ចំណង់ផ្លូវភេទមនុស្សម្នាក់ៗ អាចឡើងចុះគ្រប់ពេល ពិសេសដោយសារបញ្ហាទំនាក់ទំនង ឬពេលវេលា ក៏ដូចជាកាលៈទេសៈណាមួយ។ ពេលមានបញ្ហាអត់ចំណង់ផ្លូវភេទ ក៏ធ្វើឲ្យប៉ះពាល់ដល់ការរស់នៅប្រចាំថ្ងៃដែរ។ “Hello គ្រូពេទ្យ’ នឹងណែនាំយើងពីវិធីសាស្រ្តខ្លះៗ អាចជួយដាស់អារម្មណ៍ផ្លូវភេទ។
១- ដោះស្រាយបញ្ហាផ្លូវអារម្មណ៍
ចំណង់ផ្លូវភេទគ្មានថ្ងៃអាចកើនឡើងបានឡើយ បើយើងមិនដោះស្រាយបញ្ហាទាក់ទងផ្លូវភេទ ឲ្យបានរួចរាល់ទេនោះ។ មិនថាយើងធ្លាប់មានរឿងមិនល្អក្នុងទាក់ទងជាមួយផ្លូវភេទកាលពីមុន ឬមានបញ្ហាអំឡុងរួមភេទជាមួយដៃគូ ក៏ដូចជាមានបញ្ហាណាមួយជាមួយសមាជិកគ្រួសារ ប៉ាម៉ាក់ ឬមនុស្សជុំវិញខ្លួន ដែលអាចធ្វើឲ្យយើងគិតថា រួមភេទ មិនមែនជារឿងសំខាន់ក្នុងជីវិតនោះ បញ្ហាទាំងនោះ នឹងក្លាយជាកត្តារារាំងអារម្មណ៍ផ្លូវភេទយើងមិនខាន។
មិនថាយើងស្វែងរកដំណោះសា្រយតាមអ៊ីនធឺណិត ទៅជួបពេទ្យជំនាញ ឬពិគ្រោះជាមួយអ្នកឯកទេស នោះទេ ក៏ដូចជាបើកចិត្តទទួលស្គាល់ពីបញ្ហារារាំងកត្តាផ្លូវភេទរបស់យើង ដែលទាំងអស់នេះ គឺជាវិធីសាស្ត្រដំបូង ធ្វើឲ្យយើងមានចំណង់រួមភេទជាមួយដៃគូ ប្តីប្រពន្ធ ឡើងវិញបាន។
២- ហាត់ប្រាណ
យើងត្រូវចាប់ផ្ដើមធ្វើចលនា ហាត់ប្រាណ ដូចជា ដើរជុំវិញផ្ទះ ទៅកន្លែងម៉ាស្សា ឬអាចសម្រេចកាមដោយខ្លួនឯង ឲ្យបានញឹកញាប់។ មួយទៀត អាចងូតទឹកឲ្យបានច្រើនដង ធ្វើបែបនេះ យើងនឹងមានអារម្មណ៍ល្អ នៅពេលទឹកបាញ់ប៉ះដងខ្លួនយើង។
នៅក្នុងរយៈខ្លីមួយ ធ្វើបែបនេះ យើងនឹងចាប់ផ្ដើមមានភាពជឿជាក់ អាចកាត់បន្ថយភាពតានតឹង ក៏ដូចជាបញ្ហាស្រ្តេស ពីមួយថ្ងៃទៅមួយថ្ងៃ ហើយចំណង់ផ្លូវភេទ ក៏កើនឡើងបន្តិចម្ដងៗទៅតាមអារម្មណ៍យើងដែរ។
៣- កុំខ្វល់ពីរឿងដល់ចំណុចកំពូល ឬមិនដល់
រឿងដល់ចំណុចកំពូលពេលរួមភេទ ជាកត្តាមួយធ្វើឲ្យយើងភាគច្រើនមានកង្វល់ ប៉ះពាល់ជីវិតផ្លូវភេទ មិនថាប្រុស មិនថាស្រី។ មានគ្នាយើងជាច្រើន បារម្ភច្រើនរឿងចង់ជួយដៃគូខ្លួនឲ្យឈានដល់ចំណុចកំពូល ក្នុងរយៈពេលរួមភេទសមរម្យណាមួយ ដើម្បីឲ្យខ្លួនឯងមានអារម្មណ៍គ្រប់គ្រាន់ និងសកម្មភាពផ្លូវភេទនេះ ឬមានគ្នាយើងខ្លះទៀត ងប់ងុលពីរឿង ថាតើអាចធ្វើឲ្យដៃគូឈានដល់ចំណុចកំពូលបាន ឬអត់។ ហេតុនេះ បើចង់ឲ្យចំណង់ផ្លូវភេទប្រសើរឡើង ត្រូវឈប់ខ្វល់ពីរឿងដល់ចំណុចកំពូលនេះ។ មិនត្រូវយកពេលទៅខ្វល់ពីរឿងនេះខ្លាំងពេកនោះទេ ពេលយើងឈប់គិតពីរឿងដល់ចំណុចកំពូល ទាំងសងខាង នឹងនឹងទទួលបានអារម្មណ៍គ្មានសម្ពាធពេលរួមភេទម្តងៗ អាចរីករាយជាមួយអារម្មណ៍រំភើបជុំវិញសកម្មភាពដ៏រោលរាលតាមអ្វីយើងត្រូវការ ដោយមិនចាំបាច់ផ្ដោតទៅលើរឿងដល់ចំណុចកំពូលតែមួយមុខ។
បើយើងមិនធ្លាប់មានបទពិសោធត្រេកត្រអាលរឿងលើគ្រែ គួរសាកល្បងវិធីនេះ ច្បាស់ជាមានអារម្មណ៍ប្លែក រំភើប ហើយថែមទាំងអាចប្រែទៅការហាត់បា្រណលើគ្រែរួមគ្នាជាមួយដៃគូ ប្តីប្រពន្ធយើងទៀតផង។
៤- សាកល្បងវិធីថ្មី និងរៀបចំបន្ទប់ឲ្យមានភាពទាក់ទាញ
រៀបចំកាលវិភាគរួមភេទ ពិតជាអាចធ្វើឲ្យយើងមានអារម្មណ៍ មានសុវត្ថិភាពក្នុងជីវិតផ្លូវភេទ ប៉ុន្តែការធ្វើបែបនេះដដែល ក៏អាចបណ្ដាលឲ្យចំណង់ផ្លូវភេទធ្លាក់ចុះដូចគ្នា។ ការរៀបចំតុបតែងបន្ទប់ឲ្យខុសប្លែកសព្វមួយដង អាចធ្វើឲ្យយើងមានអារម្មណ៍ប្លែក និងរីករាយជាមួយរឿងលើគ្រែ កាន់តែប្រសើរឡើង។ វិធីសាស្ត្រមួយទៀត អាចសាកល្បងម៉ាស្សាដៃគូយើងមុនចាត់ការ ឬបើកចម្រៀងបង្កើនអារម្មណ៍ អាចស្លៀកពាក់ឈុតរាត្រីសិចស៊ី (សម្រាស់ស្រីៗ) ឬទិញខោអាវថ្មីឲ្យដៃគូស្លៀក តាមអ្វីតាមចំណង់ចិត្តដៃគូ និងយើងផ្ទាល់ សុទ្ធតែអាចបង្កើនចំណង់ផ្លូវភេទបាន។
អត្ថបទពាក់ព័ន្ធ៖
- បើសង្ស័យថាខ្លួនកំពុងញៀនរួមភេទមិនដឹងខ្លួន ចម្លើយមានក្នុងអត្ថបទនេះ
- ចម្ងល់រឿងរួមភេទ ស្រីៗភាគច្រើនចង់ដឹង តែអត់ហ៊ានសួរ
៥- ផ្ដោតអារម្មណ៍លើរឿងរួមភេទឲ្យបានច្រើន
អារម្មណ៍ផ្លូវភេទឡើងចុះ ប្រែប្រួលទៅតាមរបៀបរបបរស់នៅមួយចំនួន យើងអាចនឹងមានលទ្ធភាពគ្រប់គ្រងវាបានបន្តិចបន្តួច ឬរហូតមិនអាចគ្រប់គ្រងបានទាល់តែសោះ។ បើមានរឿងធំៗត្រូវដោះស្រាយ ឬស្រ្តេសជាប្រចាំ យើងប្រហែលមិនអាចគ្រប់គ្រងអារម្មណ៍ផ្លួវភេទបានល្អនោះទេ ធ្វើឲ្យជីវិតផ្លូវភេទរងគ្រោះដូចគ្នា។ យ៉ាងណា ក៏មិនមែនជាកំហុសនោះដែរ សង្ឃឹមថាដៃគូយើងនឹងយល់អាចនឹងយល់ពីបញ្ហានេះ អាចជួយយើងឲ្យគេចផុតពីបញ្ហាបាន។ រឿងយើងត្រូវធ្វើ គឺមិនត្រូវនៅស្ងៀមនោះទេ ត្រូវព្យាយាមគ្រប់គ្រងបញ្ហាទាំងអស់នោះឲ្យបានល្អតាមដែលអាចធ្វើបាន ពេលយើងព្យាយាមដោះស្រាយបញ្ហាទាំងអស់នោះ ត្រូវដឹងថាយើងបានធ្វើល្អបំផុត និងអស់ពីសមត្ថភាពហើយ។
៦- ឱបគ្នាឲ្យបាន ៣នាទី ចាំចាប់ផ្តើមរួមភេទ
វិធីមួយនេះ មិនមែនឲ្យឲ្យផ្លាស់ប្ដូរវប្បធម៌ និងរបៀបរបបរួមភេទយើងនោះទេ ធ្វើបែបនេះ គឺគ្រាន់តែបង្កើនមនោសញ្ចេតនាឲ្យកាន់តែស្និទ្ធស្នាល ហើយក៏ជារឿងចាំបាច់ត្រូវធ្វើ ដើម្បីដាស់អារម្មណ៍ឲ្យបានពុះកញ្ជ្រោលជាងមុនដែរ។
បើឱបដៃគូឲ្យជាប់ ២-៣នាទី យើងនឹងអាចទទួលបានសញ្ញា ថាតើទាំងពីរនាក់មានអារម្មណ៍ល្អចង់រួមភេទប៉ុនណាក្នុងពេលនេះ។ ឱបគ្នាអាចប្រាប់យើងបានច្រើនអំពីស្ថានភាពទំនាក់ទំនង និងអារម្មណ៍មិនល្អដែលសុទ្ធតែអាចមករារាំងជីវិតផ្លូវភេទយើងបាន។
[embed-health-tool-ovulation]
