បើស្រីៗគ្នាយើងតាមដាន “Hello គ្រូពេទ្យ”យូរ ច្បាស់ជាធ្លាប់ដឹងពីវិធីសាស្ត្រពន្យារកំណើតថ្នាំពន្យារកំណើតបន្ទាន់ហើយ។ ក្រោយប្រើរួចថ្នាំពន្យារកំណើតបន្ទាន់ អាចចេញរោគសញ្ញានៃផលរំខានមួយចំនួន ប៉ុន្តែគ្នាយើងមិនចាំបាច់ភ័យទេ។
មាតិកា
ក្រោយប្រើថ្នាំពន្យារកំណើតបន្ទាន់ មានអាការៈទាំងនេះ មិនបាច់ភ័យទេ
ថ្នាំពន្យារកំណើតបន្ទាន់ ឬថ្នាំ ៧២ម៉ោង សំដៅលើថ្នាំបង្ការកុំឲ្យមេជីវិតឈ្មោល ជួបជាមួយពងមេជីវិតញី ឬពន្យារកុំឲ្យពងមេជីវិតញីធ្លាក់ចេញពីក្រពេញអូវែ ដោយគ្រាន់តែស្រីៗលេបថ្នាំនេះអំឡុងពេល ៣ ថ្ងៃនៃការរួមភេទដែលមិនបានការពារ។ មូលហេតុមួយចំនួនដែលគ្នាយើងស្រីៗត្រូវប្រើថ្នាំពន្យារកំណើតបន្ទាន់ដូចជាពេល៖
– ស្រោមអនាម័យដាច់រហែក ឬបែកពេលរួមភេទ
– របូតធ្លាក់កងពាក់ក្នុងស្បូន (IUD)
– ដាក់បន្ទះ ឬកងដាក់ក្នុងទ្វារមាស យឺតពេក ឬដកចេញលឿនពេក
– ភ្លេចលេបថ្នាំពន្យារកំណើត ២-៣ដងជាប់គ្នា
– រួមភេទដោយមិនបានការពារ។
ចង់ពិនិត្យជំងឺមហារីកសួត ចុចទីនេះ!
ចំពោះស្រីៗគ្នាយើង ដែលបានប្រើថ្នាំពន្យារកំណើតបន្ទាន់នេះ ហើយមានអាការៈដូចខាងក្រោមនេះ វាជាសញ្ញានៃផលរំខានរបស់ថ្នាំរួមមាន៖
- ចង្អោរ ក្អួត
- ចុករមួលពោះផ្នែកខាងក្រោម
- ហូរឈាមខុសធម្មតា
- អស់កម្លាំង
- ឈឺក្បាល វិលមុខ
- ឈឺសុដន់
បើយើងសង្កេតតាមរោគសញ្ញាខាងលើ ថ្នាំពន្យារកំណើតបន្ទាន់ មិនបង្កឲ្យមានផលរំខានធ្ងន់ធ្ងរ ឬយូរអង្វែងនោះទេ ព្រោះវាត្រូវបានអនុម័តតាមបែបវេជ្ជសាស្ត្រដាក់ឲ្យប្រើប្រាស់ជាសកល ពីសំណាក់រដ្ឋបាលចំណីអាហារ និងថ្នាំពេទ្យអាមេរិក FDA ដោយអះអាងមានសុវត្ថិភាពសម្រាប់ស្រីៗគ្រប់រូប។
អត្ថបទគួរអាន៖
- តំបន់ស្រើបស្រាលលើដងខ្លួនស្រីៗ ៥កន្លែង គូស្នេហ៍គួរស្វែងយល់
- សកម្មភាពផ្លូវភេទប្រថុយប្រថានមួយចំនួន បង្កហានិភ័យខ្ពស់ឆ្លងកាមរោគ
- លើសទម្ងន់ អាចនាំឲ្យចំណង់ផ្លូវភេទថយចុះ?
- នៅសុខៗថយចុះចំណង់ផ្លូវភេទ អាចមកពីមូលហេតុទាំងនេះ
- អាហារ៥យ៉ាង ជួយប្រុសៗទប់ទល់បានយូរ និងបង្កើនចំណង់ផ្លូវភេទ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Emergency Contraception. http://ec.princeton.edu/questions/index.html.
Is emergency contraception safe? http://ec.princeton.edu/questions/ecsafe.html.
Emergency Contraception https://kidshealth.org/en/teens/contraception-emergency.html
កំណែប្រែបច្ចុប្បន្ន
20/04/2023
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម