មន្ត្រីសុខាភិបាលសិង្ហបុរីបាននិយាយថាដើម្បីការពារកុំឲ្យឆ្លងវីរុសកូរ៉ូណាថ្មី (Covid-19) គ្រប់គ្នាត្រូវមានការប្រុងប្រយ័ត្នទៅលើវត្ថុប្រើប្រាស់ដែលប៉ះពាល់ញឹកញាប់នៅទីសាធារណៈរួមទាំងទូរសព្ទដៃរបស់យើងផងដែរ។
នៅក្នុងសន្និសីទកាសែតកាលពីថ្ងៃទី១២ ខែកុម្ភៈ លោក Kenneth Mak ប្រធានផ្នែកសេវាកម្មវេជ្ជសាស្រ្តនៃក្រសួងសុខាភិបាលប្រទេសសិង្ហបុរីបានណែនាំឲ្យប្រជាជនខ្លួនឲ្យមានការប្រុងប្រយ័ត្ន និងការពារខ្លួនឲ្យបានល្អដើម្បីចៀសវាងការឆ្លងវីរុសកូរ៉ូណាថ្មីនេះ។
អត្ថបទពាក់ព័ន្ធ៖ ទីបំផុត WHO ដាក់ឈ្មោះជាផ្លូវការឲ្យវីរុសកូរ៉ូណាថ្មី
លោកបានបញ្ជាក់ទៀតថា ការការពារដ៏ល្អបំផុតគឺការលាងដៃជាមួយនឹងសាប៊ូឲ្យបានញឹកញាប់ និងប្រុងប្រយ័ត្នទៅលើវត្ថុដែលប្រើប្រាស់ញឹកញាប់ក្នុងទីសាធារណៈរួមទាំងទូរសព្ទដៃផងដែរ។ នៅលើទូរសព្ទដៃ គឺលោកសម្ដៅលើការសម្អាតលើកញ្ចក់ទូរសព្ទនេះតែម្ដង។ ចំណែកអ្នកដែលឈឺលោកថាគួរតែទៅពិនិត្យឲ្យបានត្រឹមត្រូវ និងចៀសវាសការពិនិត្យដោយវេជ្ជបណ្ឌិតច្រើននាក់ដែលនាំឲ្យពិបាកក្នុងការវិនិច្ឆ័យរោគ។
អត្ថបទពាក់ព័ន្ធ៖ អ្នកជំនាញ៖វីរុសកូរ៉ូណាថ្មីអាចឆ្លងទៅមនុស្ស៦០%លើពិភពលោកបើការពារមិនបានត្រឹមត្រូវ
គិតមកដល់ពេលនេះ អត្រាអ្នកឆ្លងមានរហូតដល់ជាង ៦០ ០០០នាក់ និងអ្នកស្លាប់ជាង ១ ៣០០នាក់ដែលអ្នកឆ្លងនៅប្រទេសសិង្ហបុរីមានចំនួន ៥០ករណី ក្នុងនោះមានអ្នកជាសះស្បើយ ១៥នាក់ និង ៣៥នាក់ទៀតកំពុងសម្រាកព្យាបាលនៅមន្ទីរពេទ្យ។
អត្ថបទពាក់ព័ន្ធ៖
- ៦ ចំណុចពីការវិវត្ត និងវិធីការពារវីរុសកូរ៉ូណាថ្មី គ្រប់គ្នាគួរដឹង!
- ហេតុអ្វីប្រចៀវអាចផ្ទុកវីរុស តែវាមិនឈឺ?
- វេជ្ជបណ្ឌិតចិនម្នាក់ទៀតស្លាប់ដោយធ្វើការ១៨ថ្ងៃជាប់គ្នាព្យាបាលអ្នកឆ្លងវីរុសកូរ៉ូណាថ្មី
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
