សុខភាពផ្លូវចិត្ត ផ្លូវកាយ កត្តាអាយុ អាចធ្វើចំណង់ផ្លូវភេទថយចុះ ពិសេសស្រីៗ អស់អារម្មណ៍។ ប៉ុន្តែ បើខានរួមភេទយូរ ឬឈប់រួមភេទ ស្រីៗអាចជួបបញ្ហាសុខភាពច្រើន។ “Hello គ្រូពេទ្យ’ នឹងលើកឡើងពីគុណវិបត្តិពេលស្រីៗខានរួមភេទយូរ។
មាតិកា
ស្រីៗមិនសូវ ឬខានរួមភេទយូរ អាចជួបបញ្ហាសុខភាពទាំងនេះ
១- ទ្វារមាសលែងតឹងណែន
រួមភេទអាចជួយដល់សុខភាពទ្វារមាសច្រើន។ ដល់វ័យកណ្តាលទៅ អ័រម៉ូនភេទស្រីៗនឹងប្រែប្រួល ធ្វើឲ្យទ្វារមាសស្ងួត និងមិនសូវតឹងដូចមុន ប៉ុន្តែការរួមភេទជួយឲ្យសរសៃឈាមទៅចិញ្ចឹមទ្វារមាសបានកាន់តែច្រើន ការពារបញ្ហាចុះខ្សោយសាច់ដុំ ជួយរក្សាសភាពតឹងណែនរបស់ទ្វារមាស។
២- ជាតិរំអិលក្នុងទ្វារមាសថយចុះ
ពេលទ្វារមាសស្ងួត ធ្វើឲ្យស្រីៗពិបាកស្គាល់អ្វីសេចក្តីសុខស្រួលនៅពេលរួមភេទ ប៉ុន្តែពេលស្រីៗមានអារម្មណ៍រោលរាល វានឹងទៅភ្ញោចក្រពេញប្រដាប់ភេទ ឲ្យបញ្ចេញទឹករំអិល ដើម្បីត្រៀមធ្វើប្រតិបត្តិការ។ ហេតុនេះ បើគ្មានការរំញោចផ្លូវភេទវិញ ប្រដាប់ភេទស្រីៗងាយនឹងស្ងួត ធ្វើឲ្យមានការឈឺចាប់ពេលរួមភេទ។
មានមូលហេតុច្រើន អាចធ្វើឲ្យស្រីៗស្ងួតទ្វារមាស តែការរួមភេទញឹកញាប់ អាចជួយការពារយើងពីបញ្ហានេះបានមួយចំណែកធំ។
៣- តានតឹងអារម្មណ៍
ពេលពិបាកចិត្ត យើងមិនចង់រួមភេទឡើយ តែការរួមភេទធ្វើឲ្យយើងមានអារម្មណ៍រីករាយពិសេស។ ហេតុនេះ បើអត់រួមភេទ នឹងធ្វើឲ្យអារម្មណ៍កាន់តែយ៉ាប់យ៉ឺនជាងមុនទៀត។ បើសិនជាតានតឹងអារម្មណ៍ គួរបន្ធូរចេញខ្លះ។
៤- សុខភាពបេះដូង
រួមភេទមានអត្ថប្រយោជន៍ចំពោះសុខភាពបេះដូង តែបើមានជំងឺបេះដូងវិញ ក៏នឹងមានបញ្ហាដល់ការរួមភេទ ពិសេសពេលឈានដល់កំពូល ខណៈពេលខ្លះទៀត អាចនឹងធ្វើឲ្យមិនអាចរួមភេទបានតែម្តង។ ការសិក្សារបស់សមាគមគ្រូពេទ្យឯកទេសបេះដូងនៅអាមេរិក ផ្តោតលើទំនាក់ទំនងរវាងការមិនសូវរួមភេទ និងការកើនឡើងជំងឺបេះដូង ដោយលទ្ធផលបង្ហាញថា រួមភេទមានប្រយោជន៍ជួយឲ្យមានសុខភាពបេះដូងកាន់តែល្អ។
អត្ថបទពាក់ព័ន្ធ៖
- ធ្លាប់សកម្មរឿងផ្លូវភេទ ដល់ឈប់វិញ អាចប្រឈមរឿងអាក្រក់ៗទាំងនេះ
- រួមភេទញឹកញាប់ពេក ខ្លាំងៗពេក ប៉ះពាល់សុខភាពអត់?
៥- ប្រព័ន្ធការពារចុះខ្សោយ
រួមភេទធ្វើឲ្យយើងមានភាពត្រេកត្រអាល រីករាយ បាត់ស្រ្តេស ឬភាពតានតឹងអារម្មណ៍។ ចំណុចនេះហើយ ជួយឲ្យប្រព័ន្ធការពាររាងកាយយើងកាន់តែរឹងមាំ។ តែមិនមែនមានន័យថា រួមភេទអាចការពារយើងពីជំងឺបាននោះទេ ផ្ទុយមកវិញ វាកាន់តែបង្កើនភាពប្រឈមជាមួយជំងឺមួយចំនួនទៀត ពេលមិនបានការពារ។
៦- ថយចំណង់ផ្លូវភេទ
ចំណង់ផ្លូវភេទ បើមិនប្រើវាទេ នឹងបាត់បង់បន្តិចម្តងៗមិនខាន។ ពេលយើងមិនសូវរួមភេទ យូរៗទៅរាងកាយយើងនឹងស៊ាំ រហូតដល់លែងនឹកឃើញសោះ ក៏មាន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
12 Bad Things That Happen to Your Health When You Stop Having Sex. http://www.livestrong.com/slideshow/1012930-12-bad-things-happen-health-stop-having-sex/. Accessed June 7, 2017.
កំណែប្រែបច្ចុប្បន្ន
29/10/2020
អត្ថបទដោយ Chamnan Amrith
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ថាត់ រ័ត្នមូនីតា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម