តិចនិកពិសេសពេលរួមភេទ កុំឲ្យធុញទ្រាន់ជាមួយក្បាច់ដដែលៗ

រក្សាជីវិតផ្លូវភេទឲ្យល្អប្រសើរ មិនត្រឹមជួយពង្រឹងទំនាក់ទំនងជាមួយដៃគូកាន់តែល្អប្រសើរទេ ថែមទាំងធ្វើឲ្យជីវិតប្រចាំថ្ងៃស្រស់ថ្លាមួយកម្រិតទៀត។ យ៉ាងណា តិចនិករួមភេទ ក៏មិនគួរធ្វើដដែលៗដូចគ្នា ព្រោះអាចធ្វើឲ្យយើងមានអារម្មណ៍ធុញទ្រាន់ ខណៈវិធីជាច្រើនអាចធ្វើឲ្យកាន់តែអស្ចារ្យ សុខស្រួល ពិសេសបើចេះប្រើក្បាច់ថ្មីៗ ធានាថា ដៃគូទាំងសងខាងសុទ្ធតែពេញចិត្ត។ “Hello គ្រូពេទ្យ’ នឹងប្រាប់តិចនិក និងក្បាច់មួយចំនួនឲ្យគ្នាយើងបានដឹង។

១- រួមភេទបែបតក់ក្រហល់

រួមភេទបែបតក់ក្រហល់ ជាតិចនិកមួយ ជួយបង្កើនកម្រិតអ័រម៉ូនអាដ្រេណាលីនក្នុងឈាម ឲ្យកើនឡើង ជួយអារម្មណ៍កាន់តែពុះកញ្ជ្រោលខ្លាំង។ ការរួមភេទលឿនៗបែបនេះ ធ្វើឲ្យយើង និងដៃគូរមានអារម្មណ៍ស្រើបស្រាល រន្ធត់ប្រៀបទៅនឹងផែនដីរញ្ជួយ រហូតធ្វើឲ្យយើងទន់ជង្គង់ទៀតផង។ តិចនិករួមភេទបែបនេះ ដូចយើងកំពុងប្រាប់ទៅដៃគូ ពីអារម្មណ៍ស្រលាញ់ខ្លាំង ជួយដល់ទំនាក់ទំនងឲ្យកាន់តែប្រសើរ។

បន្ទាប់ពីចំណាយពេលធ្វើការស្រ្តេសពេញមួយថ្ងៃ តិចនិករួមភេទបែបតក់ក្រហល់ យើងនឹងមិនខ្វាយខ្វល់ជាមួយពេលវេលា ឬខោអាវកំពុងពាក់ជាប់ខ្លួននោះទេ ព្រោះប្រៀបដូចជាថ្នាំ ជួយដាស់ដងខ្លួន អារម្មណ៍ ឲ្យក្ដៅដូចភ្លើងកំពុងតែឆេះសន្ធោរសន្ធៅ។ ប៉ុន្តែតិចនិករួមភេទបែបនេះ តម្រូវឲ្យប្រើទឹករម្អិលជំនួយ កុំឲ្យមានការដាច់រហែក ឬឈឺចាប់។

២- រួមភេទបែបសម្តែងដូចក្នុងរឿង

សម្ដែងធ្វើឲ្យខ្លួនយើង ដូចជាមនុស្សថ្មីម្នាក់ទៀត ជួយឲ្យរឿងលើគ្រែកើនឡើងបានមួយកម្រិតថែមទៀត។ តិចនិករួមភេទបែបនេះ មិនត្រឹមតែជួយឲ្យយើងស្រមើស្រមៃកាន់តែច្រើននោះទេ ក៏ជួយឲ្យចាកចេញភាពធុញទ្រាន់ ដដែលៗបានដូចគ្នា។ ខាងស្រី អាចសម្តែងជាពេទ្យស្រីៗសិចស៊ី កំពុងតែបើកឆាកប្រយុទ្ធជាមួយយើងដែលជាជំងឺ សុទ្ធតែអាចទៅរួច ជួយជំរុញអារម្មណ៍ឲ្យពុះកញ្ជ្រោលថែមទៀត។

៣- រួមភេទបែបក្ដៅគគុក

រួមភេទបែបក្ដៅគគុក និងថ្ងូរឮៗ ជាការរួមភេទមួយបែប ជួយដល់ជីវិតផ្លូវភេទកាន់តែប្រសើរឡើយ។ យ៉ាងណា តិចនិករួមភេទបែបនេះ អាចរំខានដល់អ្នកជិតខាងបាន អាចធ្វើឲ្យរហែកកម្រាលពូក ឬធ្វើឲ្យសត្វចិញ្ចឹមភ័យរត់បាត់ក៏មាន។ រួមភេទបែបក្ដៅគគុកមួយនេះ នឹងធ្វើឲ្យយើងឈប់គិតពីរឿងកំពុងតែកើតឡើងបានទាំងអស់ ទាំងស្រ្តេសក្នុងក្បាល និងដងខ្លួន រលាយបាត់អស់ បន្ទាប់ពីការរួមភេទយ៉ាងរោលរាលមួយនេះបញ្ចប់ទៅ។ អាចផ្ដល់សញ្ញាទៅកាន់ដៃគូ បើអូខេ យើងអាចចាប់ផ្ដើមបើកឆាកប្រយុទ្ធក្ដៅសាច់បានហើយ។

អត្ថបទពាក់ព័ន្ធ៖

៦ ចំណុច បញ្ជាក់ថាសមត្ថភាពរឿងលើគ្រែយើងអន់បំផុត
តំបន់ ៦ កន្លែងលើរាងកាយ ដាស់អារម្មណ៍រួមភេទកាន់តែស្រើបស្រាល

៤- ខាងស្រីជាអ្នកបើកឆាកប្រយុទ្ធ

ពេលឲ្យភាគីខាងស្រីជាចាត់ការ ប្រុសៗនឹងទទួលបានអារម្មណ៍ស្រើបស្រាលបំផុតមួយ។ ប្រុសៗភាគច្រើន សុទ្ធតែអាចមានអារម្មណ៍ធុញទ្រាន់ បើប្រុសៗជាអ្នកចាត់ការដដែលក្នុងពេលប្រតិបត្ដិការម្ដងៗ។ អ្នកជំនាញផ្លូវភេទ បានណែនាំឲ្យភាគីខាងស្រី ចេះចាត់ការក្នុងរឿងមួយនេះឲ្យបានច្រើន។ សម្រាប់តិចនិករួមភេទមួយបែបនេះ ភាគីខាងប្រុស ច្បាស់ជាមិនអាចទប់អារម្មណ៍រោលរាលបាននោះឡើយ ហើយខាងស្រីនឹងផ្ដល់ភាពស្រណុកសុខស្រួលដ៏អស្ចាត្យដល់ដៃគូ ដែលមិនធ្លាប់មានអារម្មណ៍បែបនេះពីមុនមក។

៥- រួមភេទបែបយល់ចិត្ដគ្នា

មិនមែនគ្រប់គ្នា សុទ្ធតែចង់បានតិចនិកក្ដៅសាច់នោះទេ ពេលខ្លះការរួមភេទបែបមួយៗ សន្សឹមៗ ក៏អាចធ្វើឲ្យយើងមានអារម្មណ៍ស្រណុកស្រួល និងពេញចិត្ដពេញថ្លើមខ្លាំងបានដែរ។ រួមភេទបែបនេះ នឹងធ្វើឲ្យទាំងសងខាងមានអារម្មណ៍ស្រលាញ់ និងមើលថែគ្នាកាន់តែច្រើន ជាមូលហេតុជួយឲ្យប្ដីប្រពន្ធជាច្រើន ជ្រើសរើសវិធីមួយនេះ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបលផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ណៃ ទូច · កែ 26/08/2019