ដុំ និងតម្រងនោមត្រូវការរ៉ែម៉ាញេស្យូម។ ពិតណាស់ ម៉ាញេស្យូមជាសារធាតុរ៉ែទូទៅទី៤ ក្នុងរាងកាយ បន្ទាប់ពីកាល់ស្យូម ប៉ូតាស្យូម និងសូដ្យូម ប៉ុន្តែវារួមចំណែកដល់ដំណើរការជាច្រើន រួមមានមុខងារសាច់ដុំ និងសរសៃប្រសាទ គ្រប់គ្រងកម្រិតជាតិស្ករក្នុងឈាម ព្រមទាំងរក្សាសម្ពាធឈាមឲ្យមានសុខភាពល្អ។ បន្ថែមពីនេះ ម៉ាញ៉េស្យូមក៏ជួយរាងកាយឲ្យប្រើប្រាស់សារធាតុចិញ្ចឹមផ្សេងទៀត ដូចជាវីតាមីនD។ យ៉ាងណាមិញ ប្រសិនបើយើងខ្វះជាតិម៉ាញេស្យូម យើងអាចប្រឈមនឹងការវិវត្តន៍ទៅជាផលវិបាកសុខភាពជាច្រើន។