ទន្ទឹមនឹងបច្ចេកវិទ្យាបច្ចុប្បន្នកាន់តែទំនើប បរិក្ខារវេជ្ជសាស្ត្រ សម្រាប់តាមដានអាការៈជំងឺផ្សេងៗ ក៏កាន់តែវិវឌ្ឍទៅមុខឥតឈប់ ដោយអ្នកវិទ្យាសាស្រ្ត កំពុងដាក់បញ្ញាសប្បនិម្មិត ទៅក្នុងគម្រោងឲ្យចេញជា ឧបករណ៍ងាយតាមដានបញ្ហាបេះដូងផ្សេងៗ។
តាមសារព័ត៌មាន BBC ក្រុមអ្នកស្រាវជ្រាវមួយក្រុម កំពុងទទួលគម្រោង សរសេរគោលកម្មវិធី (Algorithm) សម្រាប់បង្កើតបញ្ញាសប្បនិម្មិត (Artificial Intelligence) ឲ្យគ្លីនិក Mayo មានមូលដ្ឋាននៅសហរដ្ឋអាមេរិក។ គោលដៅគម្រោង គឺដើម្បីបង្កើតឧបករណ៍តូចៗ ដែលអាចតាមដាន បញ្ហាបេះដូងបានភ្លាមៗ ថាតើអ្នកជំងឺមាន អាការៈយ៉ាងម៉េចខ្លះ អាចបញ្ជាក់ថាមានជំងឺបេះដូង ឬក៏អត់។
សម្រាប់គម្រោងនេះដែរ អ្នកស្រាវជ្រាវបានយកលំនាំតាម បិរក្ខារកុំព្យូទ័រធំៗ នៅតាមមន្ទីរពេទ្យ ជាភាសាបច្ចេកទេសថា (Electrocardiogram ឬ ECG, EKG) ដែលអាចតាមដាន រក្សាទុក និងបង្ហាញអំពីចលនាបេះដូង។
លោកសាស្រ្តាចារ្យ Tim Chico អ្នកជំនាញបេះដូង មកពីសាកលវិទ្យាល័យ Sheffield ចក្រភពអង់គ្លេស បានលើកឡើងអំពីការស្រាវជ្រាវបង្កើតនេះថា៖ “ការបង្កើត បញ្ញាសប្បនិម្មិត អាចផ្តល់នូវបដិវត្តក្នុងកម្រិតអស្ចារ្យ ទោះបីពេលនេះ វាកំពុងស្ថិតក្នុងនីតិវិធីនៅឡើយ តែយើងនឹងរង់ចាំមើលលទ្ធផលធ្វើតេស្តទាំងអស់គ្នា’។
អត្ថបទពាក់ព័ន្ធ៖
- ទារកមានបញ្ហាបេះដូងពីកំណើត អាចមើលដឹងតាមរយៈអេកូអត់?
- នេះជាប្រភេទជំងឺបេះដូងកើតញឹកញាប់ ទាំងលើកូនក្មេង និងមនុស្សចាស់
ចំពោះអាការៈជំងឺបេះដូង មានន័យថា អ្នកជំងឺមានអាការៈបេះដូងលោតញាប់ខុសធម្មតា ជាទូទៅ លោតលើសពី ១០០ ដង/នាទី ហើយមានសម្ពាធឈាមច្រាលឡើងភ្លាមៗ នេះបើតាមព្រឹត្តិបត្រវេជ្ជសាស្រ្តអង់គ្លេស៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
