ផ្សិតសម្បូរដោយវីតាមីន ជាតិរ៉ែ និងសារធាតុប្រឆាំងអុកស៊ីតកម្ម។ ហេតុនេះញ៉ាំផ្សិតមានប្រយោជន៍ច្រើនសម្រាប់សុខភាព។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សិតសម្បូរដោយវីតាមីន ជាតិរ៉ែ និងសារធាតុប្រឆាំងអុកស៊ីតកម្ម។ ហេតុនេះញ៉ាំផ្សិតមានប្រយោជន៍ច្រើនសម្រាប់សុខភាព។
ផ្សិតគឺជាជម្រើសដ៏ល្អសម្រាប់ពង្រឹងប្រព័ន្ធភាពស៊ាំ។ ផ្សិតមានផ្ទុកសារធាតុ selenium ដែលអាចជួយដល់ការផលិតកោសិកា T-cell ហើយសារធាតុ selenium ជួយឲ្យមានការឆ្លើយតបប្រព័ន្ធភាពស៊ាំទៅនឹងការឆ្លងជំងឺផ្សេងៗឲ្យមានភាពប្រសើរឡើង។ ជាតិសរសៃ beta-gluten មាននៅក្នុងផ្សិតក៏ជួយប្រឆាំងនឹងកោសិកាមហារីក និងជួយបង្ការការដុះដុំសាច់ច្រើនប្រភេទដែរ។
វីតាមីន D គឺសំខាន់ក្នុងការជួយឲ្យឆ្អឹងរឹងមាំ។ មិនត្រឹមតែប៉ុណ្ណោះ រាងកាយត្រូវការវីតាមីន D ដើម្បីពង្រឹងប្រព័ន្ធភាពស៊ាំ និងប្រឆាំងនឹងជំងឺបាក់ទឹកចិត្ត។ ការញ៉ាំផ្សិតអាចផ្តល់នូវវីតាមីននេះមួយចំនួនដល់រាងកាយផងដែរ។
ផ្សិតផ្ទុកអង់ស៊ីមមួយប្រភេទ និងជាតិសរសៃដែលមានប្រយោជន៍ក្នុងការរក្សាកម្រិតកូលេស្តេរ៉ូលក្នុងរាងកាយ។ ដូចនេះការបន្ថែមផ្សិតទៅក្នុងរបបអាហារអាចបន្ថយហានិភ័យជំងឺបេះដូង ជំងឺក្រិនសរសៃឈាមបេះដូង (Atherosclerosis) និងជំងឺដាច់សរសៃឈាមខួរក្បាល។ ម៉្យាងទៀត ផ្សិតក៏មានកាបូអ៊ីដ្រាតទាប និងមិនមានជាតិខ្លាញ់ទេ។
ដោយសារផ្សិតមានកាបូអ៊ីដ្រាតទាបទើបវាជាជម្រើសអាហារល្អសម្រាប់អ្នកមានជំងឺទឹកនោមផ្អែម។ ការញ៉ាំផ្សិតអាចជួយគ្រប់គ្រង និងបញ្ចុះកម្រិតជាតិស្ករក្នុងឈាម។
ជំងឺស្លេកស្លាំងគឺជាស្ថានភាពមួយដែលកើតមាននៅពេលកម្រិតជាតិដែកក្នុងរាងកាយទាប។ ប៉ុន្តែស្ថានភាពអាចព្យាបាលបានដោយការញ៉ាំអាហារសម្បូរជាតិដែក ហើយផ្សិតគឺជាអាហារមួយដែលសម្បូរជាតិដែក។
ផ្សិតសម្បូរដោយជាតិកាល់ស្យូមដែលជាសារធាតុចិញ្ចឹមសំខាន់ជួយឲ្យឆ្អឹង និងធ្មេញរឹងមាំ។ ដូចនេះការញ៉ាំផ្សិតជាប្រចាំអាចជួយដល់សុខភាពឆ្អឹង និងធ្មេញបាន ហើយក៏កាត់បន្ថយហានិភ័យការឈឺសន្លាក់ និងជំងឺពុកឆ្អឹងដែរ។
សារធាតុ beta-glucan និងអាស៊ីដ linoleic ក្នុងផ្សិតអាចជួយបង្ការជំងឺមហារីកដូចជាជំងឺមហារីកសុដន់ និងជំងឺមហារីកប្រូស្តាត។ អាស៊ីដ linoleic ទប់ស្កាត់ការផលិតកោសិកាមហារីក រីឯសារធាតុ beta-glucan ជួយបង្ការការលូតលាស់នៃកោសិកាមហារីកទាំងនោះ។
ផ្សិតមានកាឡូរីតិចដែលអាចជួយរក្សាទម្ងន់បាន ហើយវាក៏ជួយពន្លឿនការធ្វើមេតាបូលីសដែរ។ វីតាមីន B ក្នុងផ្សិតជួយបំលែងកាបូអ៊ីដ្រាតទៅជាថាមពល។ ផ្សិតសម្បូរដោយវីតាមីន B2 និងB3 ដែលជួយដល់ការធ្វើមេតាបូលីសខ្លាញ់ និងប្រូតេអ៊ីនក្នុងរាងកាយ។
នៅពេលសម្ពាធឈាមកើនឡើងអាចបណ្ដាលឲ្យមានជំងឺបេះដូង ប៉ុន្តែផ្សិតអាចជួយក្នុងការគ្រប់គ្រងសម្ពាធឈាម។ នេះមកពីផ្សិតមានផ្ទុកប៉ូតាស្យូមច្រើន ហើយជាតិរ៉ែនេះអាចជួយបន្ថយសម្ពាធក្នុងសរសៃឈាម និងបន្ថយហានិភ័យការលើសសម្ពាធឈាម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕