វីតាមីនល្អៗ ជួយសុខភាពផ្លូវភេទកាន់តែប្រសើរ

ប្រុសៗកំពុងពេញវ័យ ពោពេញទៅដោយកម្លាំង ច្បាស់ជាចង់មានចំណង់ផ្លូវភេទច្រើន នឹងចង់ឲ្យអាអូនតូចរឹងខ្លាំងហើយ។ ប៉ុន្តែក្ដីបំណងទាំងនេះ អាចពិបាករក្សាឲ្យនៅឋិតថេរយូរអង្វែងបន្តិចហើយដោយសារតែសុខភាពផ្លូវភេទ ត្រូវរងផលប៉ះកត្តាជាច្រើន រាប់ទាំងកត្តាបរិស្ថាន អាយុ និងស្ថានភាពជំងឺមួយចំនួន។ យ៉ាងណា នៅមានវិធីការពារមិនឲ្យប្រុសៗ ខូតចិត្តដោយសាររឿងអសមត្ថភាពផ្លូវភេទទេ “Hello គ្រូពេទ្យ’ នឹងប្រាប់ពីវីតាមីនសំខាន់ៗ ជួយឲ្យសុខភាពផ្លូវភេទយើងកាន់តែប្រសើរ។

១- វីតាមីន C

វីតាមីន C ជាសារធាតុប្រឆាំងអុកស៊ីតកម្មមួយប្រភេទ មានតួនាទីទប់ទល់ជាមួយពពួកកោសិកាសេរី និងការពារមិនឲ្យកោសិកាទាំងនោះធ្វើឲ្យកម្រិតអាស៊ីដនីទ្រិចថយចុះបាន។ រក្សាលំនឹងអាស៊ីដនីទ្រិច មានសារៈសំខាន់ខ្លាំងណាស់ ដោយសារតែកម្រិតកំហាប់អាស៊ីតនេះ មានទំនាក់ទំនងដោយផ្ទាល់ជាមួយសមាមាត្រអុកស៊ីហ្សែន បើអាស៊ីដនីទ្រិចតិច បរិមាណអុកស៊ីហ្សែនក្នុងឈាមក៏តិចទៅតាមនឹងដែរ អាចធ្វើឲ្យ ឈាមរត់មិនបានល្អ លិង្គក៏រឹងមិនបានយូរដែរ។ ដើម្បីទទួលបានវីតាមីន C គួរតែសាកល្បងញ៉ាំផ្លែឈើ ដូចជា ផ្លែប៊ើរី ផ្លែគីវី និងពពួកផ្លែក្រូច។

២- វីតាមីន A

កង្វះវីតាមីន A មានទំនាក់ទំនងជាមួយនឹងបញ្ហាកង្វះការផលិតអ័រម៉ូនផ្លូវភេទ ទាំងប្រុសៗ និងស្រីៗ ហើយបញ្ហាមួយនេះ អាចធ្វើឲ្យពងស្វាសប្រុសៗប្រែទៅជាជ្រួញ និងធ្វើឲ្យដៃស្បូនស្រីៗប្រែទៅជាស្វិត បង្កទៅជាបញ្ហាអសមត្ថភាពផ្លូវភេទ។ វីតាមីន A មាននៅក្នុងបន្លែ និងផ្លែឈើមួយចំនួន រួមមាន ការ៉ុត ម្ទេស និងផ្លែឈើ ជាច្រើនប្រភេទទៀត។

៣- អាស៊ីដ Phenylalanine

ជាប្រភេទពពួកអាមីណូអាស៊ីដ មានមុខងារធ្វើឲ្យកម្រិតអ័រម៉ូនអង់ដូភីនកើនឡើង ដែលជាអ័រម៉ូនជួយបង្កើនអារម្មណ៍ផ្លូវភេទផងដែរ។ គេរកឃើញ Phenylalanine មានច្រើនជាងគេនៅក្នុងសូកូឡាខ្មៅ។ មានប្រភេទអាហារមួយចំនួនផ្សេងទៀត ក៏សម្បូរសារធាតុនេះដូចគ្នា រូមមានផ្លែប៊ឺ ផ្លែម្នាស់ សណ្ដែក និងកូនស្ពៃ។

អត្ថបទពាក់ព័ន្ធ៖

មានបញ្ហាផ្លូវភេទ ប្រើអាហារបំប៉នជួយបានអត់?
អាហារបង្កើនអារម្មណ៍ផ្លូវភេទ មនុស្សភាគច្រើនមានជំនឿខ្លាំង

៤- វីតាមីន E

សម្រាប់សុខភាពផ្លូវភេទ មុខងារវីតាមីន E ជាជួយភ្ញោចផ្លូវអារម្មណ៍ មានមុខងារជាអ្នកជំរុញឲ្យមានការផលិតអ័រម៉ូនភេទ ភាពទាក់ទាញ ចំណង់រួមភេទ និងអារម្មណ៍ផ្លូវភេទកាន់តែពុះកញ្ជ្រោល។ មិនត្រឹមតែប៉ុណ្ណោះ វីតាមីន E ក៏ដើរតួជាសារធាតុប្រឆាំងអុកស៊ីតកម្ម ដើម្បីការពារភាពចាស់ថែមទៀតផង ហើយជួយឲ្យជីវិតផ្លូវភេទអាចរស់នៅបានយូរអង្វែងដូចគ្នា។ វីតាមីន E មាននៅក្នុងគ្រាប់ធញ្ញជាតិ សណ្ដែក និងកូនស្ពៃ។

៥- សារធាតុ Citrulline

សារធាតុ Citrulline ត្រូវចាត់ទុកក្នុងក្រុមឱសថជួយឲ្យអាយុវែង (Longevity Medicine Review) ចាត់ទុកវាជាឱសថជំនួយផ្លូវភេទបែបធម្មជាតិ ដោយសារតែអាចជួយបង្កើនកំហាប់អាស៊ីដនីទ្រិចបាន។ ការធ្វើបែបនេះ អាចជួយដល់ចលនាឈាម បង្កើនឈាមរត់ និងបង្កើនចំណង់ផ្លូវភេទ ហើយសារធាតុ Citrulline សម្បូរនៅក្នុងផ្លែឱឡឹកច្រើនជាងគេ។

៦- អាស៊ីដខ្លាញ់អូមេហ្គា ៣

អាស៊ីដខ្លាញ់អូមេហ្គា ៣ មានគុណប្រយោជន៍ដល់បេះដូង និងអ័រម៉ូនក្នុងខ្លួន ព្រោះខ្លាញ់អូម៉េហ្កា ៣ ជាពពួកខ្លាញ់មិនឆ្អែត ត្រូវបានសំយោគដោយថ្លើម ដើម្បីប្រើប្រាស់ជាជំនួយអ័រម៉ូនភេទទាំងពី មានទាំង តេស្តូស្តេរ៉ូន និងអឺស្ត្រូហ្សែន។ នៅក្នុងទស្សនាវដ្ដី Forbes បានចុះផ្សាយថា អាស៊ីដខ្លាញ់អូមេហ្គា ៣ ក៏អាចជួយដល់ប្រព័ន្ធសរសៃប្រសាទ្ធឲ្យធ្វើការបានកាន់តែប្រសើរថែមមួយកម្រិតទៀត ហើយនៅពេលប្រព័ន្ធប្រសាទ្ធធ្វើការបានកាន់តែប្រសើ ធ្វើឲ្យចរន្ដឈាមរត់កាន់តែល្អ។ អាស៊ីដខ្លាញ់អូមេហ្គា ៣ អាចមាននៅក្នុងត្រីសាល់ម៉ុន ឬពពួកត្រីរស់នៅតំបន់ត្រជាក់ និងមាននៅក្នុងគ្រាប់ធញ្ញជាតិផងដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបលផ្ទាល់ជាមួយគ្រូពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ណៃ ទូច · កែ 24/07/2019