ជនជាតិអង់គ្លេសម្នាក់ និងជនជាតិចិនម្នាក់មានកម្ដៅខ្លួនលើសពី ៣៨ អង្សារសេ ដែលចូលទៅទស្សនានៅសារមន្ទីរឧក្រិដ្ឋកម្ម ប្រល័យពូជសាសន៍ទួលស្លែងនោះ ហើយត្រូវក្រសួងសុខាភិបាលយកសំណាកទៅពិនិត្យរក COVID-19 នៅវិទ្យាស្ថានប៉ាស្ទ័រកម្ពុជា ឥឡូវនេះចេញលទ្ធផលហើយ ដោយអ្នកទាំងពីរអវិជ្ជមាន។
ក្រសួងសុខាភិបាលបញ្ជាក់ថា បុរសទាំង២ ត្រូវគ្រូពេទ្យសន្និដ្ឋានថា ជាករណីផ្តាសាយធម្មតា ប៉ុន្តែបានណែនាំឲ្យបន្តតាមដានសុខភាពផ្ទាល់ខ្លួន បើមានបញ្ហាសុខភាព ត្រូវមកជួបពេទ្យវិញ។
ត្បិតជនបរទេសទាំង២ខាងលើអវិជ្ជមាន COVID-19 តែវិទ្យាស្ថានប៉ាស្ទ័របែរជារកឃើញបុរសជនជាតិបរទេស២នាក់ផ្សេងទៀតវិជ្ជមាន COVID-19 ដោយម្នាក់ជនជាតិកាណា វ័យ ៤៩ ឆ្នាំ និងម្នាក់ទៀតជនជាតិប៊ែលហ្សិក វ័យ៣៣ឆ្នាំ។ អ្នកទាំងពីរបានរកឃើញនៅទីក្រុងភ្នំពេញ ហើយពេលនេះកំពុងដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
