បច្ចុប្បន្នមានមនុស្សកាន់តែតិចតួច អាចរស់នៅរហូតដល់អាយុ ជិត ១០០ឆ្នាំ ហើយពួកគាត់ ភាគច្រើនប្រឈមនឹងបញ្ហាសុខភាពរាងកាយទ្រុឌទ្រោម ព្រមទាំងការចងចាំចុះខ្សោយទៀត។ ប៉ុន្ដែវេជ្ជបណ្ឌិតបារាំងម្នាក់ ឈានដល់អាយុ ៩៨ឆ្នាំហើយ តែគាត់នៅតែព្យាបាលអ្នកជំងឺដូចធម្មតាទៀត។

លោកវេជ្ជបណ្ឌិត Christian Chenay កើតនៅទីក្រុង Angers ភាគលិចនៃប្រទេសបារាំង ដោយដំបូងឡើយ លោកជាជាងផ្សារដែកម្នាក់ មុនក្លាយជាវេជ្ជបណ្ឌិតជំនាញផ្នែកវិទ្យុសកម្ម ហើយបន្ទាប់មកទៀត លោកបានប្ដូរទៅផ្នែកជំងឺទូទៅវិញ។ បច្ចុប្បន្ន លោកវេជ្ជបណ្ឌិតបន្ដធ្វើការ និងវះកាត់ ២ដង/សប្ដាហ៍ លើអ្នកជំងឺ នៅជាយក្រុងប៉ារីស។

ជំងឺលើសឈាម

លោកវេជ្ជបណ្ឌិត Christian Chenay បញ្ជាក់ថា “ប្រសិនបើអ្នកមានអាយុលើស ៦០ឆ្នាំ ពួកគេនឹងដាក់អ្នកជាមួយមនុស្សចាស់… អ្នកនឹងក្លាយជាមនុស្សល្ងីល្ងើយ៉ាងពិតប្រាកដ។ ខ្ញុំសុខចិត្តជ្រើសរើសធ្វើការជាវេជ្ជបណ្ឌិតវិញ“។

អត្ថបទពាក់ព័ន្ធ៖

អ្នកមានគំនិតសុទិដ្ឋិនិយម គេងលក់ស្រួល ហើយអាយុវែង

នៅបារាំង អាយុជាមធ្យមសម្រាប់វេជ្ជបណ្ឌិត ចូលនិវត្តន៍ គឺ ៦៧ឆ្នាំ ហើយសម្បីតែកូនប្រុសរបស់វេជ្ជបណ្ឌិត Christian Chenay ក៏បានឈប់ធ្វើការក្នុងវិស័យសុខាភិបាលផងដែរ។ ប៉ុន្ដែលោកវេជ្ជបណ្ឌិត Christian Chenay មិនទាន់ឈប់នោះទេ។ លោកថា “ប្រសិនបើអ្នកអង្គុយ និងមើលទូរទស្សន៍ រាល់ថ្ងៃ អ្នកបាត់បង់ភាពល្អយ៉ាងលឿន ខួរក្បាលរបស់អ្នកមិនអាចរក្សាការចងចាំបានយូរទេ’។

វេជ្ជបណ្ឌិតម្នាក់អាយុ៩៨ឆ្នាំហើយ តែនៅព្យាបាលអ្នកជំងឺ