ខែភ្លៀងជាខែដែលងាយកើតជំងឺផ្តាសាយ មិនថា ចាស់ ឬក៏ក្មេងនោះទេ។ ចំពោះមនុស្សពេញវ័យ ឬចាស់ៗ បើសិនជាមានអាការៈផ្តាសាយតិចតួច មិនបាច់បារម្ភពេកទេ គ្រាន់តែញ៉ាំភេសជ្ជៈទាំង ៣ មុខនេះ នោះអាការៈនឹងធូរស្បើយវិញ។
១– ញ៉ាំទឹកក្រូចឆ្មារជាមួយទឹកឃ្មុំ
យកទឹកក្តៅឧណ្ហៗ ដាក់ក្នុងកែវ រួចច្របាច់ក្រូចឆ្មារ ២ ឬ ៣ ចំណិតចូលតាមចំណង់ចំណូលចិត្ត រួចដាក់ទឹកឃ្មុំ ១ ស្លាបព្រាកាហ្វេ។ ធ្វើបែបនេះញ៉ាំ ៣ដង/ថ្ងៃ នោះអាការៈផ្តាសាយ ហៀរសំបោរ តឹងច្រមុះ នឹងធូរស្បើយ។
២– ញ៉ាំទឹក ឬទឹកក្ដៅឧណ្ហៗឲ្យបានច្រើន
ការញ៉ាំទឹកសុទ្ធ ឬទឹកក្ដៅឧណ្ហៗឲ្យបានច្រើនអាចបង្ការពីជំងឺផ្តាសាយ។ តែសិនជាយើងកំពុងផ្តាសាយ រាងកាយយើងខំប្រឹងប្រយុទ្ធនឹងការឆ្លងមេរោគ ទើបធ្វើឲ្យខ្សោះជាតិទឹក ដូច្នេះត្រូវញ៉ាំទឹកឲ្យបានច្រើន ពិសេសព្យាយាមញ៉ាំទឹកក្តៅគ្រប់ពេលនេះ ផ្តាសាយនឹងឆាប់បាត់ទៅវិញ។
៣– ញ៉ាំតែខ្ញី
វិធីនេះក៏ជួយបំបាត់ផ្តាសាយលឿនដែរ យើងអាចប្រើខ្ញីស្រស់ ឬខ្ញីក្រៀម មកដាំទឹកផឹក ឬឆុងទឹកក្តៅផឹកជាប្រចាំនោះ ១–២ ថ្ងៃក្រោយនឹងជាឡើងវិញហើយ។ គ្រាន់តែការប្រើខ្ញីស្រស់រាងក្រពុលពិបាកញ៉ាំបន្តិច មិនឈ្ងុយដូចខ្ញីក្រៀមនេះ។
អត្ថបទពាក់ព័ន្ធ៖
- ផ្តាសាយ ដាច់ខាតកុំប្រើថ្នាំផ្សះឲ្យសោះ
- ធម្មតា ផ្ដាសាយត្រូវការពេលប៉ុន្មានថ្ងៃទើបជា?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
