ក្រុមអ្នកវិទ្យាសាស្រ្តមកពីមហាវិទ្យាល័យវេជ្ជសាស្រ្ត Baylor រដ្ឋតិចសាស សហរដ្ឋអាមេរិក បានធ្វើតេស្តរកឃើញថា ថ្នាំជំនួយផ្លូវភេទភាគច្រើន គ្មានប្រសិទ្ធភាព។
តាមសារព័ត៌មាន Daily Mail ថា ក្រុមអ្នកស្រាវជ្រាវមកពីមហាវិទ្យាល័យខាងលើ បានសិក្សាលើប្រភេទថ្នាំជំនួយផ្លូវភេទ ៦ ប្រភេទ ដែលមានចំណាត់ថ្នាក់ល្អបំផុតនៅអាមេរិក លើវិបសាយ Amazon។ លទ្ធផលបានបង្ហាញគួរឲ្យកត់សម្គាល់ថា សមាសធាតុផ្សំ ១៧ មុខក្នុងចំណោម ២១ មុខដែលផ្សំជាថ្នាំជំនួយនោះ គឺគ្មានភស្តុតាងវេជ្ជសាស្រ្តថាជួយពង្រឹងសមត្ថភាពផ្លូវភេទបុរសៗឡើយ។
លោកវេជ្ជបណ្ឌិត Alexander Pastuszak ជាសាស្រ្តាចារ្យដែលដឹកនាំការសា្រវជ្រាវខាងលើ បានបញ្ជាក់ថា មានតែសមាសធាតុយិនស៊ិន អាមីណូអាស៊ីដ L-arginine រុក្ខជាតិ Tribulus Terrestris និងមើម Maca ប៉ុណ្ណោះដែលវិទ្យាសាស្ត្របញ្ជាក់ថា ជួយដល់ផ្លូវភេទ ខណៈដែលសមាសធាតុផ្សេងៗនៅក្នុងថ្នាំទាំងនោះ ពុំទាន់មានការបញ្ជាក់ពីអ្នកវេជ្ជសាស្រ្តថាផ្តល់ប្រសិទ្ធភាពនោះទេ។
អត្ថបទពាក់ព័ន្ធ៖
- លិង្គមិនឡើងរឹង- អាចដោយសារយើងឧស្សាហ៍ញ៉ាំចំណីទាំងនេះ
- ស្វែងយល់អំពីប្រូតេអ៊ីនក្នុងបន្លែ និងសាច់
ចំពោះការស្រាវជ្រាវខាងលើដែលក្រុមវិទ្យាសាស្ត្របានពិនិត្យលើផលិតផលទាំង ៦ មុខនោះ មាន Korean Panax Ginseng, Leyzene, Horny Goat Weed Extract, Boost Elite, Extra Strength L Arginine និង IncrediBULL ដែលថ្នាំជំនួយទាំងនេះមានផ្ទុកសារធាតុបំប៉នប្រសិទ្ធភាពមួយក្នុងចំណោមសារធាតុទាំង ៤ ដូចរៀបរាប់ខាងលើ ហើយបន្ថែមសមាសធាតុផ្សេងៗទៀតគ្មានប្រភពច្បាស់លាស់៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
