ជាក់ស្ដែង ប្រូតេអ៊ីនត្រូវការរយៈពេលយូរក្នុងការរំលាយ និងស្រូបយក។ នៅពេលដែលយើងញ៉ាំប្រូតេអ៊ីនជាមួយនឹងកាបូអ៊ីដ្រាត វានឹងធ្វើឲ្យការបញ្ចេញជាតិស្ករទៅក្នុងចរន្តឈាមមានភាពយឺត ហើយយើងនឹងទទួលបានថាមពលរយៈពេលយូរ ដោយមិនមានការរាំងស្ទះ។ ចូរញ៉ាំគ្រាប់ធញ្ញជាតិ ដោយមិនដាក់ស្ករ ទឹកដោះគោជូរ ទឹកដោះគោដែលមានជាតិខ្លាញ់ទាប ឬត្រីសាល់ម៉ុនជាដើម។
៥. ញ៉ាំអាហារតិចតួច តែញឹកញាប់
នៅពេលដែលយើងរំលងការញ៉ាំអាហារ ឬញ៉ាំអាហារមិនសូវញឹកញាប់ កម្រិតថាមពលរបស់យើងនឹងធ្លាក់ចុះយ៉ាងខ្លាំង ដែលធ្វើឲ្យយើងអាចញ៉ាំច្រើននៅពេលអាហារបន្ទាប់ ឬជ្រើសរើសយកអាហារសម្រន់ដែលមិនល្អ ដើម្បីបំបាត់ការស្រេកឃ្លាន។ ដូច្នេះហើយ ចូរញ៉ាំអាហារតិចតួច និងញឹកញាប់ ដោយជ្រើសរើសយកតែប្រភេទប្រូតេអ៊ីនគ្មានខ្លាញ់ ដូចជាសាច់ត្រី ឬទ្រូងមាន់ ជាមួយនឹងកាបូអ៊ីដ្រាតដែលមិនចម្រាញ់ ដែលមាននៅក្នុងអង្ករសម្រូប និងបន្លែឲ្យបានច្រើន។