តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

លេចចេញអាការៈទាំងនេះ អាចថាមាន​ជំងឺ​ក្រិនថ្លើមហើយ

    លេចចេញអាការៈទាំងនេះ អាចថាមាន​ជំងឺ​ក្រិនថ្លើមហើយ

    ជំងឺក្រិនថ្លើម គឺជាជំងឺថ្លើមដំណាក់កាលចុងក្រោយ ដែលជាលិកាថ្លើមប្រែទៅ​ជាក្រិន។ នៅពេល​ជំងឺ​ក្រិនថ្លើមវិវដ្ដ​ ជាជាលិកាថ្លើមប្រែ​ទៅជាក្រិនកាន់​តែច្រើនឡើងៗ​ដែលធ្វើឱ្យថ្លើម​ពិបាក​ដំណើរ​ការ។ ជាលទ្ធិផលវាអាចបណ្តាល​ឱ្យគ្រោះថ្នាក់ដល់ជីវិត។ តើអ្នកជំងឺក្រិនថ្លើម​មានអាការៈ​អ្វី​ខ្លះ?

    អាការៈជំងឺក្រិនថ្លើម គឺអាស្រ័យលើភាពធ្ងន់ធ្ងរនៃជំងឺ។ នៅដំណាក់កាលដំបូង​យើងប្រហែល​ជាមិន​មាន​អាការៈអ្វីទេ។ ប្រសិន​បើមាន យើងអាចច្រឡំ​​អាការៈទាំងនោះនឹងអាការៈជំងឺផ្សេងៗទៀត។

    បញ្ហាប្រព័ន្ធរំលាយអាហារ

    អាការៈ និងរោគសញ្ញាដំបូង​នៃជំងឺក្រិនថ្លើមរួមមាន៖

    • មិនឈ្លានអាហារ
    • ខ្សោយ ឬអស់កម្លាំង
    • ចង្អោរ
    • គ្រុន
    • ស្រកទម្ងន់ដោយគ្មានមូលហេតុ

    មានអាការៈទាំងនេះបញ្ជាក់ថាក្រិនថ្លើមហើយ

    នៅពេលជំងឺក្រិនថ្លើមវិវដ្ដកាន់តែធ្ងន់ធ្ងរ នឹង​ចេញ​អាការៈកាន់​តែច្រើនទៀតដូចជា៖

    • លាមកមានពណ៌ស្រាល
    • ទឹកនោមមានពណ៌ទឹកក្រូច ឬពណ៌ត្នោត
    • ងាយឈាមច្រមុះ ឬអញ្ចាញធ្មេញ
    • ងាយជាំ
    • ហើមជើង ប្រអប់ជើង ឬកជើង
    • រមាស់ស្បែក
    • ស្បែកនិងភ្នែកប្រែជាលឿង (ជំងឺខាន់លឿង)
    • កើតទាចទឹក
    • ឡើងសរសៃឈាមដូចពីងពាងនៅលើស្បែក
    • ក្រហមបាតដៃ
    • បាត់រដូវទាំងមិនទាន់ដល់អាយុអស់រដូវ (ស្រ្តី)
    • បាត់បង់ចំណង់ផ្លូវភេទ សុដន់រីកធំ ឬស្វិតពងស្វាស (បុរស)
    • វង្វេង​វង្វាន់​
    • និយាយត្រដិត
    • មានឈាមក្នុងឈាមក

    ប្រសិនបើយើងមានអាការៈណាមួយដូចដែលបានរៀបរាប់ខាងលើ ត្រូវទៅ​ជួប​គ្រូពេទ្យ​​ជា​បន្ទាន់​។​ ជាទូទៅការខូចខាតថ្លើមដែលបណ្តាលមកពីជំងឺក្រិនថ្លើម​​​មិនអាចជាវិញទេ។ ប៉ុន្តែប្រសិន​បើ​យើង​ឆាប់ដឹងថាមានជំងឺក្រិនថ្លើម និងធ្វើការព្យាបាលទាន់ពេល យើងអាច​បញ្ឈប់​ថ្លើម​ពី​ការ​ខូច​ខាត​បន្ថែម​​ទៀតបាន។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ សុខ វណ្ណ កែសម្រួល​ចុងក្រោយ 16/09/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: