គ្នាយើងជឿអត់ថាញ៉ាំទឹកក្ដៅឧណ្ហៗរាល់ថ្ងៃអាចជួយឲ្យយើងស្រកគីឡូ? ការញ៉ាំទឹកបានគ្រប់គ្រាន់ជាការសំខាន់ណាស់ក្នុងការរក្សាជាតិទឹកក្នុងខ្លួនយើងគ្រប់គ្នា។ ការញ៉ាំទឹកក្ដៅជាប្រចាំ មិនត្រឹមតែជួយឲ្យរាងកាយយើងមានជាតិទឹកគ្រប់គ្រាន់នោះទេ តែនៅថាអាចសម្រកទម្ងន់បានទៀតផង។
ញ៉ាំទឹកក្ដៅឧណ្ហៗរាល់ថ្ងៃ អាចជួយឲ្យស្រកគីឡូ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពេលញ៉ាំទឹកក្ដៅឧណ្ហៗ រាងកាយយើងនឹងផ្លាស់ប្ដូរសីតុណ្ហភាព និងចាប់ផ្ដើមធ្វើមេតាប៉ូលិស។ ការណ៍នេះ ជួយឲ្យយើងស្រកទម្ងន់បាន។ ទឹកក្ដៅជួយបំបែកខ្លាញ់ទៅជាមូលេគុល ដែលនេះជួយឲ្យប្រព័ន្ធរំលាយអាហារងាយដុតបំផ្លាញ។ ដូចគ្នាដែរ បើយើងញ៉ាំទឹកក្ដៅឧណ្ហៗ៣០នាទីមុនញ៉ាំអាហារ នឹងជួយឲ្យរាងកាយគ្រប់គ្រងកាឡូរីដែលយើងញ៉ាំបានល្អ ព្រោះថាងាយធ្វើឲ្យយើងឆាប់ឆ្អែត។
ក្រៅពីនេះ ការញ៉ាំទឹកក្ដៅក៏ជួយឲ្យយើងកាត់បន្ថយការឃ្លានអាហារ ដោយជួយឲ្យយើងមានអារម្មណ៍ថាឆ្អែត។ ដូចនេះ បើយើងគិតថាយើងឃ្លានចង់ញ៉ាំនេះ ញ៉ាំនោះច្រើនមិនអាចគ្រប់គ្រងខ្លួនឯងបាន យើងអាចសាកញ៉ាំទឹកក្ដៅមួយកែវ និងក្រោយមកប្រហែល២០នាទីយើងនឹងអាចកាត់បន្ថយអារម្មណ៍នោះបាន។
គុណប្រយោជន៍នៃការញ៉ាំទឹកក្ដៅឧណ្ហៗមួយទៀត គឺជួយដល់ដំណើរការរាងកាយ ជំនួយដល់ការរំលាយអាហារ ធ្វើឲ្យរាងកាយស្រូបយកសារធាតុចិញ្ចឹម និងបញ្ចេញកាកសំណល់បានល្អដែរ។
ដូចគ្នាដែរ បើយើងចង់ឲ្យបានប្រយោជន៍កាន់តែច្រើនពីការញ៉ាំទឹកក្ដៅឧណ្ហៗទៀតនោះ យើងអាចថែមក្រូចឆ្មារ និងទឹកឃ្មុំចូលបន្តិចក៏បាន ដែលរបស់ទាំងនេះសុទ្ធតែមានប្រយោជន៍ដល់ការស្រកទម្ងន់។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម