ដោយសារកត្តាបរិស្ថាន ស្ថានភាពផ្លូវចិត្ត និងកត្តាមួយចំនួនទៀត ធ្វើឲ្យប្រុសៗមួយចំនួនងាកទៅស្រលាញ់ភេទដូចគ្នា ប្រុសស្រលាញ់ប្រុស ស្រីស្រលាញ់ស្រី។ ចំពោះស្រីៗរួមភេទជាមួយស្រីដូចគ្នា កុំទាន់និយាយ ថ្ងៃនេះ “Hello គ្រូពេទ្យ’ ផ្តោតសំខាន់ជំងឺងាយឆ្លងសម្រាប់ប្រុសៗរួមភេទដូចគ្នាប៉ុណ្ណោះ។
១- ជំងឺអេដស៍
ដោយសារតែកោសិកានៅតាមរន្ធគូទ និងចុងពោះវៀនធំ មានលក្ខណៈងាយស្រួលដាច់រហែក និងដោយសារនៅពេលបាញ់ទឹកកាម សារធាតុបន្ថយសកម្មភាពប្រព័ន្ធការពារបញ្ចេញមក ផងនោះ ធ្វើឲ្យការរួមភេទរវាងប្រុសៗគ្នាឯង ជាការរួមភេទមានគ្រោះថ្នាក់បំផុត ដោយសារតែអាចប្រឈមខ្ពស់ ឆ្លងមេរោគអេដស៍ និងឆ្លងរោគផ្សេងៗទៀត។
២- ជំងឺកាមរោគ
រួមភេទតាមរន្ធគូទរវាងមនុស្សប្រុស អាចធ្វើឲ្យប្រឈមមុខខ្ពស់ កើតមហារីករន្ធគូទ ឆ្លងមេរោគ HPV មេរោគរលាកថ្លើមប្រភេទ B ប្រភេទ C ឆ្លងពពួកមេរោគប្រមេះទឹកបាយ ប្រមេះទឹកថ្លា ជំងឺ Giardia lamblia (ឆ្លងរោគបង្កឲ្យរាករូស) ពពួកមេរោគឱកាសនិយម (HIV) មេរោគ Cryptosporidium ជំងឺរើម (Herpes simplex virus) និងមេរោគជាច្រើនផ្សេងទៀត។
ពាក្យថា “Fisting” សំដៅលើការយកដៃលូកចូលក្នុងរន្ធគូទ ហើយការធ្វើបែបនេះ អាចបណ្ដាលឲ្យមានគ្រោះថ្នាក់ធ្ងន់ធ្ងរជាងការរួមភេទតាមរន្ធគូទទៅទៀត។ នៅពេលមានការដាច់រហែកនៅតំបន់រន្ធគូទ អាចធ្វើឲ្យសាច់ដុំខ្ជឹបរបស់រន្ធគូទមិនអាចធ្វើការបានល្អ ជាលទ្ធផលនឹងអាចឆ្លងមេរោគផ្សេងៗ មានរលាកនៅតំបន់នោះ ក៏ជាមូលហេតុអាចធ្វើឲ្យឆ្លងជំងឺកាមរោគនៅថ្ងៃខាងមុខបាន។
៣- មេរោគចេញមកពីក្រពះពោះវៀន
ប្រុសៗចូលចិត្តរួមភេទដូចគ្នា ប្រឈមមុខខ្ពស់ជាមួយពពួកមេរោគចេញមកពីក្នុងក្រពះ ពោះវៀន។ ការដាច់រលាត់ អាចធ្វើឲ្យពពួកមេរោគទាំងនោះ ងាយឆ្លងចូលក្នុងខ្លួន បណ្ដាលឲ្យកើតទៅជាដំបៅ គេច្រើនឃើញនៅតាមតំបន់ជុំវិញរន្ធគូទ និងប្រដាប់ភេទ។
៤- លេចជ្រាបលាមក
នៅពេលរន្ធគូទមានការប៉ះទង្គិចដដែលៗ ឬមានការដាច់រយះ និងយឺតនោះ ធ្វើឲ្យមុខងារខ្ជឹបរបស់សាច់ដុំថយចុះ លទ្ធផលយើងអាចនិយាយបានថា ការរួមភេទតាមរន្ធគូទ អាចបណ្ដាលឲ្យមានការលេចជ្រាបលាមកចេញមកក្រៅបាន ជាមួយរឿងមិនល្អជាច្រើនទៀត នឹងកើតឡើង។
អត្ថបទពាក់ព័ន្ធ៖
- អ្វីជាជំងឺស្វាយ ឆ្លងតាមណា រោគសញ្ញាម៉េច ធ្ងន់ធ្ងរប៉ុនណា?
- ចម្ងល់រឿងរួមភេទ ស្រីៗភាគច្រើនចង់ដឹង តែអត់ហ៊ានសួរ
៥- ប៉ារ៉ាស៊ីត និងបណ្តុំរោគសញ្ញាលើប្រុសៗរួមភេទដូចគ្នា
ពពួកប៉ារ៉ាស៊ីត និងមេរោគក្នុងពោះវៀនជាច្រើន អាចមានលទ្ធភាពឆ្លងខ្ពស់ទៅលើប្រុសៗរួមភេទដូចគ្នា ដោយសារតែការរួមភេទនៃមនុស្សក្រុមនេះ គឺជាការរួមភេទតាមមាត់ និងរន្ធគូទ។
ការឆ្លងរោគ ឧស្សាហ៍កើតមានណាស់ រហូតគេបានដាក់ឈ្មោះឲ្យការឆ្លងរោគនោះថា (The Gay Bowel)។ ទោះបីជាពេលខ្លះ គេរកឃើញ ស្រីៗមួយចំនួន មានឆ្លងមេរោគក្រពះ ពោះវៀន ទាក់ទងជាមួយ Gay Bowel ក្ដី គេរកឃើញថាអ្នកជំងឺដែលលេចចេញរោគសញ្ញាជំងឺមួយនេះ ច្រើនជាក្រុមមនុស្សប្រុសរួមភេទជាមួយប្រុសដូចគ្នា។
[embed-health-tool-ovulation]
