អង្គការសហប្រជាជាតិលើកឡើងថាមនុស្សជាង២៦០លាននាក់អាចនឹងជួបបញ្ហាអត់ឃ្លានធ្ងន់ធ្ងរនៅដំណាច់ឆ្នាំ២០២០ ដោយសារតែការរាតត្បាតនៃវីរុស COVID-19 និងថាចាំបាច់ត្រូវមានជំនួយទៅកាន់តំបន់ដែលងាយរងគ្រោះទាំងនោះ។
សរសេរលើបណ្ដាញសង្គម Twitter របស់ខ្លួននៅថ្ងៃទី២៨ ខែឧសភា ឆ្នាំ២០២០ នេះ អង្គការសហប្រជាជាតិបានឲ្យដឹងថាបន្ទាប់ពីមានការធ្លាក់ចុះខ្លាំងនៃចំនួនអ្នកអត់ឃ្លាតជាច្រើនទសវត្សកន្លងមកនេះ ស្រាប់តែនៅឆ្នាំ២០១៥ បែរជាចាប់ផ្ដើមមានកំណើតប្រជាជនជួបគ្រោះអត់ឃ្លាននេះទៅវិញ។ ប្រភពដដែលបន្តថាបច្ចុប្បន្ននេះ មនុស្សជាង៨២០លាននាក់មិនមានអ្វីហូបគ្រប់គ្រាន់ និងមនុស្សប្រហែល១៣០៥លានក្នុងចំណោមនោះកំពុងរងគ្រោះធ្ងន់ធ្ងរដោយគ្រោះអត់ឃ្លាននេះ និងថានៅដំណាច់ឆ្នាំ២០២០ នេះអាចនឹងមានកើនបន្ថែមចំនួន១៣០លានទៀតដោយសារតែការរាតត្បាតវីរុស COVID-19។
បើតាមអង្គការសហប្រជាជាតិ គ្រោះអត់ឃ្លាននេះកើតចេញពីបញ្ហាសង្គ្រាម ការបម្រែបម្រួលអាការសធាតុ និងបញ្ហាសេដ្ឋកិច្ច។ ដើម្បីដោះស្រាយបញ្ហាអត់ឃ្លាននេះ អង្គការសហប្រជាជាតិបានស្នើឲ្យមានការផ្តល់ជំនួយម្ហូបអាហារទៅកាន់តំបន់ងាយរងគ្រោះទាំងនោះ។
អត្ថបទពាក់ព័ន្ធ៖
- អាមេរិកអនុញ្ញាតឲ្យប្រើថ្នាំ Remdesivir សម្រាប់ព្យាបាលអ្នកជំងឺឆ្លងវីរុស COVID-19ហើយ
- ចិនតេស្តវ៉ាក់សាំងការពារ COVID-19 លើមនុស្ស WHOមិនសង្ឃឹមថាអាចចេញលើទីផ្សារលឿន
- អាមេរិកផ្អាកផ្ដល់ថវិកាដល់ WHO ក្រោយលោកត្រាំ រិះគន់អង្គការនេះខ្លាំងៗរឿងCOVID-19
- វ៉ាក់សាំងប្រឆាំងCOVID-19 របស់ចិន ឈានដល់ដំណាក់កាលតេស្តលើកទី២
- អ្នកវិទ្យាសាស្រ្តអង់គ្លេស សង្ឃឹមផលិតវ៉ាក់សាំងប្រឆាំង COVID-19 បាននៅខែកញ្ញា
ក្នុងករណីមានសំនួរឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យឬ ធ្វើការព្យាបាលជូនទេ៕
[embed-health-tool-bmi]
