ថ្ងៃក្តៅខ្លាំង បើបានទឹកត្រជាក់មកញ៉ាំពិតជាត្រូវចិត្ត ប៉ុន្តែបើញ៉ាំសឹងរាល់ថ្ងៃ ក៏គួរដឹងពីផលវិបាកមួយចំនួន ដែលនេះសម្តៅលើន័យថា ទឹកធម្មតាជាជម្រើសប្រសើរជាង ព្រោះបើញ៉ាំទឹកត្រជាក់រាល់ថ្ងៃ អាចជួបបញ្ហាដូចខាងក្រោម៖
មាតិកា
ញ៉ាំទឹកត្រជាក់រាល់ថ្ងៃ គួរដឹងពីផលប៉ះពាល់សំខាន់ៗទាំងនេះ
១. ប៉ះពាល់ដល់ការរំលាយអាហារ
អ្នកជំនាញអះអាងថា ទឹកត្រជាក់ ឬភេសជ្ជៈត្រជាក់ៗ ធ្វើឱ្យសរសៃឈាមរួម ដូចនេះវាទៅបង្អាក់ដំណើរការរំលាយអាហារ។ មួយវិញទៀត ពេលផឹកទឹកត្រជាក់ធ្វើឱ្យរាងកាយត្រូវចំណាយថាមពលទៅរក្សាសីតណ្ហភាពក្នុងខ្លួន ដែលធ្វើឱ្យដំណើរការស្រូបយកជីវជាតិចិញ្ចឹមរបស់រាងកាយ ដំណើរការរអាក់រអួល នាំឱ្យមានបញ្ហា។
អត្ថបទពាក់ព័ន្ធ៖
២. ឈឺបំពង់ក
ផឹកទឹកត្រជាក់ច្រើន បង្កើននូវសារធាតុរម្អិល (Mucus) ច្រើនទៅក្នុងរាងកាយ ហើយនៅពេលដែល សារធាតុរម្អិលទាំងនោះឡើង និងច្រើនពេញប្រព័ន្ធដង្ហើម(បំពង់ក) វាបង្កទៅជាបញ្ហារលាក និងឈឺបំពង់ក ដូចដែលយើងអាចសម្គាល់ឃើញ នៅពេលញ៉ាំភេស្ជជៈមានទឹកកកច្រើន។
៣. ធ្វើឱ្យធាត់
ការញ៉ាំទឹកត្រជាក់ច្រើន នឹងបង្កឱ្យធាត់ នោះគឺដោយសារតែទឹកត្រជាក់ ទៅធ្វើឱ្យសារធាតុខ្លាញ់ក្នុងអាហារដែលយើងញ៉ាំឡើងរឹង នាំឱ្យខ្លាញ់កកពិបាករំលាយ។ ប្រតិកម្មនោះ ធ្វើឱ្យមានបញ្ហាទាំងការរំលាយអាហារ ហើយរាងកាយស្តុកទុកខ្លាញ់(ដែលរាងកាយមិនត្រូវការ) កកជាប់ ដែលធ្វើឱ្យធាត់។ ជាការណែនាំ ឱ្យចៀសបញ្ហានោះ លោកវេជ្ជបណ្ឌិត Anju អ្នកជំនាញផ្នែកអាហារូបត្ថម្ភពីប្រទេសឥណ្ឌា បានលើកឡើងថា ក្រោយញ៉ាំអាហារ គួរទុកពេលឱ្យប្រព័ន្ធរំលាយប្រមាណ៣០នាទី ដើម្បីធ្វើការ មុននឹងពិសាទឹក (ទឹកធម្មតា)។
អត្ថបទពាក់ព័ន្ធ៖
៤. បន្ថយអត្រាចង្វាក់បេះដូងលោត
ការសិក្សាជាច្រើន បានបង្ហាញថា ចំហាយនៃទឹកត្រជាក់ចូលក្នុងរាងកាយ អាចទៅជំរុញប្រព័ន្ធសរសៃប្រសាទមួយចំនួន ដែលភាគច្រើនសរសៃទាំងនោះ ពាក់ព័ន្ធនឹងសេរីរាង្គនៃរាងកាយ ដែលដំណើរការដោយឯកឯង ដូចជាបេះដូងជាដើម។ ក្នុងនោះ វាបានទៅជំរុញសរសៃប្រសាទទាំងនោះ ឱ្យធ្វើការខ្លាំង ដែលជាលទ្ធផលវាបង្កឱ្យអត្រាចង្វាក់បេះដូងថយចុះទៅវិញ។
អត្ថបទពាក់ព័ន្ធ៖
- នេះផលប៉ះពាល់សុខភាព ៤យ៉ាង ពីការផឹកទឹកកក យើងគួរចៀសវាង
- ហេតុផលម៉ាក់ៗមិនគួរបណ្ដោយឲ្យកូនតូចៗផឹកទឹកកក
- បន្លែផ្លែឈើក្លាសេទូទឹកកក ល្អជាងបន្លែផ្លែឈើស្រស់?
៥. ឈឺសេរីរាង្គខាងក្នុង
ក្រោយពេលហាត់ប្រាណ ឬធ្វើការបញ្ចេញកម្លាំងហត់ ពេលនោះក្នុងរាងកាយមានសីតណ្ហភាពក្តៅ កាលណាញ៉ាំទឹកត្រជាក់ចូល នោះសីតណ្ហភាពប្រែប្រួលលឿនក្នុងរាងកាយ ធ្វើឱ្យសេរីរាង្គមួយចំនួនក្នុងខ្លួន មិនអាចទទួលយក ការប្រែប្រួលលឿនបែបនេះបាន ជាពិសេសក្រពះ ដែលធ្វើឱ្យអ្នកអារម្មណ៍ឈឺ ក្រោយពេលញ៉ាំទឹកត្រជាក់ភ្លាមៗ។
អត្ថបទពាក់ព័ន្ធ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://food.ndtv.com/food-drinks/why-you-shouldnt-drink-chilled-water-5-reasons-to-quit-the-habit-1686599
កំណែប្រែបច្ចុប្បន្ន
14/09/2022
អត្ថបទដោយ មាន រតនា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម