កន្លងមកមានជំងឺឆ្លងរាតត្បាតជាច្រើនបានសម្លាប់មនុស្សច្រើនដូចវីរុសកូរ៉ូណាថ្មី COVID-19 ដែរ។ អត្ថបទនេះនឹងបង្ហាញអំពីជំងឺឆ្លងរាតត្បាតដែលទើបតែកើតឡើងអំឡុងឆ្នាំ២០០០ និងចំនួនមនុស្សស្លាប់ដោយសារជំងឺឆ្លងទាំងនេះ។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កន្លងមកមានជំងឺឆ្លងរាតត្បាតជាច្រើនបានសម្លាប់មនុស្សច្រើនដូចវីរុសកូរ៉ូណាថ្មី COVID-19 ដែរ។ អត្ថបទនេះនឹងបង្ហាញអំពីជំងឺឆ្លងរាតត្បាតដែលទើបតែកើតឡើងអំឡុងឆ្នាំ២០០០ និងចំនួនមនុស្សស្លាប់ដោយសារជំងឺឆ្លងទាំងនេះ។
ជំងឺ SARS ឬជំងឺផ្លូវដង្ហើមធ្ងន់ធ្ងរគឺបង្កឡើងដោយវីរុសកូរ៉ូណាមួយក្នុងចំណោមវីរុសកូរ៉ូណាទាំងប្រាំពីរ។ ជំងឺនេះចាប់ផ្តើមផ្ទុះនៅឆ្នាំ២០០៣ នៅខេត្តក្វានតុងប្រទេសចិន និងក្លាយជាជំងឺឆ្លងទៅប្រទេសចំនួន២៦ផ្សេងទៀត ដោយមានអ្នកឆ្លងជាង៨ ០០០នាក់ និងអ្នកស្លាប់៧៧៤នាក់។
ជំងឺនេះត្រូវបានទប់ស្កាត់ដោយសារមានការឆ្លើយតបយ៉ាងសកម្មរបស់ភ្នាក់ងារសុខភាពសាធារណៈរបស់អាជ្ញាធរពិភពលោក រួមទាំងការដាក់អ្នកឆ្លងជំងឺនេះឲ្យនៅដាច់ដោយឡែក។
ជំងឺនេះជាទម្រង់ថ្មីនៃវីរុសផ្ដាសាយដែលលេចឡើងនៅឆ្នាំ២០០៩ និងមានអ្នកឆ្លងប្រហែល ៦០,៨លាននាក់នៅសហរដ្ឋអាមេរិក និងមានអ្នកស្លាប់ទូទាំងពិភពលោកចន្លោះពី ១៥១ ៧០០ ទៅ ៥៧៥ ៤០០នាក់។ ជំងឺនេះត្រូវហៅថាផ្ដាសាយជ្រូកដោយសារឆ្លងពីសត្វជ្រូកមកមនុស្ស ហើយH1N1 នេះមានលក្ខណៈខុសពីជំងឺផ្ដាសាយធម្មតាដោយ៨០%នៃអ្នកស្លាប់ដោយសារជំងឺផ្តាសាយជ្រូកគឺមនុស្សដែលមានអាយុក្រោម៦៥ឆ្នាំ។ ដោយឡែកប្រហែល៧០–៩០%នៃអ្នកស្លាប់ដោយជំងឺផ្ដាសាយធម្មតាគឺកើតទៅលើមនុស្សដែលមានអាយុចាប់ពី៦៥ឆ្នាំឡើងទៅ។
ជំងឺ MERS គឺជាជំងឺផ្លូវដង្ហើមកើតមានក្នុងប្រទេសនៅមជ្ឈិមបូព៌ាដែលបង្កដោយវីរុសត្រកូលកូរ៉ូណាដែរ។ ជំងឺនេះលេចឡើងលើកដំបូងនៅប្រទេសអារ៉ាប់នៅឆ្នាំ២០១២ និងមានអ្នកឆ្លងជាង២ ៤០០នាក់ ក្នុងប្រទេសចំនួន២៧។ ជំងឺនេះគឺឆ្លងពីសត្វមកកាន់មនុស្ស។ ការសិក្សាបានបង្ហាញថាមនុស្សអាចឆ្លងជំងឺនេះដោយការប៉ះពាល់សត្វអូដ្ឋបូកមួយដោយផ្ទាល់ ឬដោយប្រយោល។ ម៉្យាងទៀត ជំងឺនេះមិនងាយឆ្លងពីមនុស្សម្នាក់ទៅមនុស្សម្នាក់ទៀតទេ លុះត្រាតែមានការប៉ះពាល់ជិតស្និទ្ធជាមួយអ្នកឆ្លង ដូចជាការព្យាបាលអ្នកជំងឺដោយមិនមានការការពារ។ បើចាប់ពីឆ្នាំ២០១២ មកដល់ថ្ងៃទី៣១ ខែមករា ឆ្នាំ២០២០នេះ អត្រាអ្នកឆ្លងទូទាំងពិភពលោកមានចំនួន២៥០៦នាក់ និងអ្នកស្លាប់ ៨៦២នាក់។ នេះបើតាមទិន្ន័យក្នុង
វីរុសអេបូឡានេះបានកើតឡើងនៅក្នុងភូមិតូចមួយនៅ Guinea តំបន់អាហ្វ្រិកក្នុងឆ្នាំ២០១៤ និងបានឆ្លងរាលដាលទៅកាន់ប្រទេសជិតខាងនៅតំបន់អាហ្វ្រិកខាងលិចទៀត។ វីរុសនេះបានសម្លាប់មនុស្ស ១១ ៣២៥ នាក់ក្នុងចំណោមអ្នកឆ្លង២៨ ៦០០នាក់ ដែលភាគច្រើនកើតឡើងនៅ Guinea Liberia និង Sierra Leone។
វីរុសកូរ៉ូណាថ្មីនេះមានឈ្មោះផ្លូវការថា COVID-19 ផ្ទុះឡើងដំបូងនៅទីក្រុងអ៊ូហាន ប្រទេសចិនកាលពីខែធ្នូ ឆ្នាំ២០១៩។ វីរុសនេះក៏បានកំពុងធ្វើការរាលដាលដល់ប្រទេសជាង១០០។ គិតមកដល់ពេលនេះ មានអ្នកឆ្លងទូទាំងពិភពលោកសរុប ១៣៤ ១១៣ករណី អ្នកជា ៦៧ ០០៣នាក់ និងអ្នកស្លាប់ ៤ ៩៦៧នាក់។
អត្ថបទពាក់ព័ន្ធ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕