ជាធម្មតា រាងកាយយើងអាចកើតមានជំងឺជាច្រើន នៅលើសរីរាង្គតែមួយ ហើយក្រពះក៏ដូចគ្នាដែរ អ្នកខ្លះឈឺក្រពះ ឯខ្លះទៀត រលាកក្រពះជាដើម។ សាស្ត្រាចារ្យមហាបរិញ្ញា អ៊ុង ចក្រាវុធ ជំនាញផ្នែកក្រពះ ថ្លើម ពោះវៀន បានឲ្យដឹងថា ជំងឺដែលកើតមាននៅលើក្រពះញឹកញាប់គឺជំងឺចំនួន៥ ដូចជា៖
១. អាស៊ីដច្រាលក្នុងក្រពះ
ជំងឺនេះកើតឡើងនៅពេលដែលអាស៊ីដដែលមាននៅក្នុងក្រពះ ច្រាលចូលទៅក្នុងបំពង់អាហារ ដែលអាចបណ្តាលឲ្យរលាកបំពង់អាហារ។ អ្នកដែលប្រឈមនឹងការកើតជំងឺនេះ មាន មនុស្សចាស់ អ្នកធាត់ដុះក្បាលពោះ និងស្រ្តីមានផ្ទៃពោះ ហើយរោគសញ្ញារបស់វាមាន៖
– ភើជូរ
– ក្រហាយនៅតាមបំពង់អាហារ
-ក្រហាយទ្រូងឬឈឺទ្រូង
– ពិបាករំលាយអាហារ
– ឆ្អល់ពោះ។
២.រលាកក្រពះ
លោកវេជ្ជបណ្ឌិត ឲ្យដឹងថា មានកត្តាជាច្រើនដែលបណ្តាលឲ្យរលាកក្រពះ ប៉ុន្តែ៩០% នៃការរលាកក្រពះគឺមកពីមានមេរោគនៅក្នុងក្រពះ។ រោគសញ្ញានៃការរលាកក្រពះនេះ គឺ៖
– ឆ្អល់
– ក្រហាយនៅចុងដង្ហើម
– ពិបាករំលាយអាហារ
– ញ៉ាំឆាប់ឆ្អែត។
៣.ខ្សោយក្រពះ
ចំពោះអ្នកជំងឺដែលមានក្រពះខ្សោយ គឺបណ្តាលមកពីក្រពះដំណើរការមិនល្អ ភាគច្រើនបណ្តាលមកពីស្រ្តេសច្រើនពេក ហើវាបង្ហាញរោគសញ្ញាដូចជា៖
– ឆ្អល់
– ពិបាករំលាយអាហារ
– ក្រហាយក្រហល់ក្នុងពោះ។
លោកវេជ្ជបណ្ឌិត បានឲ្យដឹងថា សម្រាប់ជំងឺពាក់ព័ន្ធនឹងក្រពះទី ៤ គឺដំបៅក្រពះ និង ៥គឺមហារីកក្រពះ ដែលវាអាចវិវត្តពីការរលាកក្រពះបាន ហើយរោគសញ្ញារបស់ជំងឺទាំងពីរនេះ គឺស្រដៀងគ្នាទៅនឹងជំងឺក្រពះដទៃដែរ។ ដូចនេះ ដើម្បីធ្វើរោគវិនិច្ឆ័យបានត្រឹមត្រូវថា អ្នកជំងឺមានបញ្ហាក្រពះមួយណានោះ គឺត្រូវឆ្លុះមើលក្រពះ តែនេះមិនមានន័យថា គ្រប់គ្នាឲ្យតែឈឺក្រពះត្រូវពិនិត្យទាំងអស់ទេ។ ក្នុងករណីដែលចាំបាច់ខ្លាំងក្នុងការឆ្លុះមើលក្រពះ គឺចំពោះអ្នកដែល៖
– មានវ័យចំណាស់
– អ្នកដែលទើបឈឺក្រពះ
– គ្រួសារមានប្រវត្តិមហារីកក្រពះ
– ឈឺយប់រំខានដល់ដំណេក ប៉ុណ្ណោះ។
អត្ថបទពាក់ព័ន្ធ៖
- ចូលចិត្តញ៉ាំហឹរខ្លាំង អាចបណ្តាលឲ្យរលាកក្រពះអត់?
- សញ្ញាសំខាន់ៗ បញ្ជាក់ថាយើងមានមេរោគក្នុងក្រពះ
- ចូលចិត្តញ៉ាំអាហារសមុទ្រឆៅ ប្រយ័ត្នផង អាចកើតជំងឺច្រើនមុខណាស់
- កត្តាធំៗ៤នេះហើយ បណ្តាលឲ្យមនុស្សសម័យឥឡូវងាយឈឺក្រពះ
- ផឹកកាហ្វេពេលព្រឹកទាំងពោះទទេ ប៉ះពាល់សុខភាពម៉េចខ្លះ?
- ដំណឹងល្អ! វ៉ាក់សាំងរលាកក្រពះ ពោះវៀន កំពុងស្រាវជ្រាវផលិតហើយ
- អាហារផ្អាប់ឱ្យជូរ គួរប្រយ័ត្ន ជាពិសេសចាស់ៗ និងអ្នកខ្សោយ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmr]
