យើងគ្រប់គ្នាបានដឹងហើយថាផ្លែឈើមានសារធាតុចិញ្ចឹមច្រើនដែលជួយការពាររាងកាយប្រឆាំងទៅនឹងជំងឺនិងកាត់បន្ថយហានិភ័យនៃជំងឺបេះដូងជំងឺដាច់សរសៃឈាមខួរក្បាលនិងជំងឺលើសសម្ពាធឈាម។ ទោះយ៉ាងណាប្រសិនបើយើងបរិភោគផ្លែឈើដោយមិនយល់ច្បាស់អំពីសារធាតុចិញ្ចឹមរបស់វា នោះអាចបណ្ដាលឲ្យមានបញ្ហាច្រើនជាងគុណប្រយោជន៍ដែលទទួលបាន។ នៅពេលដែលយើងដឹងអំពីរបៀបត្រឹមត្រូវក្នុងការញ៉ាំផ្លែឈើនោះយើងនឹងទទួលបាននូវភាពស្រស់ស្អាត និងសុខភាពល្អ។ ប៉ុន្មានចំណុចខាងក្រោមនេះគឺជារបៀបត្រឹមត្រូវក្នុងការញ៉ាំផ្លែឈើ។
មាតិកា
ផ្លែឈើមិនមែនចេះតែញ៉ាំតាមចិត្តចង់ទេ ដឹងពេលវេលាគួរញ៉ាំទើបបានផលល្អ
អត្ថបទពាក់ព័ន្ធ៖ តិចនិក រក្សាបន្លែ ផ្លែឈើ ឲ្យស្រស់បានយូរ
ពេលវេលាត្រឹមត្រូវក្នុងការបរិភោគផ្លែឈើ
១. ពោះទទេ ឬចន្លោះពេលញ៉ាំអាហារ
ពេលល្អសម្រាប់ញ៉ាំផ្លែឈើគឺពេលពោះយើងទទេរ ឬចន្លោះពេលញ៉ាំអាហារព្រោះនេះជាពេលដែលការរំលាយអាហារធ្វើឡើងឆាប់រហ័ស និងមានអង់ស៊ីមច្រើនប្រភេទចូលរួមក្នុងដំណាក់កាលរំលាយអាហារនេះ។ ស្ករធម្មតានៅក្នុងផ្លែឈើត្រូវការពេលវេលាសម្រាប់ឲ្យរាងកាយស្រូបយក។ នៅពេលដែលយើងញ៉ាំផ្លែឈើពេលញ៉ាំអាហារ ឬពោះទទេគ្រប់សារធាតុចិញ្ចឹម សារធាតុសរសៃ និងស្ករធម្មតាត្រូវចម្រាញ់បានដោយពេញលេញ។ ក្រៅពីនេះយើងនឹងទទួលបានសារៈប្រយោជន៍អតិបរមាពីការបរិភោគផ្លែឈើ។
ទោះយ៉ាងណាក៏ដោយការបរិភោគផ្លែឈើភ្លាមក្រោយការញ៉ាំអាហារគឺមិនល្អនោះទេ។ ចន្លោះពេលដ៏សក្ដិសមគួរតែហោចណាស់៣០នាទីក្រោយការបរិភោគអាហារ។ ចំពោះអ្នកមានជំងឺទឹកនោមផ្អែម ឬវិបត្តិរំលាយអាហារដូចជាបញ្ហាជាតិអាស៊ីដ អ្នកទាំងនេះគួរតែញ៉ាំផ្លែឈើ២ម៉ោងក្រោយការញ៉ាំអាហារ ឬ១ម៉ោងមុនញ៉ាំអាហារព្រោះថាជំងឺទឹកនោមផ្អែមជួនកាលមានទំនាក់ទំនងជាមួយនឹងបញ្ហារំលាយអាហារ។
អត្ថបទពាក់ព័ន្ធ៖
២. មុនឬក្រោយការធ្វើលំហាត់ប្រាណ
ពេលវេលាត្រឹមត្រូវមួយផ្សេងទៀតក្នុងការបរិភោគផ្លែឈើគឺមុនឬក្រោយពេលហាត់ប្រាណ។ ស្ករនៅក្នុងផ្លែឈើនឹងផ្ដល់ឲ្យរាងកាយនូវថាមពលដ៏សម្បើមមុនហាត់ប្រាណ និងជួយបំពេញថាមពលដែលខ្វះខាតនៅក្នុងរាងកាយក្រោយការហាត់ប្រាណ។
ពេលវេលាដែលមិនសក្ដិសមក្នុងការបរិភោគផ្លែឈើ
មុនចូលគេង
ការបរិភោគផ្លែឈើមុនចូលគេងគឺមិនមែនជាគំនិតល្អនោះទេ។ ការធ្វើដូចនេះនឹងបង្កឲ្យមានការឡើងជាតិស្ករភ្លាមៗ និងកម្រិតជាតិអាំងស៊ុយលីនដែលធ្វើឲ្យយើងពិបាកគេងលក់។ ដូចនេះគួរជៀសវាងក្នុងការបរិភោគផ្លែឈើមុនចូលគេង និងចងចាំថាត្រូវញ៉ាំអាហារ៣ម៉ោងមុនចូលគេង។
ផ្លែឈើចម្រុះ
អ្វីដែលល្អបំផុតនោះគឺការញ៉ាំផ្លែឈើស្រស់តែទោះយ៉ាងណាក៏ដោយយើងក៏អាចលាយផ្លែឈើជាមួយ yogurt ឬថែមអំបិលបន្តិចក៏បានដរាបណាយើងមិនមានបញ្ហារំលាយអាហារដូចជាជាតិអាស៊ីដឬទល់លាមក។ យើងក៏អាចបន្ថែមផ្លែឈើដូចជាម្នាស់ ក្រូច ត្រសក់ស្រូវ ទៅក្នុងសាឡាដ ឬគ្រាប់ធញ្ញជាតិជាមួយផ្លែឈើក្រៀមនិងសណ្ដែកដី ដែលគ្មានជាតិម្សៅទឹកដោះគោ ដូចជាសណ្ដែកសៀង។ ការបរិភោគផ្លែឈើម្ដងគួរតែជ្រើសរើសយកផ្លែឈើណាមានជាតិស្ករទាបដែលអាចបន្ថែមទៅក្នុងទឹកក្រឡុកបៃតង។ ត្រូវចងចាំថាមិនត្រូវបរិភោគក្រោយការញ៉ាំអាហារច្រើនដើម្បីកុំឲ្យមានបញ្ហា។
អត្ថបទពាក់ព័ន្ធ៖
- ញ៉ាំផ្លែទំពាំងបាយជូរ នឹងទទួលបានអត្ថប្រយោជន៍សុខភាពទាំងនេះ
- ញ៉ាំផ្លែម្នាស់អាចជួយពង្រឹងប្រព័ន្ធភាពស៊ាំ និងប្រព័ន្ធរំលាយអាហារ
- អត្ថប្រយោជន៍ ៧ យ៉ាងបានពីការញ៉ាំផ្លែត្រសក់ផ្អែម គ្រប់គ្នាមិនគួរមើលរំលង
- ផ្លែចេកមានអត្ថប្រយោជន៍ច្រើនដល់សុខភាព តែក៏មានហានិភ័យខ្លះដែរ
- ញ៉ាំក្រូច ជឿថាអាចជួយការពារជំងឺធាត់ ជំងឺបេះដូង និងទឹកនោមផ្អែម
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
គណនា BMR
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Best time to eat fruits. http://www.md-health.com/Best-Time-to-Eat-Fruits.html. Assessed January 7, 2017
The major rule for eating fruit. http://www.mindbodygreen.com/0-4970/The-Major-Rule-for-Eating-Fruit.html. Assessed January 7, 2017
កំណែប្រែបច្ចុប្បន្ន
11/05/2020
អត្ថបទដោយ យ៉ានណែត នីគែល
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Solika
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម