ហើមសួត

ហើមសួត​ - ក្នុង​ផ្នែក​នេះ ​បងប្អូន​អាច​ស្វែងយល់​ពី​បញ្ហា​ដែល​បង្ក​ឲ្យ​កើត​ជា​ជំងឺ​ហើម​សួត ​ផលវិបាក ​ការ​រស់​នៅ​ជា​មួយ​ជំងឺប្រភេទ​នេះ ការការពារ​ និង​ការ​ព្យាបាល

ចំណេះដឹងទូទៅ

ហើមសួត

បញ្ហាបេះដូង ជាមូលហេតុមួយបណ្ដាលឲ្យកើតជំងឺហើមសួត ឈានទៅស្លាប់

បញ្ហា​ហើម​សួត​ស្រួចស្រាល់ ឬ​ទឹក​ចូល​សួត បើ​តាម​ខ្មែរ​យើង​និយម​ហៅ ជា​ការ​ដក់​ទឹក​នៅ​ក្នុង​សាច់​សួត​ដែល​អាច​កើត​ឡើង​សន្សឹមៗ ឬ​កើត​ឡើង​យ៉ាង​គំហុក​តែ​ម្ដង។ បញ្ហា​នេះ អាច​ទាម​ទារ​ឲ្យ​អ្នក​ជំងឺ​ចូល​សង្គ្រោះ​បន្ទាន់ ឬ​អាច​បង្ក​បញ្ហា​ធ្ងន់ធ្ងរ​បណ្ដាល​ឲ្យ​អ្នក​ជំងឺ​ស្លាប់​បាន។ នេះ​បើ​តាម​ការ​ផ្សព្វ​ផ្សាយ​របស់​មន្ទីរពេទ្យ កាល់ម៉ែត។ មូល​ហេតុ​អ្វី​ខ្លះ​បណ្ដាល​ឲ្យ​កើត​ជំងឺ​ហើម​សួត​ស្រួច​ស្រាល់? ទី​១. ហើម​ស្រួច​ស្រាល់បណ្ដាល​មក​ពី​បេះ​ដូង ដែល​បណ្ដាល​ឲ្យ​សម្ពាធ​ឈាម​ក្នុង​អាកទែ​ពុល​ម៉ូ​ណែ​ឡើង​ខ្ពស់ ហើយ​ឲ្យ​ទឹក​ប្លាស្មា​ចេញ​ពី​សរសៃ​ឈាម​ចូល​ក្នុង​សាច់​សួត​ដោយ​សារ៖ បេះដូង​ខ្វះ​សមត្ថភាព​រុញ​ច្រាន​ឈាម​ចេញ​ពី​បេះ​ដូង បេះ​ដូង​មាន​វិបត្តិ​ចង្វាក់​បេះ​ដូង ​មាន​ជំងឺ​ប្រឺស​បេះដូង សម្ពាធ​ឈាម​ឡើង​ខ្ពស់​ភ្លាម​ៗ។ល។ ទី២. ហើម​សួត​ស្រួច​ស្រាល់​បណ្ដាល​មក​ពី​ដាច់​ស្រទាប់​ខ័ណ្ឌ​សរសៃ​ឈាម និង​សាច់​សួត ធ្វើ​ឲ្យ​ទឹក​ប្លាស្មា​ចេញ​ពី​សរសៃ​ឈាម​ចូល​ទៅ​ក្នុង​សាច់​សួត ដោយ​មូល​ហេតុ​ដូច​ជា៖ ជំងឺ​សួត​ដែល​បណ្ដាល​មក​ពី​ពពួក​បាក់តេរី ឬ​វីរុស ការ​បង្ក​រោគ​ដោយ​ជំងឺ​ផ្សេងៗ ធ្វើ​ឲ្យ​ស្ហុក ការ​ហឺត​ឧស្ម័ន​មាន​ជាតិ​ពុល​ចូល​សួត ការ​ហៀរ​ទឹក​ក្រពះ​ចូល​សួត ការ​ប៉ះទង្គិច​លើ​សួត​ដោយ​មូល​ហេតុ​ផ្សេង។ល។ រោគ​សញ្ញា​ជំងឺ​ហើម​សួត - ហត់ ដង្ហក់​ភ្លាមៗ ពិសេស​ពេល​យប់ - ក្អក​ខ្លាំង​ៗ រមាស់​ក (កើត​ឡើង​មុន​ដង្ហក់) - ឡេះ​ឡាស់ - ចង្វាក់​ដង្ហើម​ខ្សោយ​ហើយ​យឺត ឡើង​ស្វាយ ឬ​ឡើង​ខ្ជឹង​ពេញ​ក - ស្មារតី​ថយ​ចុះ - ពិបាក​និយាយ​ជា​ដើម។

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មើល​បន្ថែម​ពី​គ្រូពេទ្យ​ឯកទេស