ពិតណាស់ សុខភាពផ្លូវចិត្តក៏មានសារសំខាន់ដូចទៅនឹងសុខភាពផ្លូវកាយរបស់យើងដែរ ហើយនៅពេលដែលសុខភាពផ្លូវចិត្តរឹងមាំ យើងនឹងមានអារម្មណ៍រីករាយ ពោរពេញទៅដោយក្តីស្រលាញ់ មានសុខភាពល្អ ក៏ដូចជាបំពេញការងារកាន់តែប្រសើរជាងមុន។ ដូច្នេះហើយ គ្នាយើងគួរអនុវត្តទម្លាប់ល្អៗមួយចំនួនខាងក្រោមនេះ ដើម្បីបំពេញថាមពលដល់សុខភាពផ្លូវចិត្ត។
ទម្លាប់ទាំង ៥យ៉ាង ជួយឲ្យសុខភាពផ្លូវចិត្តកាន់តែរឹងមាំ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ចាប់ផ្ដើមរត់លំហាត់ប្រាណ
ការរត់មានគុណប្រយោជន៍ដ៏អស្ចារ្យដល់សុខភាពផ្លូវចិត្តរបស់យើង ពីព្រោះវាជួយបំបាត់គំនិត និងអារម្មណ៍ដែលរងសម្ពាធជាច្រើន។ ក្រៅពីនេះ ការរត់ក៏អាចជួយបង្ហាត់ចិត្តរបស់យើងឲ្យផ្តោតអារម្មណ៍កាន់តែប្រសើរឡើង។ មិនតែប៉ុណ្ណោះ ការរត់ក៏អាចជួយឲ្យយើងមានភាពច្បាស់លាស់ក្នុងចិត្តគំនិតកាន់តែល្អជាងមុនផងដែរ។
២. សម្រាក១០នាទីជារៀងរាល់ថ្ងៃ ដោយមិនធ្វើអ្វីទាំងអស់
ការមិនប្រើកុំព្យូទ័រ ទូរស័ព្ទ ឬអានសៀវភៅ អាចឲ្យយើងនៅជាមួយខ្លួនឯង ក៏ដូចជាស្គាល់ខ្លួនឯងកាន់តែច្បាស់។ ទម្លាប់មួយនេះ នឹងនាំឲ្យយើងទទួលបានសន្តិភាពផ្លូវចិត្តជាក់ជាមិនខាន។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
៣. ចំណាយពេល១ថ្ងៃក្នុងមួយសប្ដាហ៍នៅជាមួយអ្នកដែលយើងស្រលាញ់
ទន្ទឹមនឹងនេះ ការចំណាយពេលនៅជាមួយនឹងមនុស្សដែលយើងស្រលាញ់មិនថាជាគ្រួសារ មិត្តភក្ដិ ឬគូស្នេហ៍នោះទេ វានឹងអាចឲ្យយើងមានអារម្មណ៍សុវត្ថិភាព ក៏ដូចជាអាចព្យាបាលរបួសផ្លូវចិត្តទាំងឡាយដែលយើងធ្លាប់ជួយប្រទះកន្លងមកប្រកបដោយប្រសិទ្ធភាព។
៤. ជំរុញទឹកចិត្ត
ការបំផុសគំនិត ក៏ដូចជាការហ៊ានសាកល្បងអ្វីថ្មីៗ អាចនាំឲ្យយើងចាកចេញពីតំបន់ដែលគ្មានផាសុកភាព តែអាចទទួលបានបទពិសោធន៍ជីវិតថ្មីមួយទៀត។ យើងគប្បីសកម្ម ក៏ដូចជារីករាយជាមួយនឹងភាពស្រស់ស្អាត ភាពសម្បូរបែប និងភាពរស់រវើកដែលនៅជុំវិញខ្លួន។
៥. ចាប់ផ្ដើមធ្វើសមាធិ
ការធ្វើសមាធិអាចមានការលំបាកនៅពេលដំបូងៗ ដែលទាមទារឲ្យយើងមានភាពអំណត់អត់ធ្មត់ច្រើន។ ប៉ុន្តែ ទម្លាប់មួយនេះ អាចឲ្យយើងស្ថិតក្នុងសភាពស្ងប់ស្ងៀមជាមួយខ្លួនឯង និងអាចស្វែងយល់ ក៏ដូចជាស្រលាញ់ខ្លួនឯងកាន់តែច្រើន។ ហេតុនេះហើយ គ្នាយើងគប្បីសាកល្បងធ្វើសមាធិចាប់ពីថ្ងៃនេះតទៅ ទើបជាការប្រសើរ។
គួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម