គេង ជារឿងចាំបាច់សម្រាប់យើងគ្រប់គ្នា ដើម្បីឲ្យខួរក្បាលសម្រាក បង្កើនថាមពលក្នុងខ្លួនឡើងវិញ តែបើយើងគេងបានតិចពេក ឬគេងច្រើនពេក ក៏វាប៉ះពាល់ដល់មុខងារចងចាំផងដែរ។ អ៊ីចឹង តើគួរគេងប៉ុន្មានម៉ោង ទើបល្អសម្រាប់សុខភាព?
គេងតិចជាង ៧ ម៉ោង ឬលើសពី ៩ ម៉ោង ប៉ះពាល់ដល់មុខងារចងចាំរូបភាព។ នេះតាមការសិក្សាមួយ ចេញផ្សាយដោយសាកលវិទ្យាល័យក្រុងឡុងដ៍ (University College London) នៅថ្ងៃទី២៨ ខែឧសភា ២០១៩។
ក្រុមអ្នកស្រាវជ្រាវ វិភាគលើទិន្នន័យអ្នកចូលរួម ៤០ម៉ឺននាក់ ទទួលបានពីស្ថាប័នគ្រប់គ្រងទិន្នន័យសុខភាពចក្រភពអង់គ្លេស Biobank ដោយពិនិត្យមើលថា តើមានការពាក់ព័ន្ធគ្នាខ្លាំងទេ រវាងការគេង មុខងារចងចាំ និងការភ្លេចភ្លាំង?
លទ្ធផលរកឃើញថា អ្នកគេងតិចជាង ៧ ម៉ោង មានកំហុស (Error) ៥% ក្នុងការតេស្ដចងចាំរូបភាព ខណៈអ្នកគេងលើស ៩ ម៉ោង មានកំហុសដល់ ៩%។ វេជ្ជបណ្ឌិត Victoria Garfield អ្នកដឹកនាំការសិក្សា បញ្ជាក់ថា “មនុស្សពេញវ័យមានសុខភាពល្អ ធ្វើតាមការណែនាំដោយគេង ពី ៧-៩ ម៉ោង“។
ការសិក្សានេះ បង្ហាញសារៈសំខាន់នៃរយៈពេលគេង សម្រាប់មុខងារចងចាំ ហើយក៏ណែនាំឲ្យទម្លាប់គេងបានត្រឹមត្រូវផងដែរ ដើម្បីសុខភាពផ្នែកចងចាំ (Cognitive Health)។
អត្ថបទពាក់ព័ន្ធ៖
- ស្រីៗមានបញ្ហាបែបនេះពេលគេង អាចប្រឈមជំងឺមហារីក
- គេងមិនលក់ចង់ប្រើថ្នាំ ត្រូវស្គាល់ប្រភេទថ្នាំ និងវិធីប្រើមានសុវត្ថិភាព
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
