ការរលាកអាចល្អ និងអាក្រក់សម្រាប់រាងកាយ។ ការរលាកអាចជួយការពាររាងកាយពីការឆ្លងមេរោគ និងរបួស ប៉ុន្តែការរលាករ៉ាំរ៉ៃអាចបណ្ដាលឲ្យឡើងទម្ងន់ និងមានជំងឺផ្សេងៗ។ ស្ត្រេស របបអាហារ និងកម្រិតសកម្មភាពតិចធ្វើឲ្យហានិភ័យនៃការរលាកកាន់តែខ្លាំង។ អត្ថបទនេះនឹងបង្ហាញគ្នាយើងពីអាហារមួយចំនួនដែលអាចប្រឆាំងនឹងការរលាកបាន។ ការលាក ភាគច្រើនកើតឡើងដោយសារវីរុស បាក់តេរី ឬបញ្ហាប្រព័ន្ធភាពស៊ាំរបស់យើងប្រឆាំង ឬឆ្លើយតបទៅនឹងសារធាតុពីខាងក្រៅណាមួយ ជាដើម។

១. ត្រីសម្បូរខ្លាញ់

ត្រីសម្បូរខ្លាញ់ជាប្រភពដ៏ល្អសម្រាប់ប្រូតេអ៊ីន អាស៊ីដខ្លាញ់អូមេហ្គា៣ រួមមានអាស៊ីដូកូសាអ៊ិច សាអេណូអ៊ិច (DHA) និងអាស៊ីដអេអ៊ីកូសាប៉ង់តាអេណូអ៊ិច (EPA)។ អាស៊ីដទាំងពីរនេះជួយកាត់បន្ថយការរលាកដែលបង្កឲ្យមានជំងឺបេះដូង ជំងឺទឹកនោមផ្អែម និងជំងឺតម្រងនោម។ ត្រីសម្បូរខ្លាញ់មានដូចជាត្រីសាល់ម៉ុន ត្រីសាឌីន និងត្រី mackerel ជាដើម។

២. ផ្កាខាត់ណាខៀវ

ផ្កាខាត់ណាខៀវមានសារធាតុចិញ្ចឹមជាច្រើន។ ការសិក្សាបង្ហាញថាការញ៉ាំផ្កាខាត់ណាខៀវច្រើនអាចកាត់បន្ថយហានិភ័យជំងឺបេះដូង និងជំងឺមហារីក។ នេះអាចមកពីសារធាតុប្រឆាំងអុកស៊ីតកម្មដែលមានប្រសិទ្ធភាពក្នុងការប្រឆាំងការរលាក។

៣. ផ្លែបឺរ

ផ្លែបឺរសម្បូរដោយប៉ូតាស្យូម ម៉ាញ៉េស្យូម ជាតិសរសៃ និងជាតិខ្លាញ់ (monounsaturated fat) ដែលល្អសម្រាប់បេះដូង។ ក្រៅពីនេះ ផ្លែបឺរក៏ផ្ទុកសារធាតុ carotenoid និងtocopherolដែលអាចកាត់បន្ថយហានិភ័យជំងឺមហារីកបាន។

៤. តែបៃតង

តែបៃតងគឺជាភេសជ្ជៈមួយដែលល្អសម្រាប់សុខភាពព្រោះអាចកាត់បន្ថយហានិភ័យជំងឺបេះដូង ជំងឺបាត់ការចងចាំលើមនុស្សចាស់ និងជំងឺធាត់ជាដើម។ នេះមកពីសារធាតុប្រឆាំងអុកស៊ីតកម្ម និងការរលាក ជាពិសេសសារធាតុ epigallocatechin-3-gallate (EGCG)។

៥. ផ្លែទំពាំងបាយជូរ

ផ្លែទំពាំងបាយជូរផ្ទុកសារធាតុ anthocyanin ដែលកាត់បន្ថយការរលាក ហើយអាចកាត់បន្ថយហានិភ័យជំងឺបេះដូង ជំងឺទឹកនោមផ្អែម ជំងឺធាត់ ជំងឺបាត់ការចងចាំលើមនុស្សចាស់ និងជំងឺភ្នែកផ្សេងៗ។

ទន្ទឹមនឹងយើងបន្ថែមអាហារដែលប្រឆាំងទៅនឹងការរលាកក្នុងរបបអាហារ យើងក៏គួរកំណត់បរិមាណអាហារមួយចំនួនដែលបង្កការរលាកដូចជា៖

អាហារកញ្ចប់ នំដំឡូងកញ្ចប់ និង Fast food
អាហារបំពងដូចជាដូណាត់ ដំឡូងបារាំងបំពង
ភេសជ្ជៈមានជាតិស្ករដូចជា សូដា ភេសជ្ជៈកីឡា ឬភេសជ្ជៈប៉ូវកម្លាំង
សាច់កែច្នៃដូចជា សាច់កំប៉ុង និង hot dogs ជាដើម។

អាហារប៉ុន្មានមុខនេះល្អក្នុងការប្រឆាំងនឹងការរលាក

១. ត្រី​សម្បូរ​ខ្លាញ់

២. ផ្កា​ខាត់ណា​ខៀវ​

៣. ផ្លែ​បឺរ

៤. តែ​បៃតង

៥. ផ្លែ​ទំពាំងបាយជូរ

១. ត្រីសម្បូរខ្លាញ់

២. ផ្កាខាត់ណាខៀវ

៣. ផ្លែបឺរ

៤. តែបៃតង

៥. ផ្លែទំពាំងបាយជូរ