ស្រីៗគ្នាយើងមួយចំនួនពេលជ្រើសរើសប្រើមធ្យោបាយពន្យារកំណើតប្រភេទណាមួយ បែរជាជួបផលរំខានមួយចំនួន ដូចជាធ្វើឲ្យរដូវមិនទៀងទាត់ ឈឺក្បាល ធាត់ ឬស្គមរីងរៃដើម។ កាលបើជួបផលរំខានបែបនេះ តើត្រូវធ្វើបែបម៉េច? គួរប្តូរមកប្រើវិធីពន្យារកំណើតប្រភេទផ្សេងទេ?
បើតាមការពន្យល់របស់លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់ ជាទូទៅមធ្យោបាយពន្យារកំណើតទាំងអស់ គឺមានសុវត្ថិភាពចំពោះស្ត្រីសឹងតែគ្រប់វ័យ ប្រើដោយមិនចាំបាច់ពិនិត្យរាងកាយនោះទេ។ ប៉ុន្តែចំពោះអ្នកដែលមិនធ្លាប់បានប្រើមធ្យោបាយពន្យារកំណើត ឬប្រើជាលើកដំបូង (មួយចំនួនប៉ុណ្ណោះ) តែងតែមានផលរំខានក្នុងរយៈពេល ២-៣ ខែដំបូង ហើយវានឹងបាត់ទៅវិញដោយឯងៗ។
លោកស្រីវេជ្ជបណ្ឌិតថា បើប្រើមធ្យោបាយពន្យារកំណើត ហើយជួបផលរំខានតិចតួច ស្ត្រីមិនចាំបាច់ផ្លាស់ប្តូរមធ្យោបាយពន្យារកំណើតនោះទេ។
ផលរំខានផ្សេង ពេលប្រើមធ្យោបាយពន្យារកំណើត៖
– រដូវមិនទៀងទាត់
– រាំងរដូវ
– រដូវមកតិចជាងមុន ឬច្រើនជាងមុន
– ប្រែប្រួលទម្ងន់ អាចឡើង ឬចុះ
– ឈឺក្បាល
– ធីងធោង
– ក្តៅខ្លួន។
អត្ថបទពាក់ព័ន្ធ៖
- ត្រូវដឹង មធ្យោបាយពន្យារកំណើតសម័យថ្មី មានច្រើនបែប ឯចំណុចល្អផ្សេងៗគ្នា
- ប្រើថ្នាំពន្យារកំណើត បើជួបបញ្ហាទាំងនេះ កុំទាន់ភ័យអី
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-ovulation]
