ប្រុសៗគ្នាយើងដែលមានកម្ពស់ខ្ពស់ៗ មិនត្រឹមតែមើលទៅសង្ហារទេ ថែមទាំងត្រូវគេជឿថាមានសុខភាពល្អទៀតផង ខណៈការសិក្សាថ្មីទើបរកឃើញថា ប្រុសៗខ្ពស់ៗ ប្រឈមបញ្ហាវង្វេងវង្វាន់ទាបជាងប្រុសៗ មានកម្ពស់ទាប។
ក្នុងការសិក្សាដែលវិភាគទៅលើទិន្នន័យប្រុសៗរាប់សែននាក់ រកឃើញទំនាក់ទំនងរវាងកម្ពស់ និងការលូតលាស់នៅវ័យកុមារភាព ជាមួយនឹងបញ្ហាវង្វេងវង្វាន់។
យោងតាមអង្គការសុខភាពពិភពលោក WHO មានកត្តាមួយចំនួន នាំឲ្យមនុស្សប្រមាណ ៥០លាននាក់ ជុំវិញពិភពលោក ប្រឈមជំងឺវង្វេងវង្វាន់ ដូចជាជំងឺចាស់វង្វេង (Alzheimer) ហើយបច្ចុប្បន្ននេះ ក៏មិនទាន់មានថ្នាំ អាចព្យាបាលជំងឺវង្វេងវង្វាន់នេះនៅឡើយ នាំឲ្យអ្នកស្រាវជ្រាវ ចាប់អារម្មណ៍ខ្លាំង ទៅលើកត្តាហានិភ័យ ដែលអាចជួយដល់ការធ្វើរោគវិនិច្ឆ័យ និងចាត់វិធានការណ៍ឲ្យបានទាន់ពេល។
ថ្មីៗនេះ ការសិក្សារបស់សាកលវិទ្យាល័យ Copenhagen ប្រទេសដាណាម៉ាក់ បានរកឃើញទំនាក់ទំនងជាច្រើន រវាងកម្ពស់ និងកត្តាប្រឈមជំងឺវង្វេងវង្វាន់ (Dementia) ដែលការសិក្សាមុនៗមិនធ្លាប់រកឃើញ។
អត្ថបទពាក់ព័ន្ធ៖
- ការសិក្សា៖ ប្រុសៗតាំងខ្លួនរឹងមាំពេក ប្រឈមការធ្វើអត្តឃាតខ្ពស់
- ស្រីៗសម្រាលកូនរួច ចង់ដឹងកម្ពស់ និងទម្ងន់ប៉ុនណាទើបសមាមាត្រគ្នា មើលអត្ថបទនេះ
- អាហារ៥មុខនេះ ល្អខ្លាំងទាំងសុខភាពខួរក្បាល និងការចងចាំ
ជំនួយការសាស្ត្រាចារ្យនៃសាកលវិទ្យាល័យ Copenhagen លោកស្រី Terese Sara Høj Jørgensen ដែលជាអ្នកដឹកនាំការសិក្សានេះ បញ្ជាក់ថា កម្ពស់ប្រហែលជាមានទំនាក់ទំនងនឹងកត្តាប្រឈមសុខភាពខួរក្បាល។ ដើម្បីទទួលបានលទ្ធផល ពីការសិក្សាដែលថា កម្ពស់មានទំនាក់ទំនងជាមួយជំងឺវង្វេងវង្វាន់ លោក Terese Sara និងក្រុមការងារ ពិនិត្យទៅលើពិន្ទុនៃភាពវ័យឆ្លាត កម្រិតអប់រំ កត្តាបរិស្ថាន និងហ្សែន។
ផ្អែកលើទិន្នន័យស្រាវជ្រាវពីមុនៗលើបុរស កើតចន្លោះឆ្នាំ ១៩៣៩-១៩៥៩ មានអ្នកចូលរួមសរុប ៦៦៦ ៣៣៣នាក់ ដោយបានចុះបញ្ជីដើម្បីតាមដានរហូតដល់ឆ្នាំ ២០១៦ រកឃើញថា ក្នុងចំណោមអ្នកចូលរួមទាំងអស់ មាន ១០ ៥៩៩នាក់ បានវិវត្តទៅរករោគសញ្ញាខ្លះនៃជំងឺវង្វេងវង្វាន់ អាស្រ័យលើលក្ខខណ្ឌមួយចំនួន។ អ្នកស្រាវជ្រាវក៏បានសង្កេតលើលក្ខខណ្ឌកម្ពស់ និងកត្តាប្រឈមជំងឺវង្វេងវង្វាន់ ពិសេសចំពោះប្រុសៗមានកម្ពស់ខ្ពស់ មិនសូវជាប្រឈមកើតជំងឺប្រភេទនេះនោះទេ។
ក្នុងការសិក្សាដដែល រកឃើញថា (ស្តង់ដារអឺរ៉ុប) ប្រុសៗកើតក្នុងឆ្នាំ ១៩៣៩ មានកម្ពស់ ១,៧៥ម៉ែត្រ មានអត្រាប្រឈមជំងឺវង្វេងវង្វាន់ តិចជាងប្រុសៗកម្ពស់ទាបជាងនេះ ប្រមាណ ១០%។
អត្ថបទពាក់ព័ន្ធ៖
- ឧស្សាហ៍ធុញថប់ តានតឹងអារម្មណ៍ ការរត់អាចជួយឲ្យស្រស់ស្រាយឡើងវិញភ្លាមៗ
- ឧស្សាហ៍ខឹង ឬមួម៉ៅញឹក នេះវិធីងាយៗជួយឲ្យអារម្មណ៍ល្អឡើងវិញ
- ការវិវត្តអារម្មណ៍ក្មេងៗ ពេលកើត ដល់១០ឆ្នាំ ម៉ាក់ប៉ាត្រូវយកចិត្តទុកដាក់
ទោះជាយ៉ាងណា លោកស្រី Terese Sara បញ្ជាក់ថា ការសិក្សាលើការវិវត្តរបស់ហ្សែនតែមួយមុខ ក៏មិនអាចបញ្ជាក់ច្បាស់ពីទំនាក់ទំនងរវាងកម្ពស់ និងជំងឺវង្វេងវង្វាន់បានដែរ ហើយទាមទារមានការសិក្សាជាច្រើនបន្ថែមទៀត ដូចជាបរិស្ថាន និងកត្តាសុខភាពផងដែរ។
អត្ថបទពាក់ព័ន្ធ៖
- ចិនដាក់លក់ថ្នាំព្យាបាលជំងឺភ្លេចភ្លាំង ក្រោយស្រាវជ្រាវជាង ២០ឆ្នាំ
- អ្នកណាខ្លះឧស្សាហ៍ភ្លេច? គួរកែទម្លាប់ខ្លះដើម្បីបង្កើនការចងចាំ
- នេះជាប្រភេទក្រុមថ្នាំ អាចបង្កជំងឺភ្លេចភ្លាំង បើយើងឧស្សាហ៍ប្រើ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
