យន្តការអាចកើតមានលើបញ្ហានេះ
រាងកាយរបស់យើងត្រូវបានរៀបចំឲ្យមានប្រតិកម្មតបទៅនឹងស្ត្រេសដែលអាចគំរាមកំហែងអាយុជីវិត នាំឲ្យខួរក្បាលភ្ញោចឲ្យមានលំហូរសារធាតុគីមី និងអ័រម៉ូនខ្លាំង ដែលធ្វើឲ្យចង្វាក់បេះដូងដើរលឿន ដកដង្ហើមញាប់ៗ បង្កើនសម្ពាធឈាម និងបង្កើនកម្រិតថាមពលត្រូវការជាតិស្ករច្រើន ដើម្បីជំនួយដល់សាច់ដុំ។ នៅពេលយន្តការនេះកើតឡើងញឹកញាប់នឹងធ្វើឲ្យរាងកាយមនុស្សយើងទៅជារងគ្រោះវិញ។
ស្ត្រេសអាចបង្កឲ្យមានការរលាកនៅសរសៃអាកទែកូរ៉ូនែ នាំឲ្យមានដុំកំណកឈាម ដែលអាចនាំឲ្យមានបញ្ហាគាំងបេះដូង។ ពេលកើតស្ត្រេសមនុស្សយើងនឹងមិនមានអារម្មណ៍ហាត់ប្រាណ ឬញ៉ាំអាហារល្អចំពោះសុខភាព និងគេងមិនគ្រប់គ្រាន់ដែរ ដែលអ្វីទាំងនេះសុទ្ធតែអាចប៉ះពាល់ដល់សុខភាពបេះដូង។
តើគួរដោះស្រាយបែបណា?