ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ
អាការៈស្បែកឡើងជាំខៀវទាំងមិនបានបុក ឬប៉ះទង្គិចជាមួយអ្វីមួយផងនោះ ជឿថាមនុស្សភាគច្រើនបានជួបប្រទះ និងកើតជាចម្ងល់។ បញ្ហានេះមិនមែនអាការៈឈឺចុកចាប់ឡើយ ហើយក៏បានសះស្បើយទៅវិញដោយឯកឯង ឬខ្លះទៀតមានជំនួយពីពេទ្យ។
វេជ្ជបណ្ឌិតឯកទេសទូទៅ លី ឫទ្ធីគុណ បានឲ្យដឹងថា ដោយសារតែមានកំណកឈាមមិនល្អនៅខាងក្រោមស្បែក ហើយទាក់ទងនឹងទៅកត្តាចំណីអាហារ និងការរស់នៅប្រចាំថ្ងៃមួយចំនួនទៀតផង។ ខាងក្រោមជាមូលហេតុនាំឲ្យស្បែកជាំ៖
ប្រភេទថ្នាំខ្លះ លេបហើយមានឥទ្ធិពលលើគ្រាប់ឈាម ធ្វើឲ្យលេចឡើងស្នាមជាំលើស្បែកមួយរយៈក្រោយមក នឹងរលុបទៅវិញ។ ថ្នាំទាំងនោះមានដូចជាថ្នាំប្រឆាំងនឹងការរលាក ថ្នាំផ្ទុកជាតិដែក ឬថ្នាំប្រឆាំងជំងឺហឺតជាដើម។
ក្នុងករណីអ្នកមានជំងឺឈាម និងជំងឺសរសៃឈាមអាចក៏បណ្ដាលឲ្យស្បែកមានស្នាមជាំដែរ។ ក្នុងនោះរួមមានជំងឺសរសៃឈាមរីកប៉ោង ឈាមកកនៅក្នុងសរសៃឈាម ជំងឺគ្រាប់ឈាមក្រហម ឬកើតជំងឺមហារីកគ្រាប់ឈាម មូលហេតុមកពីឈាមរត់មិនស្រួល។
រាងកាយខ្វះសារធាតុវីតាមីនមួយចំនួនក៏អាចលេចឡើងលើស្បែកបែបនេះដែរដូចជា វីតាមីន B12 វីតាមីន K ដែរសុទ្ធសឹងដើរតួយ៉ាងសំខាន់ដំណើរការផលិតឈាម ផលិតកោសិកាថ្មីៗ។
បញ្ហាអ័រម៉ូនមានភាពប្រែប្រួល ក៏ជាមូលហេតុចម្បងធ្វើឲ្យមានស្នាមជាំដែរ។ សម្រាប់ស្ត្រីអាចកើតឡើងនៅពេលមានផ្ទៃពោះ អំឡុងពេលអស់រដូវ ឬនៅពេលដែលលេបប្រភេទថ្នាំអ័រម៉ូន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕